NEHEMIA 8:7 - Lacid Common Language Bible

⁷ Hau: thang: nyangnu" to' re" wigi nyang: yug nya: joyoo moo yab jo, ago". Houg: lho: vhoo: moo bo da" Levi byu yigi nyangnu" ri hau tarha" ri sho' kyo' ago". Yeshua- Bani- Sherebia- Yamin- Akub- Shabethai- Hodia- Maseia- Kelita- Azaria- Yozabad- Hanan yo' Pelaia bang: nghoid ago".

NEHEMIA 8:7 ပူးပေါင်းရင်းမြစ်များ

1 KHOKHAM 8:14

Houg moo byumyu" yi yab jo, uri khokham Sholumon gi nyangnu" shoid khyoo: myonhoo: shu: lo lho: nyangnu" atho' moo: Mangso da" mainkaid byid: wa shid re" mho' nyid da:.

2 KHOKHAM MHOOMYID: 30:22

Hezekia gi Levi byu yiri nyangnu" Aseing ri noku da" moo" moo jang jang koid boem yoo coung" byid: da:. Nyangnu" da" phoug" phyid" yi da" Aseing Mangsoo ri coung" byid: wigi nyhed nyid" ju" sho' xoin" bain ngei" byid: lang"

2 KHOKHAM MHOOMYID: 35:3

Nyang: gi hau: Aseing ri shugbyid: to" da" Israela byu yi da" sara: yi nghoid da" Levi byu yi he: jhoug" shed dang: ri: we' byid: bye: «David da" yuggi zoo: khokham Sholumon wigi koid to" da" Noku Yhoem: Moo" moo gyeung" shang: da" Dang: Theing Kuid: ri dang too" we'. Nanu" gi dajo, yoomo dajo, yoo khyoo: hau: ziri adang yen" ca" loo goo" wa. Nanu" Aseing Mangsoo yo' nya: byumyu" Israela ri koem' gi dei byid: wa zi nghoid.

EZRA 8:18

Mangso da" jeju" khyo" wigi nyangnu" gi ngoonu" jang khyoo: Mali akung: ako' mo Levi Sherebia gi nya: zoo: yi yo' nya: mang: nhung" yi daxi: shid yug yo' re" ago".

NEHEMIA 11:16

Shabethai yo' Yozabad gi Noku Yhoem: Moo" tunggung shoid mo moo" ri shu" vhu" she: zei: da" vhujhung: Levi byu nghoid ago".

NEHEMIA 11:19

Noku Yhoem: Moo" zung" bang: Akub- Talamon yo' nya: eig yug da" bidnoem seing" tain" yi dangain" 172 yug nghoid ago".

NEHEMIA 12:33

Vhoo: moo bo da" khainjung yigi laboo" joem ri moid lho: nyangnu" thang: moo Azaria- Ezra- Meshulam- Yuda- Benyamin- Shemaia yo' Yeremia bang: cang yhe: ago". Hau: thang: moo Shemaia da" myid: zoo:- Yonathan da" yuggi zoo: Zekharia cang yhe: da:. (Nya: da" phoug" phyid" bang: moo bo boo bang: zi Asab kung: mo Matania- Mikhaia yo' Zakhura bang: nghoid ago".)

NEHEMIA 3:17

Vhoo: moo myeing bo da" Levi yigi hau: thang: mo vang joem ri xo' zhug ago". Bani nya: yuggi zoo: Rehum gi hau: thang: moo xo' da" du ri zhug da:. Keila mung" du agung dayi" ri vhoeb da" Hoshabia gi nya: mung" du da" gungthid khyo" hau: thang: mo du ri xo' zhug da:.

NEHEMIA 3:19

Yeshua da" yuggi zoo: Ezera ga: da" Mizpa ri vhoeb su: gi gyi zi to" da" joyoo shidkhoin" gu: vang lo" guid" da" joyoo moo ju" sho' gu: ri xo' zhug da:.

NEHEMIA 3:23

Benyamin yo' Hashub gi nya: eig yug da" yhoem: shidkhoin" gu: moo zhug da:. Anania da" nya: myid: zoo:- Maseia da" yuggi zoo: Azaria gi nya: yhoem: shidkhoin" mo eung: da" du ri xo' zhug da:.

NEHEMIA 8:12

Houg: yoomo mung" byu yigi yhoem: khyoo: lo" wigi ngei pyo: tung" zoo: shug pui" koid ago". Nyangnu" yo" ziri gootu: byu yi yo' gam zo: wigi nyid ago". Ciwim gari nyangnu" gi nyangnu" ri nghab kyo" ziri se' gyoo: yoomo nghoid ago".

NEHEMIA 8:4

Ezra gi hau: moo" shid re" zhug to" da" seig gyam" tho' moo: yab jo, da:. Vhoo: mo yuggi yigi nya: lo, yo shoid moo yab ago". Matithia- Shema- Anaia- Uria- Hilkia yo' Maseia bang: nghoid ago". Nya: da" lo, kung" shoid moo yab bang: gi Pedaia- Mishaela- Malkhiya- Hashum- Hashbadana- Zekharia yo' Meshulam bang: nghoid ago".

NEHEMIA 8:6

Ezra gi «Gyi: sheing: da" Mangso- Aseing ri coung" boem ge'» ga: tid da:. Meing: byu dangain" bang: gi nyangnu" da" lo, joem ri mougkhung: khyoo: tu: to' kaid lho: «Amen Amen» ga: phug tid ago". Nyangnu" gi poid thug thug lho: myidgung khyoo: nyangnu" da" myonhoo: ri goeb pid wigi coung" boem ago".

NEHEMIA 8:8

Nyangnu" gi Mangso da" tarha" ri nhoid khyo" phug kyo" lho: meing byu yi hau: ziri se' gyoo: sho' tid sho' kyo" ago".

NEHEMIA 9:3

Soem" na: yi koo: gi nyangnu" ri nyangnu" da" Aseing Mangso da" tarha" ri nghab kyo" ago". Houg: lho: hau: thang: mo soem" na: yi: gu: moo nyangnu" da" yooboo ri yhen: yu lho: nyangnu" da" Aseing Mangsoo ri coung" boem ago".

NEHEMIA 9:4

Levi byu yi shid re" gyam" daloem: jo, wigi hau: adang moo Yeshua- Bani- Kadmiela- Shebania- Buni- Sherebia- Bani yo' Khenani bang: yab jo, ago". Nyangnu" gi nyangnu" da" Aseing Mangsoo ri thui: zeing yo' akyu" mho' ago".

XOIN" NGEI" 10:11

Nanu" gi Moshe khyo" wigi ngoo nanu" ri byid: to" da" tarha" joem dangain" ri Israela byumyu" yiri jhau" byid: ca" ago"» ga: tid.

MALAKHI 2:7

Khainjung yigi yoem: moo" bo da" Aseing Mangso da" lagyoo: yi nghoid yoomo mung" byu yiri Mangso deingmain" da" lasi phajhi" ri jhau" byid: cang bo nyid. Mung" byu yi we' ngoo vho: ngei khyoo: ri khainjung yi jang" mo yhe: jhoug" yu ca" nyid.

TARHA" TID POIN" 33:10

Nyangnu" gi re" tarha" ri tam" gyoo: wa shid re" re" byumyu" yiri jhau" byid: loo goo" wa. Nyangnu" gi re" phoin: moo xoin" to' byid: loo goo" wa.