NEHEMIA 9:14 - Lacid Common Language Bible

¹⁴ Nang gi nyangnu" ri re" Dougno: Bidnyid ri gyeung" shang: sho' too" wa shid re" jhau" shid bye:. Houg: lho: nang gi re" dei zoo: Moshe khyo" nyangnu" ri re" Tarha" joem byid: bye:.

NEHEMIA 9:14 ပူးပေါင်းရင်းမြစ်များ

APOEM AYANG: 2:3

Hau: bidnyid gi nya: phain" so: moo" bain lho: moo" zoo" no: pyam da" bidnyid nghoid yoomo nyang: gi nyhed nyid" ein: wa da" nyid" ri mainkaid byid: lho: gooki' lid da" bidnyid danyid" khyo" to" too" bye:.

NEHEMIA 1:8

Nang Moshe ri tid ziri akhid" myid boin: bye:. Houg zigi Israela byumyu" nanu" gi nga" dang: moo jhug azug boem nghoid rigi ngo wigi nanu" ri gootu: byumyu" yi da" phung: gung khyoo: khaid sain" pyam wa.

NEHEMIA 10:32

Ngoonu" yugkhang" moo" gi zain khang" moo" Noku Yhoem: Moo" moo yhung: ca" wa shid re" ngei eig xi: phoin: kaid wa.

THU' LO" MOUGSOUG" 16:23

Houg: lang" nyang: gi nyangnu" ri «Nab kyoo' gi nya: shid re" shugbyid: to" da" gyeung" shang: Dougno: Bidnyid nghoid. Nanu" zooyho' bung: ca" zi akhid" nyid" bung: ge'. Nanu" poo" ca" zi akhid" nyid" poo" ge'. Deung ziri nab kyoo' shid re" to" too" ge' ga: Aseing amyeing" byid: to"» ga: tid.

THU' LO" MOUGSOUG" 16:29

Ngoo Aseing gi nanu" ri Dougno: Bidnyid byid: too" bye:. Hau: khyug nyid" nyid" ri ngoo nanu" ri eig nyid" shid mo gi" koo: zoo: noem ri khanham we' byid: too" bye:. Yugkhang" moo" nyhed nyid" nyid" rigi theing: ca" ziyo' nya: yhoem: pain' khyoo: age thu ein: ziri boin: so" nyid ge'» ga: tid.

THU' LO" MOUGSOUG" 24:12

Aseing gi Moshe ri «Boem khyoo: nga" jang" moo do, lo wigi nang hid: mo: lo nyid gu: moo byumyu" yiri jhau" byid: wa shid re" ngoo lhid" to" da" tarha" dangain" bo da" lug pyi" eig loem: ri nang ri ngoo byid: wa» ga: tid.

EZEKIEL 20:11

Ngoo gi nyangnu" ri nga" amyeing" dang: yo' tarha" joem ri byid: bye:. Hau: ziri cang pyeing bang: yugkhang" moo" gi kangso' yo" da:.

EZEKIEL 20:12

Ngoo Aseing wigi nyangnu" ri yung" gyeing" nhang: to" zi nghoid khyoo: ri tid poin" byid: wa shid re" nyangnu" yo' nga" agyoo: moo asoo" khyo" Dougno: Bidnyid ri cang pyeing nhang: too" bye:.

EZEKIEL 20:20

Dougno: Bidnyid ri young" gyeing" da" bidnyid khyo" ci: ge'. Houg: lang" hau: zigi nyhang" koid to" da" dang: theing da" asoo" yo' ngoo gi nanu" da" Aseing Mangsoo nghoid ziri tid poin" byid: loo wa.

XOIN" NGEI" 19:3

Nanu" yugkhang" moo" gi nanu" da" yhed yo' ba" ri phau" myang: nyid ge'. Ngoo amyeing" byid: to" ziyo' dayhang: ti" Dougno: Bidnyid ri cang nyid ge'. Ngoo gi nanu" Aseing Mangsoo nghoid.

XOIN" NGEI" 27:34

He: joem gi Israela byumyu" yi shid re" Sina boem dang moo: Moshe ri Aseing wigi byid: da" amyeing" dang: joem nghoid da:.

YOHAN 1:17

Mangsoo gi tarha" ri Moshe khyoo" wigi byid: kaid. Nghoidloug we' Jeju" yo" deingmain" zigi Yesu Hkristu khyo" wi ju" loo bye.

TARHA" TID POIN" 4:45

Hau: zigi nyangnu" Egutu mung" mo phang: thu lo thang: Bethpeora voogung thei: tab Yodan gyid lang bidthu shoid mo lang: khung" moo nyid boem uri nyang: gi he: tarha" joem ri byid: da:. He: zigi Heshbon voogung ri vhoebkhang" da" Amori khokham Sihon seing: da" mougmyid moo jo, da:. Moshe yo' Israela byumyu" yigi Egutu mung" mo thu lo boem da" uri nyang: ri gyi khaid oung: pyam boem.

TARHA" TID POIN" 4:5

«Nga" Aseing Mangsoo ngoo ri koid wa tid to" ziyo' dakhyo" ngoo gi tarha" dangain" nanu" ri jhau" byid: bye:. Nanu" jhen" vang yhe: wigi yhe: nyid loo: wa za: danghoid lo: da" mung" moo: hau: joem ri tam" gyo: cang yhe: nyid ge'.

TARHA" TID POIN" 5:31

Nghoid loug we' Moshe- nang hid: moo ngoo yo' dage" theing: nyid shi" we'. Ngoo gi nang ri nga" tarha" yo' amyeing" dang: joem dangain" ri byid: wa nghoid. Hau: joem ri byumyu" yiri jhau" byid: we'. Hougsu" nghoid ri nyangnu" ri byid: wa da" mungdain: moo hau: joem ri nyangnu" tam" gyo: cang yhi: wa zi nghoid.