NEHEMIA 9:1 - Lacid Common Language Bible

^1-2 Hau: lhammoo" khyab moo nyang: eig xe: myid: nyid" ein: nyid" moo Israela byumyu" yigi nyangnu" nya: yooboo joem shid re" kougshu: ziri ci: shug wa shid re" zeing: foem: wigi zoo: noem jang" ago". Nyangnu" gi nyangnu" nya: gung ri tungbau byumyu" yi dangain" bang: mo gootu: tu: kho' nyid abye: go". Nyangnu" gi kougshu: da" asoo" khyo" jid moo" byimi void lho: nyangnu" vhuloem joem moo zhoo" phei" geig gyoug" ci: ago". Hau: thang: nyangnu" gi yab jo, wigi nyangnu" nyang: yo' nyangnu" da" phoug" phyid" yi shoid vhang: lid lo da" yooboo joem ri yhen: yu boem ago".

NEHEMIA 9:1 ပူးပေါင်းရင်းမြစ်များ

2 SAMUELA 1:2

Thang: nyid" ri Sholu dab mo yuggi zoo: dayug David jhang ju" lo wigi phau" myang: ziyo' myidjang khyoo: goeb pid bye:. Nyang: gi nheig koug nheig nge ziri ci: shug wa shid re" nya: byi: ri lang: ceig ziyo' nya: vhoo" loem ri myidzhoo" phei" geug gyoin: ci: da:.

2 KHOKHAM MHOOMYID: 20:3

Yehoshaphad gi gyoug wigi khyoo: shid byid: wa shid re" Aseing ri akyu" mho' da:. Hau: thang: nyang: gi Yuda mung" goin" khyoo: zoo: noem jang" goo" wa shid re" amyeing" khyo' kaid da:.

2 KHOKHAM MHOOMYID: 7:10

Thang: nyid" lhammoo" nyhed khyab- eig xe: soem" nyid moo Sholumon gi byumyu" yiri yhoem: khyoo: loo" nhang: bye:. Nya: byumyu" Israela ri we' David ri we' Sholumon ri we' Aseing byid: to" bye: da" mainkaid je" ju" dangain" yoomo ngei pyo: nyid ago".

EZRA 8:21

Nyha" da" Mangso shidkhoin" moo nyhang" nya: nheigloem: ri khyo' nyhoem: ci: wigi nyha" gyung: khyoo: shid re" we' nyhang" ri lhoug zung" wa shid re" we' nyha" zooshang: yi shid re" we' nyha" jonu" ziyoo dangain" we' nya: jhang akyu" mho' wa shid re" Ahava toeb khyoo" yam moo nyhang" dangain" mo, zoo: noem jang" wa shid re" ngoo amyeing" byid: bye:.

EZRA 8:23

Hougsu" nghoid yoomo nyhang" zoo: shug jang" wigi nyhang" ri lhoug zung" wa shid re" Mangso jhang akyu" mho' boem bye:. Nyang: gi ngoonu" akyu" mho' dang: ri tam" gyoo: byid: bye:.

NEHEMIA 8:2

Houg: yoomo Ezra gi yuggi yi myiyi: yi yo' se' gyoo: wa yhi' nheigboo bye: da" zooshang: yi phung: foem: nyid da" joyoo khyoo: hau: tarha" pug ri ci: loo byid: da:.

ESTHA 4:16

«Susa mo Yuda byu dangain" ri yhe: khe: zheing" too" we'. Zooshug jang" lho: nga" shid re" akyu" mho' byid: we'. Soem" nyid" soem" myen goin' ci: we' azoo: ashug goo". Nga" dei zoo: myiyi: nu" yi yo' ngoo we' hougsu" koid boem wa. Hau: thang: tarha" ri thougtheung zi bui" sho' nghoid loug we' khokham pho jhang ngoo yhi: wa. Hidsu" koid yoomo ngoo shid: ca" nghoid rigi ngoo shid: kham wa» ga: tid da:.

ESTHA 4:3

Khokham pho da" amyeing" lu dang: kyo" kaid da" mung" du dangain" mo Yuda byumyu" yigi thui: zeing yo' koug kyi: ngau nyid ago". Nyangnu" zoo: shug jang"- koug ngau lho: ngau yang" yang" nyid boem ago". Nyangnu" mo myoo: phyang" gi jid: moo" byimi void lho: myi: yab cang" moo lu leung nyid ago".

YOBA 2:12

Nyangnu" gye" vi: shi" mo nyang: Yoba ri myang ago". Nghoid loug we' nyang: ri ase' yu" nghoid ago". Nyangnu" yo" yu" se' boem lang" koug da" khyo" nyangnu" da" byimi ri lang: ceig ziyo' nyangnu" vhuloem moo phei" lhoug: geig gyoin: wigi koug kyi: ngau kaid ago".

ESAIA 22:12

Gyi sheing: myhang: thang Aseing gi hau ayo, moo koug ngau wa. Nanu" xam: ri ko' byid: wigi jid: moo" byimi void wa shid re" nanu" ri khe: nyid da:.

YOELA 2:12

Aseing tid zigi «Akhid" nghoid loug we' nheigloem: gyeing" thid lho: zoo: shug jang" pyam wigi ngoug byid gyo" lho: koug ngau ziyo' nga" jhang khyoo: doem tau" loo we'.

XOIN" NGEI" 23:39

Nanu" yoo moo: bain yhoem" yu lang" lhammoo" nyhed khyab ein: khyab daxe: wim: nyid" ein: nyid" mo shid" lho: he: pui" ri nyhed nyid" byeung" sho' koid ge'. Xang: shi" nyid" gi gooki lid da" dougno: yu da" bidnyid nghoid.

YOSHU 7:6

Yoshu yo' Israela vhujhung yigi koug wigi nyangnu" byimi lang: ceig lho: Aseing Dang: Theing Kuid: shidkhoin" myidjang moo: nyangnu" nya: gung jhang" jo, ago". Nyangnu" gi kougshu: ziri ci: shug wa shid re" nyangnu" vhuloem moo: zhoo" phei" geig shoin" wigi myen" thang: ju" sho' hougmoo: jhang" jo, ago".

Pang Shug 11:3

Jid: moo" byimi void ci: da" nga" sagsi: eig yug ri ngoo nhang: kaid' wa Nya: eig yug gi bidnyid 1260 nyid agyoo: moo Mangso mungdang: ri lapi: dang: khyo" kho" kyoo" wa,, ga: tid.

TARHA" AGYI 20:26

Hau: thang: Israela byumyu" yi dangain" Bethela khyoo: do, yhe: boem wigi yhe: koug ngau ago". Nyangnu" gi hau: joyoo Aseing shidkhoin" moo myen" thang: ju" sho' azoo: ashug loo: nyid boem ago". Nyangnu" gi Aseing shidkhoin" moo zoem" khau: da" xoin" yo' dayham" gi gung goin" nghe' ngei" xoin" khyo" xoin" to' byid: ago".

1 SAMUELA 4:12

Benyamin akung: mo byu dayug gi meing: zain: jang: mo Shilo voogung khyo: tang" phang: lo" wigi hau: nyid" nyang: ju" lo da:. Nyang: gi nheig koug khyoo: ri ci: shug khyo" wigi nya: byi: ri lang: ceug pyam lho: vhuloem moo phei" lhoug: geig shoin" nyid.

1 SAMUELA 7:6

Hougsu" nghoid yoomo nyangnu" dangain" mo, gi Mizpa joyoo moo zeung: foem: nyid boem ago". Gyid dajhi' ri we' nyangnu" kham: yu lho: Aseing ri xoin" to' khyo" wigi pyi: khyo' pyam ziyo' danyid" goin" zoo: noem zeung: nyid boem ago". Nyangnu" gi «Nyangnu" da" Aseing ri shoid bye: o"» ga: toungbain: nyid ago". He: zigi Mizpa joyoo moo Israela byumyu" yiri Samuela gi tarha" tid byid: da" khyoo: nghoid nyid da