NEHEMIA 9:19 - Lacid Common Language Bible

¹⁹ Nghoid loug we' nang gi nyangnu" ri hau: dain" pyoid yoo moo ashe: pyam too" khoo' nghoid da:. Ciwim gari re" da" nheig khyeug myid gi gyi: sheung: da:. Nang gi nyangnu" ri myen" myen" nyid" nyid" khyoo: shid vhu" she: lo da" Jhoemmoug" zoo" ri we' myi: ri we' ayu pyam byid: nghoid da:.

NEHEMIA 9:19 ပူးပေါင်းရင်းမြစ်များ

NEHEMIA 9:12

Nang gi nyangnu" ri nyid" gung ayo, ri jhoemmoug" thei" yo' shu" lo da:. Houg: lho: myen" ayo, moo nyangnu" da" khyoo: ri myi: yo' thoin" pang byid: da:.

NEHEMIA 9:27

Hougsu" yoomo nang gi nyangnu" da" gyivoo yi wigi nyangnu" ri vhoeb zoo: nhang: bye:. Nyangnu" gi nyangnu" yau: khi" shoug" nyid da" akhoug: mo bo pang" wa shid re" nang ri yoid nyho: ago". Houg: lho: nang gi nyangnu" ri mougkhung: mo tu" byid: da:. Nang gi re" gyi: sheung: da" nheig khyeug myid yo' Nyangnu" ri nyangnu" da" gyivoo yi lo, mo khyoid yu wa vhujhung: yiri nhang: kaid byid: da:.

NEHEMIA 9:31

Nghoid loug we' re" nheig khyeug myid gyi: sheung: yoomo nang gi nyangnu" ri ashe: pyam- phyo' we' aphyo' shoin' pyam nghoid da:. Nang gi jeju" byeung" ziyo' nheig khyeug myid byeung" da" Mangsoo nghoid.

COUNG" NGHEI 106:45

Nyang: gi nyangnu" da" akyu" yoo" wa shid mo nya: dang: theing khoin" ri boin: soo" byid: ziyo' nya: da" gyi: thang jheddab nheigloem: yoomo nya: yo: phoin: nyid nheigloem: ri jham" loo" nhang:.

COUNG" NGHEI 136:16

Nyang: gi nya: da" byumyu" yiri dain' pyoid yoo khyo" shu" loo bye:. Nya: jhed khyeing: kang: khyeing: gi pyaid moo: too: moo: dageung: teung jo.

THU' LO" MOUGSOUG" 40:36

Israela byumyu" yigi jhoemmoug" zoem" mo dang: do, loo" lang" nyangnu" dab mo gootu: joyoo khyoo: yhe: lo" boem ago".

THU' LO" MOUGSOUG" 40:38

Nyangnu" da" gyung: khyoo: dangain" moo Aseing phung" yoeb jhoemmoug" pung ri nyid" gung lang" zoem" yhoemkhung: tho' moo jo, wigi myen" lang" hau: da" jang" moo myi: bang nyid zi yo" myang boem ago".

ESAIA 44:21

Aseing tid zigi «Israela we"- he: ziri myid boin: we' nang nga" dei zoo: nghoid ziri myid boin: we' Nga" dei zoobui" wa khyo" ngoo nang ri phain" so: too" bye:. Houglho: ngoo nang ri khanham we' ato" myhid pyam wa.

NGOUG JI: 3:22

Aseing da" ashoid avhang: jheddab myid yo' nheig khyeug khyoo: gi agoin athang loo: dajo, jo,.

EZEKIEL 20:14

Nghoid loug we' ngoo hougsu" akoid. Ciwim gari hougsu" koid ri ngoo gi nyangnu" ri Egutu mo shu" thu yu ziri shau" myang kaid da byumyu" yi phung: gung moo ngoo nya: myeing ri ngi: yoem" nhang: khyoo: bui" wa.

EZEKIEL 20:17

«Nghoid loug we' nyangnu" ri ngoo nheig khyeug da:. Ngoo gi nyangnu" ri hau: dain" pyoid yoo moo asaid pyam wa shid re" myid phyed bye:.

EZEKIEL 20:22

Nghoid loug we' ngoo hougsu" akoid. Ciwim gari Hougsu" koid ri ngoo gi nyangnu" ri Egutu mo shu" thu yu ziri shau" myang kaid da" byumyu" yi phung: gung moo nga" myeing ri ngi yoem" nhang: khyoo: bui" wa.

DANIELA 9:18

O" Mangsoo we"- ngoonu" ri tam gyoo: byid: la. Ngoonu" ri yu" yu" we'. Houg: lho: ngoonu" yau: khi" shoug" nyid ziyo' re" myeing voin da" voomoo" kham zoo: nyid da" yau: khi" ri myang byid: la. Ngoonu" gi ngoonu" jo zi koid da" gang mo anghoid. Nang nheig khyeug myid bo da" gang mo ngoonu" nang ri akyu" mho' nyid boem bye:.

DANIELA 9:9

Ngoonu" gi nang ri gyi koid thougtheung loo nghoid loug we' nang gi nheig khyeug ziyo' yooboo khyoid bye: da:.

MALAKHI 3:6

Ngoo gi Aseing Mangsoo nghoid. Khanham we' athid su: afang" su: nghoid. Yaku da" amyed ashen yi we"- nanu" gi thang sho' abain shid: doem: shi".

GYUNG: SOO" 14:14

nyangnu" gi hau: khyoo: ri he: mung" moo nyid da" byumyu" yiri tid kyoo" goo" wa zi nghoid. Nang Aseing gi ngoonu" yo' dage" nyid lho: re" jhoemmoug" thei" gi ngoonu" atho' moo neing" jo lang" yo" myang jang moo nyang: di: di: za: nang nyid shug da" khyoo: we' nyid" ri nang gi ngoonu" shid vhu" khyoo: jhoemmoug" zeing bung: moo: yhe: lo" wigi myen" ri nghoid lang gi myi: zeing bung moo yhe: lo" da: ga: ziri hau: byumyu" yi shau" gyo: loo" gu nghoid bye:.

TARHA" TID POIN" 8:2

Nyang: gi nanu" cikoid wa soin' nyid go" da" khyoo: we' nya: amyeing" dang: joem ri nanu" cang acang ziri myang: si wa shid re" nanu" Aseing Mangsoo gi nanu" ri jham" ca: yu" wa shid re" yau: khi" ri nhang: kaid lho: dain" pyoid yoo khyo" so" lid: da" he: gyung: sheing: khyoo: moo myid: xi: zain nanu" ri khasu" shu" lo ziri myid boin: ge'.

1 SAMUELA 12:22

Aseing gi nanu" ri nya: byumyu" koid wa ga: myid phyed to" wigi geing teing da" dangsoo" too" bye: yoomo nanu" ri she: pyam too" wa zi anghoid.