NEHEMIA 8:6 - Lacid Common Language Bible

⁶ Ezra gi «Gyi: sheing: da" Mangso- Aseing ri coung" boem ge'» ga: tid da:. Meing: byu dangain" bang: gi nyangnu" da" lo, joem ri mougkhung: khyoo: tu: to' kaid lho: «Amen Amen» ga: phug tid ago". Nyangnu" gi poid thug thug lho: myidgung khyoo: nyangnu" da" myonhoo: ri goeb pid wigi coung" boem ago".

NEHEMIA 8:6 ပူးပေါင်းရင်းမြစ်များ

APOEM AYANG: 14:22

Abram gi «Ngoo gi mougkhung: yo' myidjang ri phain" so: da" myhang: thang Mangsoo Aseing shidkhoin" moo dang: theing too" bye:.

APOEM AYANG: 24:26

Houg: lang" yuggi phoo gi poid thug thug lho: Aseing ri coung" pid.

1 KHOKHAM MHOOMYID: 16:36

Israela Aseing Mangsoo ri coung" we'. Nyang: ri akhid" yo' apyaid atoo: moo: coung" we'. Hau: thang: byumyu" dangain" bang: gi «Amen» ein: tid lho: Aseing ri coung" we'.

1 KHOKHAM MHOOMYID: 29:10

Shava phung moo" shidkhoin" moo: khokham David gi Aseing ri coung" da:. Nyang: «Ngoonu" da" phoug" phyid" Yaku da" Aseing Mangsoo we"- Nang gi apyaid atoo: moo: coung" nghei zi shau" baja" o".

1 KHOKHAM MHOOMYID: 29:20

Hau: thang: David gi byumyu" yiri "Nanu" Aseing Mangsoo ri coung" ge' ” ga: amyeing" byid: da:. Houg: lho: Shava phung: dangain" gi nyangnu" phoug" phyid" yi da" Aseing Mangsoo ri coung" boem ago". Nyangnu" gi goeb pid lho: Aseing ri ngi: shab byid: da:. Khokham phoo ri we' ngi: shab byid: da:.

2 KHOKHAM MHOOMYID: 20:18

Hau: thang: khokham Yehoshaphad gi nya: myonhoo: myidgung moo tain" sho' goeb pid lho: byumyu" phung: yi dangain" we' nyang: yo' dage" cang goeb pid wigi Aseing ri noku boem ago".

2 KHOKHAM MHOOMYID: 29:10

«Akhid" ngoo gi Israela da" Aseing Mangsoo ngoonu" ri nheig joem: ayoo: loo wa shid re" nyang: yo' dang: theing koid wa ein: myid phyed too" bye:.

2 KHOKHAM MHOOMYID: 29:30

Khokham phoo yo' byumyu" vhujhung: yigi Levi byu yiri David yo' Lapi: Asab wigi lhid" to" da" coung" nghei jikhoin" joem yo' Aseing ri coung" nghei boem wa shid re" tid ago". Hougsu" yugkhang" moo" gi nyangnu" poid thug thoug lho: Mangsoo ri noku ku" nyid zoo" ri gye" gau ziyo' jikhoin" khoin" ago".

2 KHOKHAM MHOOMYID: 6:4

Nyang: gi «Israela da" Aseing Mangsoo ri coung" ge'. Nyang: gi nga" phoo David ri

NEHEMIA 5:13

Hau: thang: ngoo gi nga" phyid" doem moo cu" ci: da" pain" cu' ri phid: yu lho: ko: pyam bye:. Ngoo gi «Nanu" to" da" dangsoo" ri azoem: su: hang" riwe' Mangso wigi hidsu" ko: pyam loo wa. Mangsoo gi nanu" yhoem: joem yo' nanu" seing: da" ja: khang" moo" ri yu pyam byid: lho: nanu" ri ci: we' ateing too" byid: khoo' wa» ein: tid bye:. Houg: moo ju" nyid da" yugkhang" moo" gi «Amen» ga: tid lho: Aseing ri coung" byid: ago". Houg: lho: vhujhung: yigi nyangnu" da" dangsoo" joem ri cang ago".

NEHEMIA 8:7

Hau: thang: nyangnu" to' re" wigi nyang: yug nya: joyoo moo yab jo, ago". Houg: lho: vhoo: moo bo da" Levi byu yigi nyangnu" ri hau tarha" ri sho' kyo' ago". Yeshua- Bani- Sherebia- Yamin- Akub- Shabethai- Hodia- Maseia- Kelita- Azaria- Yozabad- Hanan yo' Pelaia bang: nghoid ago".

COUNG" NGHEI 134:2

Nanu" da" lo, ri tu: lho: Noku Yhoem: Moo" khoug: moo akyu" mho' nyid ge'. Aseing ri coung" nghei nyid ge'.

COUNG" NGHEI 141:2

Nga" da" akyu" mho' thui: ri nam, pyo: da" xoin" yo' dakhyoo" ti" ngoo tu: ci: da" lo, ri myen" ri ngei" byid: da" xoin" yo' dakhyoo" ti" lhoem: kham: yu byid: we'.

COUNG" NGHEI 28:2

Aseing da" gyeung" shang: Noku Yhoem: Moo" khyoo: nga" lo, voo: tu: ci: lho: pang" thoug byid: wa shid re" ngoo mho' yoid uri tam" gyoo: byid: shi" we'.

COUNG" NGHEI 41:13

Israela da" Mangsoo Aseing ri coung" nghei nyid we'. Akhid" mo wigi pyaid moo: too: moo coung" nghei nyid boem shang o". Amen Amen.

COUNG" NGHEI 63:4

Ngoo dadei nyid da" bidnyid bain sho' moo nang riza: jeju" boin: so" nyid wa nghoid. Nang ri akyu" mho' da" uri ngoo gi nga" lo, ri tu: too" wa zi nghoid.

COUNG" NGHEI 95:3

Khasu" wim gari Aseing gi gyi: thang Mangsoo nghoid lho: yu phara" yi dangain" tho' mo gyi myhang: thang da" khokham zeing nghoid.

THU' LO" MOUGSOUG" 12:27

Nanu" gi he: zigi Egutu mung" moo Aseing gi Israela byu yi da" yhoem: joem ri lhid: kaid yoomo Aseing ri ngi: shab byid: wa shid re" koid da" lhid: kaid pui" da" xoin" nghoid da:. Nyang: gi Egutu byumyu" yiri said pyam nghoid loug we' ngoonu" rigi teing to" da› ga: tu" goo" wa» ga: tid. Israela byumyu" yi poid thug thug wigi noku boem bye:.

THU' LO" MOUGSOUG" 4:31

Nyangnu" loem khau: bye: ziyo' Aseing nyangnu" jhang re" lho: nyangnu" da" yau: khe" kyi" khyeug khyoo: ri re" yu" ga: zi shoug" gyoo: lang" nyangnu" goeb pid wigi noku boem bye:.

YEREMIA 28:6

«Gye" mau" pho" zi nghoid. Aseing he: ziri koid wa shid re" ngoo myid byu nyid da:. Re" lapi: dang: ri nyang: zei: pyeing loo wa. Jonu" joem dangain" ri yo' thung: byu yi khyo" Babelon khyoo: shu" loo" shau" da" byumyu" yi dangain" ri Babelon mo doem shu" tau" loo wa ein: ziri ngoo gyeing" nyang: myid byu da:.

NGOUG JI: 3:41

Ngoonu" da" nheigloem: gi mougkhung: tho' moo: Mangsoo ri phang shoug lho: akyu" mho' nyid shang.

XOIN" NGEI" 9:24

Nyeigdain tung" Aseing gi myi: ri khyo kaid lho: nghe' ngei" da" xoin" yo' phoin: dang mo xu: joem ri nghe" pyam da:. Hau: ziri byumyu" yi shau" myang lang" nyangnu" dangain" gi yoid nyho: wigi nyangnu" myonhoo: joem myidgung khyoo: goeb pid ago".

MATHE 26:39

Hau: thang: ri shed khyoo dajhi' jhen" yhe: lho: myidjang: moo goeb' mhoug to" wigi «O nga" pho Mangsoo we"- ge, bue" nghoid yoo: gi he: kyi" khyeug da" goem ri nga" jang" mo yo" led lo" rigi led' loo" nhang: we' nghoid loug we' ngoo vho: khyo" anghoid. Nang vho: khyo" nghoid baja"» ga: akyu" mho' nyid.

MATHE 6:13

Ngoonu" ri jhu' phyo' jang" moo ayhi: nhang: lo za: yu deizoo: lo, mo khyoid yu we' o". ‹Coid doem: boo" doem: ri vhoeb da" akhang" yo"- phung" yoeb myonhoo: ngilang: gi Apyaid atoo: nang moo za: dajo, jo, baja" o"- Amen.›

1Korinthians 14:16

Nanu" gi Venyi khyo" za: Mangsoo ri jeju" boin: da" dang: tid nghoid rigi- akyu" mho' phung: moo: bo nyid da"- phung: byu dayug gi nanu" tid da" dang: ri ase' gyoo: yoomo- nanu" da" jeju" boin: akyu" mho' da" dang: ri- khasu" wigi: Amen, ga: yo" bo tid wa la"

Ephesu 1:3

Ngoonu" da" Aseing Yesu da" nya: phoo Mangsoo ri jeju" boin: nyid boem shang o" Khasu" wim gari ngoonu" gi Khristu yo' dadeing: daloem: za: bue" loo bye: yoomo nyang: gi moug: khung: moug di tho' mo venyi yo' sen: da" mainkaid jeju" khyoo:- ja: khang" moo" ri byid: nyid bye.

1 TIMOTHI 2:8

Phung: mo mo, da" akyu" mho' ayo, khang" moo" moo yug gi yi ri akyu" mho' nhang: nau- Mangso jhang khyoo: mho' ab, xoin" to' byid: da" yug gi yi gi nheig yoo: go" zi ngeung byo, go" zi aboo loo: za: gyeungshang: da" lo, ri tu: lho: akyu" mho' nyid goo" baja".

1PETERU 1:3

Ngoonu" gi ngoonu" Aseing Yesu da" nya: phoo Mangsoo ri jeju" boin: nyid boem shang- khasu" wim gari Mangsoo gi atho' tid da" nheig khyeig shoo" myen: si su: nghoid yoomo Aseing Yesu Khristu ri shid: jang" mo doem dei to'' loo nhang: khyo" wigi ngoonu" ri kangso' aseig byid: bye- houg: yoomo ngoonu" moo dei nyid wa da" nheig byu joyoo ri yo" yu boem bye.

Pang Shug 7:11

Mouglagyoo: dangain" mo, gi zhung: tang ri we' Ludaid yi ri we' dei noem gougnyhoug myid: ja: ri we' lheung khab, yab, jo, lho: nyangnu" gi zhung: tang shid' moo goeb, gyo" lho: Mangsoo ri coung" pid' nyid boem zigi