NEHEMIA 9:20 - Lacid Common Language Bible

²⁰ Nang gi re" gyi: sheung: khyo" nyangnu" koid ca" ziri nyangnu" ri tid shid da:. Nang gi nyangnu" ri Manna byid: zho" lho: shug gyid byid: jhug da:.

NEHEMIA 9:20 ပူးပေါင်းရင်းမြစ်များ

NEHEMIA 9:30

Dazain thang: dazain nang gi nyangnu" ri nheigloem: sheing: sheing: to" wigi tid poin" da:. Nang gi re" lapi: yiri dang: ji wa shid re" nheigloem: soozoo: lheing: nhang: da:. Nghoid loug we' re" byumyu" yigi nu jid ago". Houg: yoomo nang gi gootu: byumyu" yi wigi nyangnu" ri oung: pyam nhang: da:.

COUNG" NGHEI 105:41

Nyang: gi lug moo" boem ri phang kaid wigi gyid doid dang: thu lo lho: kyug kyiri jang" moo gyid moo" dalang yhang: ti" yau, nyid.

COUNG" NGHEI 143:10

nang gi nga" da" Mangsoo nyang: nghoid bye:- nang myid vho: khyo" yo" zei: wa shid re" ngoo ri jhau" byid: we'. Ge lho, da" khyoo: ri toin" shed byid: wigi gau: nyu: da" khyoo: khyo" ngoo ri vhu" shi: byid: we'.

THU' LO" MOUGSOUG" 16:15

Israela byumyu" yi hau: ziri myang lang" ce: noem nghoid zi nyangnu" asi' yoomo nyang: cang" nyang: «Ce: noem nghoid» ga: myid: go" nyid boem da:. Moshe gi nyangnu" ri «He: zigi nanu" zoo: wa shid re" Aseing byid: da" zoo: noem nghoid.

THU' LO" MOUGSOUG" 16:35

Israela byumyu" yi nyangnu" nyid wa da" Khanan mung" ju" sho' myid: xi: zain nyang: manna zooyho' ri zo: ago". (

THU' LO" MOUGSOUG" 16:4

Aseing gi Moshe ri «Akhid" ngoo gi nanu" dangain" bang: shid re" mougkhung: mo zoo: shug vo khyoo' byid: wa. Byumyu" yigi nyid" khang" nyid" yhe: wigi hau: nyid" shid re" gi" koo: koid: yu wa zi nghoid. He: khyoo: khyo" wigi nyangnu" nga" jhoug" shid khyoo: ri cang ago" la' ein: ziri ngoo yo" jham" ca: yu" wa zi nghoid.

THU' LO" MOUGSOUG" 17:3

Nghoid loug we' byumyu" yigi gyid gye" shid ziyo' xo' wigi Moshe ri myeing" myoo: bye:. Nyangnu" gi «Ciwim yoomo nang ngoonu" ri Egutu mo shu" thu lo la". Ngoonu" yo' ngoonu" zoo: yi ngoonu" gougnyhoug joem ri gyid shid wigi shid: nhang: wa ein: rhe"» ga: tid ago".

THU' LO" MOUGSOUG" 17:6

Re" shidkhoin" mo Sina boem lug moo" zeing tho' moo ngoo yab jo, wa nghoid. Lug moo" zeing moo baid we'. Houg: lang" byumyu" yi shug wa shid re" hau: jang" mo gyid thu ri" wa zi nghoid» ga: tid. Moshe gi Israela byumyu" vhujhung: yi da" shidkhoin" moo hougsu" koid bye:.

ESAIA 48:21

Aseing gi nya: byumyu" yiri lung ziyo' kyug hei' da" dain" pyoid yoo khyo" shu" lid: lo" uri nyangnu" gyid ashed goo" nghoid da:. Nyang: gi nyangnu" shid re" lugboem mo gyid yau thu loo nhang: da:. Nyang: gi lugboem ri go, bang" loo nhang: wigi gyid yau thu loo nhang: da:.

ESAIA 49:10

Nyangnu" gi khanham we' zooyoid wa gyidshed wa zi anghoid. Bid yo' dain" pyoid yoo loung zigi nyangnu" ri dam tab wa zi anghoid. Ciwim gari nyangnu" gi nyangnu" ri jheddab su: wigi shu" vhu" she: yhe: zi shoug" loo goo" wa. Nyang: gi nyangnu" ri gyid boug joem khyoo: shu" vhu" she: yhe: loo" wa.

HAGI 2:5

Nanu" gi Egutu mung" mo thu lo da" uri ngoo gi nanu" yo' khanham we' dage" nyid wa ein: dangsoo" too" kho' bye:. Ngoo gi akhid" ju" sho' nanu" yo' dage" danyid nyid yoomo agyug goo".

GYUNG: SOO" 11:17

Ngoo gyoo" re" wigi hau: joyoo moo: nang yo' dang: tid goo" wa. Nang ri ngoo byid: to" da" Venyi: dayham" ri yu wigi nyangnu" ri byid: wa. Houg: lang" nyangnu" gi he: byumyu" yiri shu" da" yoovoin ri nyangnu" yo" bo voin loo goo" wa. Houg: lang" nang gi hau: yoovoin ri dayug kyeing" avoin vu, ca" loo: wa zi nghoid.

YOHAN 4:10

Yesu phougtid zigi Mangsoo ci: byid: nyid ziyo'- nang ri shug gyid dagoem mho' nyid su: gi hang" nghoid da" khyoo: ri nang se' nghoid ri koem gi hau: youg jang" mo nang gyid mho' wa zi nghoid. Hau: yug we' nang ri kangso' gyid byid: wa zi nghoid ga: tid.

YOHAN 4:14

Nghoidloug we' ngoo byid: wa da" gyid shug mo, hang" we' khanham we' gyid doem shed loo: wa zi anghoid. Hau: ngoo byid: da" gyid shug su: gi nya: da" akhoug: moo gyid bug dalang bue" loo wa. Hau: zigi nya: da" shid' re" Kangso' gyid bue" wigi nyang: ri apyaid ato: kangso' byid: wa zi nghoid.

Roma 15:30

Mang: nhung" yi we" - Aseing Yesu Khristu ri ngoonu" loem khoug; yoomo we' - Young" gyeing" Venyi gi ngoonu" ri nheig. khyeug jheddab yoomo we' nga" shid' re" ngoo yo" dage" Mangso: jang" moo yoem: kaid' akyu" mho' wa shid' re" nanu" ri ngoo yoem: byid: kaid'.

1Korinthians 10:3

Nyangnu" dangain" bang: gi Venyi: zooyho, daja: ri za: zheung: coem, zo: lho: Venyi shug phoo" daja: ri za: coem, shoug lo boem.

Ephesu 5:9

Khasu" wim gari hau: bidbang gi ge da" khyoo: aja: ja: deing byeung" ziyo' deingmain" khyoo: ri myoo" sho' bue" loo nhang: nyid.

YOSHU 5:12

Houg: lang" Manna gyo" zi theing: lo" byug wigi Israela byumyu" yi ashau" zoo: loogoo" nghoid da:. Hau: ayo, mo nyangnu" gi Khanan mung" moo thu da" zoo: noem ri zo: ago".

2PETRU 1:21

Khasu wim gari kha: da" lapi: dang we' byu yi da" myedsoin' nyeung khyoo: bue" thu' lo yu" zi anghoid. Gyeungshang: da" Venyi wigi nheugloem: lhu: too' byid: zi shau" bang: gi Mangso jhag mo ju" re" da" lapi: dang: ri thoid' tid kyo" ago".