NEHEMIA 8:9 - Lacid Common Language Bible

⁹ Byumyu" yigi hau: Tarha" wigi mho' ziri shoug" gyoo: lang" nheigloem: loeb re" boem wigi gye" ngau re" ago". Houg: yoomo mung" zoug: Nehemia- khainjung yo' tarha" ri si' su: Ezra yo' tarha" ri tid sho' kyo" da" Levi byu yigi mung" byu yiri he: ziri tid kyo" ago". «He: bidnyid gi nanu" da" Aseing Mangso shid re" gyeung" shang: da" bidnyid nghoid yoomo nanu age koug age ngau goo" wa.

NEHEMIA 8:9 ပူးပေါင်းရင်းမြစ်များ

2 KHOKHAM 22:11

Khokham phoo gi hau: mougsoug" nghab thui: ri shoug" gyoo: lang" nyang: gi gyoug dain ziyo' nya: byimi ri lang: ceig pyam da:.

2 KHOKHAM 22:19

Yerusalem yo' voobyu yiri ngoo khasu" yooboo dam byid: wa ein: kyug nhain' ziri nang shoug" gyoo: lang" nang nung myid yo" wigi nga" shidkhoin" moo nanya: gung ri nyhoem: khyo' nheigloem: thid da- nanya: byimi ri lang: ceig lho: ngau da:. Ngoo gi hau: joyoo ri yu" gyoug sho' koid pyam wa. Hau: joyoo myeing ri nheing" khoin" khyo" ci: loo goo" wa. Nghoid loug we' re" akyu" mho' dang: ri ngoo shoug" gyoo: bye:.

2 KHOKHAM MHOOMYID: 15:3

Israela byumyu" yigi ayo, myang" sho' deungmain" da" Mangsoo aboo loo:- nyangnu" ri jhoug" shid wa khainjung yi aboo loo:- tarha" aboo loo: nyid lo ago".

2 KHOKHAM MHOOMYID: 30:22

Hezekia gi Levi byu yiri nyangnu" Aseing ri noku da" moo" moo jang jang koid boem yoo coung" byid: da:. Nyangnu" da" phoug" phyid" yi da" Aseing Mangsoo ri coung" byid: wigi nyhed nyid" ju" sho' xoin" bain ngei" byid: lang"

2 KHOKHAM MHOOMYID: 34:19

Mougsoug" nghab nyid ziri khokham phoo shoug" gyoo: lang" nheig koug ziyo' byimi lang: ceig pyam da:.

2 KHOKHAM MHOOMYID: 34:21

Hau: zigi «Nga" shid re" we' Israela yo' Yuda mung" moo nyid deing nyid da" byumyu" yi shid re" we' Aseing jhang yhe: myid: byid: ge'. He: mougsoug" pug da" jhau" shid khyoo: ri shau" myang boem bye:. Aseing gi ngoonu" ri nheig yo: nyid da:. Ciwim gari ngoonu" phoug" phyid" yigi Aseing da" mungdang: ri acang. He: mougsoug" pug moo koid wa shid re" tid to" da" moo" ri we' akoid nghoid ago"» ga: zi nghoid.

2 KHOKHAM MHOOMYID: 35:3

Nyang: gi hau: Aseing ri shugbyid: to" da" Israela byu yi da" sara: yi nghoid da" Levi byu yi he: jhoug" shed dang: ri: we' byid: bye: «David da" yuggi zoo: khokham Sholumon wigi koid to" da" Noku Yhoem: Moo" moo gyeung" shang: da" Dang: Theing Kuid: ri dang too" we'. Nanu" gi dajo, yoomo dajo, yoo khyoo: hau: ziri adang yen" ca" loo goo" wa. Nanu" Aseing Mangsoo yo' nya: byumyu" Israela ri koem' gi dei byid: wa zi nghoid.

EZRA 2:63

Urim yo' Thumin se' ci: da" khainjung athu ri" ri" gi Mangsoo ri xoin" to' da" zoo: shug ri nyangnu" age zoo: wa ga: Yuda mung" zoug: gi nyangnu" ri tid bye:.

EZRA 7:11

Israela byumyu" yiri Aseing byid da" tarha" yo' amyeing" dang: ri joeb byeung" lasi laleug da" tarha" si' su: phajhi" seung: khainjung Ezra ri khosen Artaxaxe he: sagse: dang: jhug mougsoug" ri foin: byid: kaid bye:.

NEHEMIA 10:1

Xang: shi" lo, xoem" doin: su: gi Hakhalia da" yuggi zoo: mung" zoug: Nehemia nghoid da:. Hau: thang: ri Zedekia da" lo, xoem" doin: da:. Vhoo mo bang: we' lo, xoem" doem: ago". Seraia- Azaria- Yeremia- Pashura- Amaria- Malkhiya- Hatusha- Shebania- Malug- Harim- Meremod- Obadia- Daniela- Ginethon- Barug- Meshulam- Abiya- Miyamin- Mazia- Bilgai yo' Shemaia bang: nghoid ago". Azania da" yuggi zoo: Yeshua- Henadad kung: mo Binui- Kadmiela- Shebania- Hodia- Kelita- Pelaia- Hanan- Mikha- Rehob- Hashabia- Zakhura- Sherebia- Shebania Hodia- Bani yo' Beninu bang: nghoid ago". Parosha- Pahad- Moba- Elam- Zatu- Bani- Buni- Azgad- Bebai- Adoniya- Bigvai- Adin- Atera- Hezekia- Azura- Hodia- Hashum- Bezai- Harib- Anathod- Nebai- Magpia- Meshulam- Hezira- Meshezabela- Zadog- Yadua- Pelatia- Hanan- Anaia- Hoshea- Hanania- Hashuba- Halohesha- Pilha- Shobeg- Rehum- Hashabna- Maseia- Ahia- Hanan- Anan- Malug- Harim yo' Bana bang: nghoid ago".

NEHEMIA 12:26

He: byu yigi Yehozadag da" nya: myid:- Yeshua da" yuggi zoo: Yoiakim da" ayo,- mung" zoug: Nehemia da" ayo, yo' tarha" si' su: khainjung Ezra da" ayo, moo nyid lid lo ago".

NEHEMIA 7:65

Yuda mung" zoug: yigi khainjung dayug yug wigi Urim yo' Thumin ayu" yu" gi Mangsoo ri ngei" byid: da" zoo: noem ri nyangnu" age zoo: goo" wa ga: nyangnu" ri tid da:.

NEHEMIA 7:70

Byu myoo" sho' bang: gi Noku Yhoem: Moo" ri doem nyheing koid jang" moo gyoo" eung: da" aphoug" ri bo kaid ago". Mung" zoug: yi Sheing: 4 joid: jain". Jarung: 50 loem. Khainjung Byisheing: 530 khyab Byumyu" kung: vhujhung: yi Sheing: 92 joid: jain" Ngei 884 joid: jain" Deing da" mung" byu yi Sheing: 92 joid: jain" Ngei 803 joid: jain" Khainjung byisheing: 67 khyab bo kaid ago".

NEHEMIA 8:2

Houg: yoomo Ezra gi yuggi yi myiyi: yi yo' se' gyoo: wa yhi' nheigboo bye: da" zooshang: yi phung: foem: nyid da" joyoo khyoo: hau: tarha" pug ri ci: loo byid: da:.

PHAJHI" DANG: 3:4

Nyang: gi kougshu: da" ayo, yo' ngei pyo: da" ayo, koug ngoug wa ayo, yo' goo" wa da" ayo,

ESAIA 61:3

Ziun moo nheig koug nyid bang: ri koug ngau wa gungthid gau yi ngei pyo: zi byid: wa. Myid apyoo: wa gungthid coung" nghei jikhoin" khoin" nhang: wa shid re" ngoo ri nhang: kaid. Nyangnu" gi Aseing wigi nyang: nyang: sho" to" da" seiggam joem yo' du loo wa. Nyangnu" dangain" gi jo ziri koid loo goo" wa. Houglho: Mangsoo gi nyang: koid lo da" lo, moo" yoomo coung" nghei byid: zi shau" lo goo" wa.

HOSEA 4:6

Nga" byumyu" yigi joem: lo" boem bye:. Ciwim gari nyangnu" gi ngoo ri ayhen: yu nghoid ago". Khainjung yi nanu" gi ngoo ri yhen: yu wa he: pyam lho: nga" jhoug" shed khyoo: ri ngeug pyam abye: go". Houg: yoomo ngoo gi nanu" ri ngeug pyam lho: nanu" da" yuggi zoo: yiri we' nga" da" khainjung yi khyo" ayhen: yu wa.

MALAKHI 2:13

Nanu" koid da" moo" zoo" gootu: daja: gi nanu" to' byid: da" xoin" ri Aseing gi akham: yu byid: yoomo nanu" gi ngoug khyang" fang" ziyo' ngoug byid: thu nhang: wigi Aseing da" phoin: moo jhu' loo" nhang: bye:.

Roma 3:20

Tarha" ri cang lo" khyo" - hang" we' Mangso: da" shid' khoin" moo deingbyeing" jang" moo ayo" ju. Tarha" gi - nyang: nyang: shoid' da" yooboo ri nyang: nyang: si wa shid' re" nghoid.

Roma 7:9

Ngoo gi Moshe da" tarha" ri dajhi' we' asi' loo: nyid lid: lo yu" bye. Nghoidloug we' toung: to" da tarha" ri se' lo da" zi yo" dage" yooboo jo lo lho:

TARHA" TID POIN" 12:12

Nanu" nya: zooshang: yi yo' nanu" da" dei zoo: yi yo' nanu" voogung moo nyid boem da" Levi byumyu" yi yo' dage" nya: shidkhoin" moo ngei bu: ge'. Levi byu yigi nyangnu" seing: da" mougmyid ajo, ein: ziri boin: nyid ge'.

TARHA" TID POIN" 12:7

Houg: moo nanu" ri mainkaid byid: su: nghoid da" nanu" Aseing Mangso shidkhoin" moo nanu" yo' nanu" yhoem: byu yigi zo: wigi nanu" koid bye: da" ge moo" zoo" joem shid re" ngei bu boem goo" wa.

TARHA" TID POIN" 16:11

Aseing da" shidkhoin" moo nanu" zooshang: yi dei zoo: yi yo' nanu" voo joem moo nyid da" Levi byu yi tungbau byu yi coug" zoo: cougmoo" yi yo' dage" ngei ngei pyoo: pyoo: nyid boem ge'. He: ziri noku joyoo daloem: moo kyeing" koid ge'.

TARHA" TID POIN" 26:14

Ngoo koug shu: nyid uri houg: mo dajhi' we' ayu zoo:. Noku thung" khyo" ngoo ayung" alho' da" uri houg: mo dajhi' we' nga" yhoem: mo ayu thu loo". Houg: lho: houg: mo ce: daja: ri we' shid: su: shid re" ngoo ashugbyid:. O" Aseing we" ngoo gi nang ri tam" gyoo: bye:. Daxi: boem daboem yo' sen: wigi nang amyeing" byid: to" zi ja: khang" moo" ri ngoo koid bye:.

YAKU 4:9

Myed kug myed shu: lho: ngoug myeing" shoo" thui: to" nyid ge' -nanu" da" gau yi khyoo: gi kug myeing" shoo" thui: yo' thid' go" lho: nanu" da" gau yi khyoo: gi nheig koug nheig shu: khyoo: yo' thid' go" nyid ge'.