NEHEMIA 8:8 - Lacid Common Language Bible

⁸ Nyangnu" gi Mangso da" tarha" ri nhoid khyo" phug kyo" lho: meing byu yi hau: ziri se' gyoo: sho' tid sho' kyo" ago".

NEHEMIA 8:8 ပူးပေါင်းရင်းမြစ်များ

2 KHOKHAM 23:2

Nyangnu" dangain" bang: gi khainjung yi lapi: yi deing da" byumyu" yi dangain"- yoo" zoo: yoo" shug bang:- sho" jhen: bang: dangain" yo' dage" Noku Yhoem: Moo" khyoo: yhe: ago". Khokham phoo gi nyangnu" dangain" bang: shidkhoin" moo Noku Yhoem: Moo" mo shoug" sho: myang da" dang: theing mougsoug" pug goin" ri thui: zeing yo' nghab kyo" da:.

EZRA 4:18

Nanu" gi lhid" kaid foin: kaid da" mougsoug" ri dang: phug wigi ngoo ri nghab kyoo" bye: zi nghoid.

NEHEMIA 8:12

Houg: yoomo mung" byu yigi yhoem: khyoo: lo" wigi ngei pyo: tung" zoo: shug pui" koid ago". Nyangnu" yo" ziri gootu: byu yi yo' gam zo: wigi nyid ago". Ciwim gari nyangnu" gi nyangnu" ri nghab kyo" ziri se' gyoo: yoomo nghoid ago".

NEHEMIA 8:7

Hau: thang: nyangnu" to' re" wigi nyang: yug nya: joyoo moo yab jo, ago". Houg: lho: vhoo: moo bo da" Levi byu yigi nyangnu" ri hau tarha" ri sho' kyo' ago". Yeshua- Bani- Sherebia- Yamin- Akub- Shabethai- Hodia- Maseia- Kelita- Azaria- Yozabad- Hanan yo' Pelaia bang: nghoid ago".

NEHEMIA 8:9

Byumyu" yigi hau: Tarha" wigi mho' ziri shoug" gyoo: lang" nheigloem: loeb re" boem wigi gye" ngau re" ago". Houg: yoomo mung" zoug: Nehemia- khainjung yo' tarha" ri si' su: Ezra yo' tarha" ri tid sho' kyo" da" Levi byu yigi mung" byu yiri he: ziri tid kyo" ago". «He: bidnyid gi nanu" da" Aseing Mangso shid re" gyeung" shang: da" bidnyid nghoid yoomo nanu age koug age ngau goo" wa.

NEHEMIA 9:3

Soem" na: yi koo: gi nyangnu" ri nyangnu" da" Aseing Mangso da" tarha" ri nghab kyo" ago". Houg: lho: hau: thang: mo soem" na: yi: gu: moo nyangnu" da" yooboo ri yhen: yu lho: nyangnu" da" Aseing Mangsoo ri coung" boem ago".

EZEKIEL 46:10

Khokham nu" gi shava byu yi vang yhe: da" uri vang yhe: wigi nyangnu" thu lo" da" uri thu loo" ca" da:.

HABAKU 2:2

Aseing gi ngoo ri hidsu" ga: phoug tid «Ngoo pang shug da" mungdang: ri yu" kaid yo' myab yo" nghab wa khyo" hau: ziri lug pyi" yho' joem tho' moo bang bang lhid" too' we'.

LUKA 24:27

Hau: thang: ri-Yesu gi xang: shi" da" Moshe da" mougsoug" pug moo boda" jhoem: dang: mo wigi Lapi: yi tid to" da" mungdang: dangain" moo nyang yo" sen: da" jhoem: mungdang: dangain" ri he: eig yug ri tid pang kyo".

LUKA 24:32

Nya: eig yug gi khyoo: moo nyang: gi yha" eig yug ri dang: tid nyid da" uri we' Jhoem: mungdang: phoid: kyo" uri we' yha" eig youg da" nheigloem: moo myi: yham: dab nyid yhangti"- wim nyid anghoid la"» ga: nyang: cang" nyang: tid go" nyid.

LUKA 24:45

Hau: thang: ri cangzoo: yi gi jhoem: mungdang: ri se' gyoo: wa da" shid' re" nyangnu" da" nheigloem: khoem" duang: byid.

ACTS 28:23

Houg: yoomo nyangnu" gi Polu yo' bidnyid deing go" ci: ago". deing go" to" da" bidnyid moo Polu nyid da" joyoo moo byu myoo" sho' zeung: ju" re" boem ago". Polu gi nab, kyoo mo zi moug: coid' sho' Mangso mungdain yo' sen: da" mungdang: joem nyangnu" ri phoid: sho' kyo" wigi Moshe tarha" yo' Lapi: yi da" jhoem: mungdang: ri gung: nhi" kaid' lho: Yesu ri nyangnu" gi loem" jeung" loo sho' kho" kyo".