NEHEMIA 9:16 - Lacid Common Language Bible

¹⁶ Nghoid loug we' ngoonu" da" phoug" phyid" yigi nghoid boin: re" lho: nheigloem: thain: ago". Houg: lho: re" amyeing" dang: ri cang wa shid re" ngeug pyam ago".

NEHEMIA 9:16 ပူးပေါင်းရင်းမြစ်များ

2 KHOKHAM 17:14

Nghoid loug we' nyangnu" atam" gyoo: nghoid da:. Nyangnu" Aseing Mangsoo ri aloem da" nyangnu" phoug" phyid" yi yo' dakhyo" nyangnu" nheigloem: thain: ago".

2 KHOKHAM MHOOMYID: 29:6

Ngoonu" phoug" phyid" yigi ngoonu" da" Aseing Mangsoo ri jhug azug goo" nghoid da:. Houg: lho: Aseing ri avho: ngei nhang: da" moo" ri koid lo da:. Nyangnu" gi nyang: ri she: pyam pyam wigi nyang: nyid da" joyoo ri nyangnu" nungthang phug lo" byoug ago".

2 KHOKHAM MHOOMYID: 30:8

Nyangnu" yhang: ti" nheigloem: athain: goo. Aseing dang: ri koem' gi tam" gyoo: we'. Nanu" da" Aseing Mangso wigi apyaid atoo: moo gyeung" shang: sho' koid to" da" Yerusalem mo Noku Yhoem: Moo" khyoo: re" bo we'. Houg: lho: nyang: nanu" ri nheig ayoo: baja"- nyang: ri noku we'.

2 KHOKHAM MHOOMYID: 36:13

Zedekia gi nyang: ri jhug zug wa ga: Aseing myeing moo nyang: ri agyoo: atho' jham' tang: nhang: su: nghoid da" Khokham Nebukhadneza ri gyi koid thougtheung da:. Nyang: gi nheigloem: thid wa yo' Israela da" Aseing Mangso jhang phug loo wa shid re" nheigloem: thain: wigi he: pyam nyid da:.

NEHEMIA 9:10

Nang gi khokham ri thougtheung khyoo: Nya: mung" mo nya: gyizoug: yi' yo' byumyu" yiri thougtheung khyo" mau" pho" moo" ri zei: bye:. Ciwim gari nang gi re" byumyu" yiri nyangnu" wigi khasu" doin: zeig zo: ziri nang se' da:. Nang gi akhid" ju" sho' yo" seing: nyid shi" da" myeing gyi: khyoo: gi hau: uri shoug" yu zi nghoid.

NEHEMIA 9:29

Nang gi nyangnu" ri re" jhau" shid khyoo: joem ri cang wa shid re" tid poin" da:. Nghoid loug we' re" tarha" cang zigi kangso' dei khyoo: nghoid loug nyangnu" da" nghoid boin: myid yo' re" tarha" ri ngeug he: pyam ago". Nyangnu" gi myo, yang" ziyo' nheigloem: thain: yoomo anau cang nghoid ago".

COUNG" NGHEI 106:6

Ngoonu" da" phoug" phyid" yi yhang: ti"- ngoonu" gi yooboo ri doem koid shoid boem bye:- ngoonu" gi akhyeung" bang: yo' ashoeb bang: bue" nyid bye:.

COUNG" NGHEI 81:8

Nga" byumyu" yi we' ngoo tid poin" nyid da" dang: ri tam" gyo: yu ge'. Israela byumyu" yi we' nga" dang: ri nanu" tam" gyoo: wa shid mo ngoo khayhi' vho: ngei nyid lha!

THU' LO" MOUGSOUG" 15:26

Nyang: gi «Ngoo jo ein: koid ziri nanu" phau" myang: wigi nga" amyeing" dang: ri cang yhe: nghoid rigi ngoo nanu" ri Egutu byumyu" yiri tab byid: da" noophyoo" joem yhang: ti" yooboo dam abyid: wa nghoid. Ngoo nanu" ri noophyoo" mo gi nhang: da" Aseing nghoid» ga: tid.

THU' LO" MOUGSOUG" 32:9

He: byumyu" yi nheigloem: khayhi' thain: ga: ziri ngoo si' bye:.

DANG: ZHOEM 29:1

Yooboo tid poin" khang" moo je" wigi nheigloem: dathain: nyid nghoid rigi khanham we' ayo" doem so, nyheing loo: sho' byo, yoin" lo" khyoo: thoung" shoug" wa zi nghoid.

ESAIA 48:18

Nanu" nga" amyeing" dang: joem ri za: datam" gyo: nghoid rigi Khanham we' akain" da" gyid zoo: gyung: yhang: ti" mainkaid jeju" joem re" shid re" yau nyid wa. Gyid yam mo do, lo da" being: lhung" yo' dayhang: ti" oung: doid zigi re" dang moo ju" loo wa.

ESAIA 48:4

Nang gi joto' yhi' thain: wigi gyid: mid" yhang: ti" nheigloem: thain: ziri sagse: ci: shug byid: ca" ein: ziri ngoo se'.

ESAIA 63:10

Nghoid loug we' nyangnu" gi thougtheung gyi koid boem wigi nya: gyeung" shang: da" Venyi: ri nheig koug nhang: ago". Houg: yoomo Aseing nyangnu" da" gyivoo bue" re" wigi nyangnu" ri gyi koid da:.

YEREMIA 19:15

Myhang: thang Aseing Israela da" Mangsoo gi «Nanu" nheigloem: thain: wigi ngoo tid dang: atam" gyoo: goo" wa ngoo koid wa ein: tid to" da" yooboo dam dangain" ri ngoo gi he: voomoo" yo' aqei: ayam voogung khang" moo" adang moo bue" loo nhang: wa ga: tid to" ziri byu dangain" bang: ri tid kyoo" bye:.

YEREMIA 2:31

Israela byumyu" yi we"- ngoo tid nyid ziri tam" gyoo: we'. Ngoo gi dain" pyoid yoo yhang: ti" moug coid yhang: ti" yo' gyoug ca" da" mougmyid yhang: ti" bue" lo" zi shau" yu" la". Hougsu" nghoid ri ciwim yoomo nanu" gi nga" jhang khanham we' atau" phang: loo" loo wa ga: nanu" nyang: vho: khyo" koid wa ein: tid boem go" la".

YEREMIA 7:26

Nghoid loug we' hang" we' atam" gyoo: cishu: we' anhang: nghoid ago". Hau: gungthid- nanu" gi nanu" phoug" phyid" yi tho' je nheigloem: thain: wigi je goemlu too' wa myid bo ago".

EZEKIEL 5:6

Nghoid loug we' Yerusalem gi nga" amyeing" dang: joem ri thougtheung goemlu to' wigi nyang: gi goo" mungdain: joem tho' je akhyeing". Nya: lheing khoem mo mungdain: joem tho' je atam" gyoo: acang yhe: ziri ci: shug byid: da:. Yerusalem gi nga" amyeing" dang: ri ngeug he: pyam lho: nga" tarha" ri cang pyeing wa he: pyam da:.

ACTS 7:51

Stephain gi xo' lho: doem tid zigi nanu" gi nheigloem: gye" thain: nyid ago- nanu" da" nheigloem: ung: khoug: moo gi Mangsoo ri ase' boem nghoid go. Nanu" gi nanu" nya: da" phoug" phyid" yi yhang: ti" Mangso mungdang: ri ashug" gyo: da" nujed' mo, nghoid boem ago". Gyeungshang: da" Venyi ri khanham we' ngeug pyam mo, nghoid nyid boem ago".

Roma 2:5

Nghoidloug we' - nang gi u" loem' thain: ci: lho: wigi nheigloem: ayo" thid'. Houg: yoomo - Mangsoo: nheig yo; lo lho: - dain: khyo" tarha" dang: phyed' lo da" bidnyid ri - re" shid' re" je lid: da" yoo bo dam ri shau" kham zoo: wa.

TARHA" TID POIN" 31:27

Nyangnu" khayhi' nheigloem: thain: ziyo' gyi koid wa ziri se'. Nyangnu" gi nga" apyaid moo Aseing ri gyi koid lo boem abye: go". Houg: lho: ngoo shid: thang: ri nyangnu" gi je wigi gyi koid loo goo" wa.

TARHA" TID POIN" 32:15

Aseing byumyu" yigi yoo" zoo: yoo" shug lo da:. Nghoid loug we' gyi koid lo ago". Nyangnu" gi xu: wigi zoo: noem zo: gyi: nyid boem ago". Nyangnu" gi nyangnu" da" phain" so: Aseing Mangsoo ri she: pyam wigi nyangnu" da" myhang: thang khyoid yu Aseing ri ngeug he: pyam ago".

TARHA" TID POIN" 5:29

Nyangnu" khanham we' hid: su" kyeing" za: bui" nyid goo" baja". Nyangnu" khanham we' ngoo ri phau" myang: wigi nga" amyeing" dang: dangain" ri tam" gyo: cang yhe: nghoid rigi ja: khang" moo" moo apyaid atoo: nyangnu" yo' nyangnu" amyed ashen yi nyid gi yab gi wa zi nghoid.

TARHA" TID POIN" 9:13

«Aseing ngoo ri tid shi" zigi ‹He: Byumyu" yi khayhi' nheigloem: gyi: ziri ngoo se'.

TARHA" TID POIN" 9:27

Re" dei zoo: yi nghoid da" Abraham- Isag- Yaku bang: ri myid boin: lho: he: byumyu" yi da" nheigloem: gyi: khyoo: akhyeing" khyoo: yooboo joem ri atam" gyoo: byid: o".

TARHA" TID POIN" 9:6

Aseing nanu" ri he: mougmyid nu" da" mungdain: ri byid: zigi nanu" moin: yi" yoomo byid: zi anghoid da" khyoo: ri nanu" xoem" too" ge'. Nanu" gi nheigloem: gyi: da" byumyu" yi nghoid da:.

HEBRE 3:13

Nanu" mo dayug we' - youg: noo yoobo wigi mhau, mhed" jhu, phyo' zi shau" lho: nheigloem: thain: nyid da" byu yi abui" goo" baja"- Jhoem: mungdang: moo tid to" ziyo' dakhyoo" ti" - Akhid" nyid" ein: ngoonu" shid re" yo" tid nyid shi" da" ayo, bidnyid moo nyid" khang" moo" nyang: cang" nyang: pang" thoug go" nyid ge'.

HEBRE 3:15

Jhoem: mungdang: moo tid to" khyoo: gi " Akhid" nyid" nanu" Mangso da" thui: shau" gyo: boem nghoid rigi Mangsoo ri nanu" da" nya: phoo nya: phoug" - gyi koid lo boem yhang: ti"- nheigloem: thain: nyid agoo" ga: tid nyid.