NEHEMIA 9:30 - Lacid Common Language Bible30 Dazain thang: dazain nang gi nyangnu" ri nheigloem: sheing: sheing: to" wigi tid poin" da:. Nang gi re" lapi: yiri dang: ji wa shid re" nheigloem: soozoo: lheing: nhang: da:. Nghoid loug we' re" byumyu" yigi nu jid ago". Houg: yoomo nang gi gootu: byumyu" yi wigi nyangnu" ri oung: pyam nhang: da:. အခန်းကိုကြည့်ပါ။ |
NEHEMIA 9:30
34 ပူးပေါင်းရင်းမြစ်များ
Nghoid loug we' akhid" gi O" Mangsoo we"- Bain bui" bye: thang: ri ngoonu" ci: yo" tid loo: wa lha". Ngoonu" gi akhid" dalheing: re" dei zoo: yi nghoid da" lapi: yi khyo" wigi ngoonu" ri byid: da" amyeing" dang: joem ri atam" gyoo: acang yi bui" bye: zi nghoid. Nyangnu" gi ngoonu" ri nyhang" lo" seing: wa da" mung" gi yung: lho' gyeung" shang: nyid zi anghoid. Ciwim ga: ri houg moo nyid da" byumyu" yigi avid avhu: da" akyang" yo' mung" dathang: mo dathang: byeung" jo, zi nghoid» ga: tid.
«Nghoid loug we' re" byumyu" yigi nang ri thougtheung gyi koid lho: re" da" tid dang: ri atam" gyoo: nghoid ago". Nyangnu" gi re" tarha" ri nungthang phug pyam ago". Nyangnu" gi nyangnu" ri tid poin" da" lapi: yiri said pyam ago". Houg bang: gi nyangnu" ri re" jhang khyoo: lheing: loo: wa khyo" tid boem. Nyangnu" gi dalheing: thang: dalheing: nang ri aphoug" akhyoid koid da:.
Israela ri lhoid zoo: lhoid shug bang: lo, khoug: khyoo: hang" ab byid: pyam la" hau zigi nanu" nyang: thougtheung yooboo koid nyid su: Aseing nyang: nghoid da:. Nyang: ngoonu" ri kangso' dei nyid nhang: khyo" ngoonu kangso' adei anghoid lang" nyang: wigi ngoonu" ri byid: to" da" jhau" shid khyoo: joem ri we' acang nghoid da:.
Akhid" nyid" ju" sho' nanu" da" mougmyid gi byo, yoin" jo, lho: houg: moo hang" we' anyid nghoid ago". Hau: zigi yu" gyoug yu" lhung: khyoo: bue" lo wigi nanu" da" akhyeing" ziyo' akhyeing" da" lo, moo" joem ri Aseing gi ayo" zeing: shang" byid: loo yoomo byu yigi nanu" myeing ri nheing" khoin" khyo" ci: loo goo" wa.
Aseing gi nyang: koid wa ga: kyug nhain' lid loo: bye: da" moo" zoo" ri lo" thang moo zei: bue" kaid bye:. Goonham mo nyang: tid poin" lid: lo da" ziyo' dayhang: ti" ngoonu" ri nheig khyeug myid aboo loo: za: lhu: phyo' pyam bye:. Nyang: gi ngoonu" da" gyivoo joem ri oung: doid loo" nhang: bye:. Nyang: gi ngoonu" leung lo" da" jang" moo: nyangnu" ri ngei pyoo: nhang: bye:.
Stephain gi xo' lho: doem tid zigi nanu" gi nheigloem: gye" thain: nyid ago- nanu" da" nheigloem: ung: khoug: moo gi Mangsoo ri ase' boem nghoid go. Nanu" gi nanu" nya: da" phoug" phyid" yi yhang: ti" Mangso mungdang: ri ashug" gyo: da" nujed' mo, nghoid boem ago". Gyeungshang: da" Venyi ri khanham we' ngeug pyam mo, nghoid nyid boem ago".
Houg: za: we' anghoid shi" - nang gi Aseing jheddab nheig khyeug nyid da khyoo: - nheigloem: sheing: byid nyid khyoo: yo' kham' zeing: byid nyid da" khyoo: ri aphoug" akhyoid' koid' bye. Mangsoo: gi nang ri ngheig loem: thid' loo wa shid' re" - khyoo: shid' byid: nyid yoomo - Mangsoo: jheddab nheig khyeug da" khyoo: ri nang deing" deing si bye.
He: da" khyoid yu khyoo: gi kha: yo' kha: khyeing: mo: ju" ri" wa zi we' ce: ja: ce: khyoo" re" bue" thu' loo wa ziri se' loo" wa shid re" phoid: sho: yu" boem bye. Nyangnu" da" akhoug: moo bo vang zei: nyid da" Khristu da" venyi gi Yesu shau" kham' zoo: wa dam shid' re" we' haugsu" bain' kham zo: da" thang: ri shau" kham' zoo: wa da" myonhoo: phung" yoeb, ri we' no re toin" shid' to" uri he: da" ayo, ri toin" shid zi nghoid nyid.
Byu dayham: bang: myed ziyo' dakhyoo" ti"- Mangsoo gi nyang: dang: soo" khoin" byid: too": bye: ziri cang" zei: pyeung wa shid re" ayo' ri lang" lho: nhe" nyid zi anghoid. Nghoid sho' loug we' byu xangsu: dangain" mo, youg: noo yooboo mo lheung: lo wigi hang" we' byo, yoin" lo" zi ashaoug" baja" ga: nyang: vho: nyid yoomo nyang: nanu" tho' moo gyi: sheung: da" nheug loem: toin: shed; nyid.
ကြော်ငြာတွေ