NEHEMIA 9:25 - Lacid Common Language Bible

²⁵ Re" byumyu" yigi reung: da" voomoo" joem Myid xu: bo da" mougmyid- jonu" byeing sho' bo da" yhoem: joem bain du: too" bye: da" gyid teing thoem" joem Zhainloin gam joem shigam joem yo' zabyid gam joem ri lhoid seing: yu ago". Nyangnu" gi nyangnu" vho: gu: dangain" zo: wigi xu: re" boem ago". nyangnu" gi nang wigi nyangnu" ri byid: to" da" ge zi dangain" ri pyoo: pyoo: kham zo: abye: go".

NEHEMIA 9:25 ပူးပေါင်းရင်းမြစ်များ

1 KHOKHAM 14:9

Re" shid moo vhoebkhang" lid lo da" bang: tho' nang shoid da" yooboo je" myo: nyid da:. Nang gi ngoo ri ngeig pyam wigi noku wa shid re" yu phara" soolhoo: joem: yo' dei noem soolhoo: ri koid khyo" ngoo ri nheig yoo: nhang: nyid da:.

1 KHOKHAM 8:66

Shed nyid" nyid" ri Sholumon gi byumyu" yiri yhoem: khyoo: nhang: kaid bye:. Nyangnu" dangain" we' nya: deizoo: David yo' nya: byumyu" Israela ri Aseing mainkaid byid: yoomo nyang: ri coung" lho: yhoem: khyoo: ngei pyo: tung" lo" boem bye:.

NEHEMIA 9:35

Khokham yigi re" mainkaid jeju" khyo" re" byumyu" yiri nang wigi byid: to" da" myid xu: ge mougmyid lam da" mung" moo nyid boem uri vhoeb zoo: lid lo ago". nghoid loug we' nyangnu" gi yooboo mo doem tau" lo wigi nang ri dei byid: wa ziri du" pyam ago".

COUNG" NGHEI 105:44

Nyang: gi subi" gooje da" mougmyid ri nyangnu" ri byid: lho: nyangnu" gi subi" gooje da" khyam: yoothung joem ri shoug" seung: nyid boem bye:.

COUNG" NGHEI 65:11

Nang gi gi koid byid: nyid yoomo shoug" shab yham" yu da" gug zoo meiloem: joem gi khamyhoo, myo: jo, boem lha". Nang so" ju" lo" da" joyoo khyi, khang" moo" moo athang agoin myo: loug loo nhang: nyid.

DANG: ZHOEM 30:9

Ngoo moo: ca" nyid tho' re" jonu" ziyoo yo" jo, loo lang"-nang ri ngoo ci: aca" loo: ga: tid loo wa zi nghoid. Nghoid lang" ngoo sho" jhen: nyid wigi khoug" zo: lho: nga" Mangsoo ri myeing yoin" loo" nhang: wa zi nghoid.

ESAIA 6:10

Hau: thang: nyang: gi ngoo ri «Nyangnu" ayo" myang- ashau" gyoo:- ase' gyoo: goo" wa shid re" he: byumyu" yi myid ri coid nhang:- nyangnu" nukhyab ri jed, nhang: lho: myo, ri jed, nhang: we'. Nyangnu" shau" gyo: shau" myang lho: se' gyo: nghoid rigi nyangnu" nga" jhang phug lo lho: byang" byid: zi shoug" wa zi nghoid.

ESAIA 63:7

Ngoo gi Aseing da" abei: abyo, da" jheddab myid khyoo: ri tid kyoo" wa. Nyang: ngoonu" ri koid byid: bye: da" lo, moo" dangain" gang mo nyang: ri coung" wa. Nya: nheig khyeug myid yo' geing: teing da" Jheddab myid yoomo Nyang: gi Israela byumyu" yiri myoo" sho' mainkaid byid: da:.

YEREMIA 2:7

Ngoo gi nyangnu" ri myidxu: ge da" moug: khyoo:- hau: moug: moo ngei pyoo: tung" shivoo: yhoem" wigi hau: moug: mo ge da" ja: joem ri yo" kham: yu wa shid re" shu" vang loo bye:. Nghoid loug we' hau: gungthid nyangnu" gi nga" mougmyid ri phyo' shoin' pyam ago". nyangnu" gi nyangnu" ri ngoo byid: to" da" mungdain: ri ayung" alho' koid pyam ago".

YEREMIA 31:14

Khainjung yiri zoo: noem gi yo' ngoo pyeing byid: wa. Houg: lho: nga" byumyu" yi ca" khyoo: dangain" ziri ngoo nheugdeug nhang: wa. Ngoo Aseing tid too" bye:»

YEREMIA 32:23

Nghoid loug we' nyangnu" he: mungdain: khyoo: ju" lo wigi hau: ziri lo seing: pyam boem uri re" amyeing" dang: ri nyangnu" atam" gyoo:. Re" jhau" shid khyoo: ri cang wigi kangso' adei nghoid ago". Nang wigi nyangnu" ri koid wa amyeing" byid: to" da" khyoo: ri nyangnu" ci: akoid nghoid ago". Houg: yoomo he: phyo' shoin' khyoo: dangain" nyangnu" jang" moo nang bui" nhang: abye:.

EZEKIEL 20:6

Hau: uri ngoo gi nyangnu" ri Egutu mo shu" thu yu lho: nyangnu" shid re" ngoo khyen: too" byid: da" nyid gi yab ge ziyo' myid xu: ge da" mougmyid- dangain" tho' ge thang da" mougmyid khyoo: nyangnu" ri shu" vhu" she: loo" wa ein: dang: soo" byid: to" zi nghoid.

DANIELA 11:24

Nyang: gi jonu" yo" da" mungdain: daloem: ri ci: atid poin" too" lho: za: moug: jhen" vang yhi: wa. Houg: lho: nya: phoug" phyid" yi hang" dayug we' akoid lo da" moo" ri koid loo wa. Hau: thang: nyang: gi meing: zain: jang: mo shoug" yu lo da" lanyhoeb joem yo' jonu" joem ri nya: thang: cang bang: ri kho' gam byid: wa. Nyang: gi gyikhoug: zung joem ri khaid zain: wa soin' nghoid loug we' nya: da" ayo, gi khamyhang amyang" ri thang lo" byug wa.

HOSEA 13:6

Nghoid loug we' mougmyid ge jang" khyoo: vang yhe: lo" lho: nanu" gi gye" shoug" zo: ziyo' nheugshid: nheugdeug boem lang" nghoid boin re" wigi ngoo ri to" myhed pyam abye:.

HOSEA 3:5

Nghoid loug we' Israela byumyu" yigi nyangnu" da" Aseing Mangsoo yo' nyangnu" da" khokham David da" amyed ashen" yi jhang khyoo:- doem lheing: tau" lo da" ayo, ju" loo goo" wa. Hau: thang: nyangnu" gi Aseing ri gyoug phoug" wigi nya: da" jhungshug gi joem ri shoug" kham yu loo wa.

Roma 2:4

Houg: za: we' anghoid shi" - nang gi Aseing jheddab nheig khyeug nyid da khyoo: - nheigloem: sheing: byid nyid khyoo: yo' kham' zeing: byid nyid da" khyoo: ri aphoug" akhyoid' koid' bye. Mangsoo: gi nang ri ngheig loem: thid' loo wa shid' re" - khyoo: shid' byid: nyid yoomo - Mangsoo: jheddab nheig khyeug da" khyoo: ri nang deing" deing si bye.

TARHA" TID POIN" 3:5

He: voogung joem dangain" gi vang khyam: joem myhang: sho' koid wigi khoem" moo" joem yo' hau: ziri khoem" kyang kyang to" da" gyidab voogung joem nghoid. Houg: moo vang khyam: abo da" voogung joem myoo: sho' we' jo, da:.

TARHA" TID POIN" 32:13

«Nyang: gi nyangnu" ri boem myhang: moo vhoebkhang" nhang: da:. Houg: lho: nyangnu" gi yoothung" yoolang: joem moo yug ziri zo: lid lo ago". Nyangnu" gi lug pyo' cang byooyhid: ri shau" myang yu da:. Nyangnu" da" zhainloin: gam joem gi lug myid moo yug jo, da:.

TARHA" TID POIN" 32:14

Nyangnu" da" nu: zeing joem yo' coidbaid zeing joem gi nau" myoo" sho' byid: da:. Nyangnu" gi ge thang da" yang joem coidbaid joem yo' nu: joem ge thang da" sungsoo: yo' ngham" thang da" zabyid yhid: joem yo" ago".

TARHA" TID POIN" 32:15

Aseing byumyu" yigi yoo" zoo: yoo" shug lo da:. Nghoid loug we' gyi koid lo ago". Nyangnu" gi xu: wigi zoo: noem zo: gyi: nyid boem ago". Nyangnu" gi nyangnu" da" phain" so: Aseing Mangsoo ri she: pyam wigi nyangnu" da" myhang: thang khyoid yu Aseing ri ngeug he: pyam ago".