NEHEMIA 9:31 - Lacid Common Language Bible

³¹ Nghoid loug we' re" nheig khyeug myid gyi: sheung: yoomo nang gi nyangnu" ri ashe: pyam- phyo' we' aphyo' shoin' pyam nghoid da:. Nang gi jeju" byeung" ziyo' nheig khyeug myid byeung" da" Mangsoo nghoid.

NEHEMIA 9:31 ပူးပေါင်းရင်းမြစ်များ

2 KHOKHAM 13:23

Nghoid loug we' Aseing gi nyangnu" ri nheig khyeug nheig myen: byid: da:. Nyang: gi nyangnu" ri asaid toem" pyam nhang: nghoid da:. Nyangnu" ri pang" thoug byid: da:. Ciwim ga: ri Abraham- Isag- Yaku yo' koid to" da" nya: dang: theing yoomo nghoid da:. Nyang: gi nya: byumyu" yiri khanham we' ato" myhed pyam nghoid da:.

2 KHOKHAM MHOOMYID: 30:9

Nanu" gi Aseing jhang doem tau" lo boem nghoid rigi nanu" da" bidnoem yiri thung: byu khyo" myheig shu" lo" bang: gi nyangnu" ri nheig khyeug wigi nyangnu" ri yhoem: khyoo: loo nhang: kaid loo goo" wa. Nanu" da" Aseing Mangsoo gi nheig khyeug ziyo' nheig khyeug shoo" myen: yug nghoid da:. Nanu" nya: jhang tau" lo boem nghoid ri nyang: gi nanu" ri lhoem: tau' yu ri" wa» ga: bo da:.

NEHEMIA 9:17

Nyangnu" gi tam" gyoo: cang yhi: wa shid re" ngeug he: pyam ago". Nyangnu" gi nang koid lid lo zi dangain" ri to" myid pyam ago". Nyangnu" gi nang koid da" mau" pho" alhoo: again joem ri to" myid pyam ago". Nyangnu" nghoid boin: yoomo nyangnu" gi nyangnu" ri Egutu khyoo: doem shu" tau" phang: wa vhujhung: dayug ri khyen: ago". Nghoid loug we' nang gi yooboo khyoid byid: da" Mangsoo nghoid da:. Nang gi jeju" byeung" lho: jheddab myid bo ziyo' nheig yoo: wa ahain: su: nghoid da:. Re" nheig khyeug myid gi gyi: sheung: da:. Nang gi nyangnu" ri ashe: pyam too" nghoid da:.

NEHEMIA 9:19

Nghoid loug we' nang gi nyangnu" ri hau: dain" pyoid yoo moo ashe: pyam too" khoo' nghoid da:. Ciwim gari re" da" nheig khyeug myid gi gyi: sheung: da:. Nang gi nyangnu" ri myen" myen" nyid" nyid" khyoo: shid vhu" she: lo da" Jhoemmoug" zoo" ri we' myi: ri we' ayu pyam byid: nghoid da:.

ESAIA 48:9

«Byumyu" yi nga" myeing ri coung" nghei byid: goo" wa shid re" nga" nheig joem: yo: ziri ngoo zeing: ci:. Ngoo gi hau: ziri tau" yu pyam lho: nanu" ri aphyo' pyam wa.

YEREMIA 4:27

Aseing gi mougmyid dagyab goin" ziri jham" coug: youg moug: kyug bui" nhang: wa nghoid loug we' nyang: gi hau: ziri bain sho' aphyo' shoin' pyam wa ga: tid too" bye:.)

YEREMIA 5:10

Ngoo gi gyivoo yiri nhang: kaid wigi nga" byumyu" yi da" zabyid yoo joem ri zain: pyam nhang: wa. Nghoid loug we' nyangnu" ri bain sho' gi aphyo' shoin' nhang: wa. Ngoo gi nyangnu" ri akung: joem cu: pyam wa shid re" tid wa. Ciwim gari hau: akung: joem gi nga" re" anghoid nghoid da:.

YEREMIA 5:18

Aseing tid zigi «Hau: bidnyid moo lang" ngoo gi nga" byumyu" yiri bain sho' aphyo' shoin' pyam wa.

NGOUG JI: 3:22

Aseing da" ashoid avhang: jheddab myid yo' nheig khyeug khyoo: gi agoin athang loo: dajo, jo,.

DANIELA 9:9

Ngoonu" gi nang ri gyi koid thougtheung loo nghoid loug we' nang gi nheig khyeug ziyo' yooboo khyoid bye: da:.

TARHA" TID POIN" 4:31

Nyang: gi nheig khyeug myid bo da" Mangsoo nghoid. Nyang: gi nanu" ri ashe: pyam wa. Said we' asaid toem" pyam wa. Nyang: gi nanu" phoug" phyid" yo' koid to" da" dang: theing ri ato" myid wa.