NEHEMIA 9:26 - Lacid Common Language Bible

²⁶ «Nghoid loug we' re" byumyu" yigi nang ri thougtheung gyi koid lho: re" da" tid dang: ri atam" gyoo: nghoid ago". Nyangnu" gi re" tarha" ri nungthang phug pyam ago". Nyangnu" gi nyangnu" ri tid poin" da" lapi: yiri said pyam ago". Houg bang: gi nyangnu" ri re" jhang khyoo: lheing: loo: wa khyo" tid boem. Nyangnu" gi dalheing: thang: dalheing: nang ri aphoug" akhyoid koid da:.

NEHEMIA 9:26 ပူးပေါင်းရင်းမြစ်များ

1 KHOKHAM 14:9

Re" shid moo vhoebkhang" lid lo da" bang: tho' nang shoid da" yooboo je" myo: nyid da:. Nang gi ngoo ri ngeig pyam wigi noku wa shid re" yu phara" soolhoo: joem: yo' dei noem soolhoo: ri koid khyo" ngoo ri nheig yoo: nhang: nyid da:.

1 KHOKHAM 18:13

Yezebela gi Aseing da" lapi: yiri said nyid uri ngoo gi nyangnu" mo dashoo: yug ri wim: xi: xi: khyo" eig phung: kho' wigi nyangnu" ri lug khyung: moo shoung: to" lho: zoo: noem yo' gyid ri pang" byid: nyid ziri nang ashau" gyoo: rhe".

1 KHOKHAM 18:4

Yezebela gi Aseing da" lapi: yiri said lo uri Obadia gi nyangnu" mo dashoo: yug ri wim xi: xi: khyo" eig phung: khyo" wigi lug khyung: joem cang gau" shoung: to" lho: nyangnu" ri zoo: noem yo' gyid ri pang" thoug byid: bye:.)

1 KHOKHAM 19:10

Nyang: gi «Myhang: thang Aseing Mangsoo we"- ngoo gi nang dayug ri khyeing" dei byid: nyid. Nghoid loug we' Israela byumyu" yigi nyangnu" nang yo' koid to" da" dang: theing ri phyo' pyam bye:. Phoin: ri we' baid phyo' pyam bye: ziyo' re" lapi: yi dangain" ri we' said pyam bye:. Ngoo dayug kyeing" dadeing lo: wigi nyangnu" ngoo ri said wa shid re" yoem: kaid nyid boem» ga: phoug tid.

2 KHOKHAM 21:10

Aseing gi nya: dei zoo yi nghoid da" lapi: yi nhoid khyo"

2 KHOKHAM 21:11

«Khokham Manashe gi hau: aco' ajhoid da" lo, moo" joem nghoid da" Khanan byu yi koid boem tho' xo: da" lo, moo" ri koid abye:. Nya: yu phara" soolhoo: dangain" wigi Yuda byumyu" yiri nyang: yooboo shu" shoid abye:.

2 KHOKHAM MHOOMYID: 36:16

Nghoid loug we' nyangnu" gi Mangso da" lagyoo: yiri aphoug" akhyoid koid- nya: mungdang: joem ri cishu: anhang:- nya: lapi: yiri yi juang" pyam byid: ago". Houg lho: lo" thang moo nya: byumyu" yiri Aseing da" nheig yo: zigi hang" we' ayo" phang: loid loo sho' sung gyi: byug da:.

NEHEMIA 9:18

Nyangnu" gi nujung nu" lhoo: daloem: koid wigi Hau: zigi nyangnu" ri Egutu mo shu" thu lo da" yu phara" nghoid ga: tid ago". Aseing nyangnu" gi nang ri khayhi' anoug akhyoid rue" lid: lo ago" la".

NEHEMIA 9:29

Nang gi nyangnu" ri re" jhau" shid khyoo: joem ri cang wa shid re" tid poin" da:. Nghoid loug we' re" tarha" cang zigi kangso' dei khyoo: nghoid loug nyangnu" da" nghoid boin: myid yo' re" tarha" ri ngeug he: pyam ago". Nyangnu" gi myo, yang" ziyo' nheigloem: thain: yoomo anau cang nghoid ago".

NEHEMIA 9:30

Dazain thang: dazain nang gi nyangnu" ri nheigloem: sheing: sheing: to" wigi tid poin" da:. Nang gi re" lapi: yiri dang: ji wa shid re" nheigloem: soozoo: lheing: nhang: da:. Nghoid loug we' re" byumyu" yigi nu jid ago". Houg: yoomo nang gi gootu: byumyu" yi wigi nyangnu" ri oung: pyam nhang: da:.

COUNG" NGHEI 50:17

Ngoo so' koid so' soin da" dang: ri nang gi ngeug pyam lho: wigi nga" da" amyeing" dang: joem ri nang she: pyam nyid da:.

YEREMIA 16:11

Houg: lang" Aseing hid su" ga: tid ein: nyangnu" ri tid kyoo" we'. Nanu" da" phoug" phyid" yigi ngoo mo lheing: phug lo" wigi gootu: yu phara" soolhoo: joem ri no' ziyo' dei byid: lo boem bye:. Nyangnu" gi ngoo ri she: pyam too" kho' lho: nga" jhau" shed dang: ri atam" gyoo: nghoid ago".

YEREMIA 2:30

Ngoo gi nanu" ri yooboo dam byid: loug ce: akyu" aboo nghoid da:. Nanu" gi ngoo wigi nanu" ri jhau" shed wa akhang" abyid: nghoid ago". Nanu" gi nheig joem: yo: da" khangkhyi yhang: ti" nanu" da" Lapi: yiri said pyam abye:.

YEREMIA 2:7

Ngoo gi nyangnu" ri myidxu: ge da" moug: khyoo:- hau: moug: moo ngei pyoo: tung" shivoo: yhoem" wigi hau: moug: mo ge da" ja: joem ri yo" kham: yu wa shid re" shu" vang loo bye:. Nghoid loug we' hau: gungthid nyangnu" gi nga" mougmyid ri phyo' shoin' pyam ago". nyangnu" gi nyangnu" ri ngoo byid: to" da" mungdain: ri ayung" alho' koid pyam ago".

YEREMIA 32:23

Nghoid loug we' nyangnu" he: mungdain: khyoo: ju" lo wigi hau: ziri lo seing: pyam boem uri re" amyeing" dang: ri nyangnu" atam" gyoo:. Re" jhau" shid khyoo: ri cang wigi kangso' adei nghoid ago". Nang wigi nyangnu" ri koid wa amyeing" byid: to" da" khyoo: ri nyangnu" ci: akoid nghoid ago". Houg: yoomo he: phyo' shoin' khyoo: dangain" nyangnu" jang" moo nang bui" nhang: abye:.

YEREMIA 42:19

Hau: thang: ngoo gi xo' lho: «Yuda mung" moo nyid deing nyid da" nanu" we' Egutu mung" khyoo: ayhi: wa shid re" Aseing tid da:. Houg: yoomo akhid" ngoo nanu" ri

NGOUG JI: 3:42

Ngoonu" gi yooboo shoid vhang: lho: thougtheung nyid boem bye:. Hougsu" nghoid yoomo O" Aseing we"- nang gi ngoonu" ri yooboo akhyoid byid: shi" nghoid da:.

EZEKIEL 20:21

Nghoid loug we' hau: xeig mo bang: we' ngoo ri pyi: sho: boem ago". Hau: ziri phau" cang da" yugkhang" moo" ri kangso' byid: da" nga" tarha" ri phyo' shoin' pyam lho: nga" amyeing" dang: ri azoem: nghoid ago". Nyangnu" gi Dougno: Bidnyid ri aco' ajhoid koid pyam da:. Ngoo gi nyangnu" ri hau: dain" pyoid yoo moo nga" nheig joem: yo: ziri kham zoo: nhang: wa yo' nyangnu" dangain" ri said pyam wa jen" jen" nghoid bye:.

MATHE 21:35

Khyam: moo" zei: mo, gi nya: dei zoo: yi ri lhoem: myheig yu lho: yug su: ri yug said' su: ri said'- luggo, du" su: ri du"- lhoem: koid: boem.

ACTS 7:52

Nanu" da" phoug" phyid" yi wi gi ashen" yhen, yu" da" lapi: ga: zi kha: yug nyid yu go" Nyang: nu" gi Mangso da" deingmain" su: ju" ri" wa ga: da" khyoo: ri tid fu" kyo" da" Mangso lagyoo: yi ri we' said' pyam boem abye: go. Akhid" nanu" gi hau: yug ri ab, byid: pyam' lho: said' pyam' boem abye: go.

TARHA" TID POIN" 32:14

Nyangnu" da" nu: zeing joem yo' coidbaid zeing joem gi nau" myoo" sho' byid: da:. Nyangnu" gi ge thang da" yang joem coidbaid joem yo' nu: joem ge thang da" sungsoo: yo' ngham" thang da" zabyid yhid: joem yo" ago".

TARHA" TID POIN" 32:15

Aseing byumyu" yigi yoo" zoo: yoo" shug lo da:. Nghoid loug we' gyi koid lo ago". Nyangnu" gi xu: wigi zoo: noem zo: gyi: nyid boem ago". Nyangnu" gi nyangnu" da" phain" so: Aseing Mangsoo ri she: pyam wigi nyangnu" da" myhang: thang khyoid yu Aseing ri ngeug he: pyam ago".

TARHA" AGYI 10:6

Israela byumyu" yigi Bala yo' Astarte yu phara" joem ri Suri mo yu phara"- Sidon mo yu phara"- Moba mo yu phara"- Amon mo yu phara"- Philisti mo yu phara" joem ri no' yhang: ti" nyang: no' wigi Aseing ri thougtheung yooboo dalheing: doem shoid ago". Nyangnu" gi Aseing ri she: pyam lho: nyang: ri noku jang" mo theing: pyam boem.