NEHEMIA 8:1 - Lacid Common Language Bible

¹ Lhammoo'' nyhed khyab ein: khyab ju'' ri Israela byumyu"'' yigi nyang: yug nya: voogung joem ri yo'' de: nyid boem abye: go''. Hau: lhammoo"' khyab xang: shi'' nyid' ri nyangnu"' dangain"' bang: gi Yerusalem gyid khoem" moo'' akhoug: shoid shava jang: moo: phung: foem: nyid boem ago''. Nyangnu"' gi khainjung we' nghoid- Aseing wigi Moshe khyo" Israela byumyu" yiri byid: da" tarha" ri si' su: Ezra ri Tarha" mougsoug" pug yu byid: wa shid re" mho' ago".

NEHEMIA 8:1 ပူးပေါင်းရင်းမြစ်များ

2 KHOKHAM 23:2

Nyangnu" dangain" bang: gi khainjung yi lapi: yi deing da" byumyu" yi dangain"- yoo" zoo: yoo" shug bang:- sho" jhen: bang: dangain" yo' dage" Noku Yhoem: Moo" khyoo: yhe: ago". Khokham phoo gi nyangnu" dangain" bang: shidkhoin" moo Noku Yhoem: Moo" mo shoug" sho: myang da" dang: theing mougsoug" pug goin" ri thui: zeing yo' nghab kyo" da:.

2 KHOKHAM MHOOMYID: 34:15

Nyang: gi Shaphan ri «Ngoo gi he: Noku Yhoem: Moo" moo Aseing tarha" pug ri myang bye:» ga: tid da:. Nyang: gi hau: mougsoug" pug ri Shaphan ri byid: da:.

2 KHOKHAM MHOOMYID: 34:30

nyangnu" dangain" bang: gi khainjung yi lapi: yi deing da" byumyu" yi dangain"- yoo" zoo: yoo" shug bang:- sho" jhen: bang: dangain" yo' dage" Noku Yhoem: Moo" khyoo: yhe: ago". Khokham phoo gi nyangnu" dangain" bang: shidkhoin" moo Noku Yhoem: Moo" mo shoug" sho: myang da" dang: theing mougsoug" pug goin" ri thui: zeing yo' nghab kyo" da:.

EZRA 7:1

Zain void gye" myang" thang: ri Persi khosen Artaxaxe vhoebkhang" uri Ezra ga: su: dayug nyid. Nyang: gi nya: phoug" phyid" byuxeig ri khainjung moo" Arun ju" sho' doem tau" shab lo" ri hidsu" yo" myang. Ezra nya: phoo Seraia- nya: phoo Azaria- nya: phoo Hilkia-

EZRA 7:10

Ezra gi Aseing da" tarha" ri jhoug" yu wa shid re" we' cang loo" wa shid re" we' Israela byumyu" yiri hau: tarha" dangain" ri jhau" byid: wa shid re" we' nya: apyaid ri shug byid: too" bye:.

EZRA 7:11

Israela byumyu" yiri Aseing byid da" tarha" yo' amyeing" dang: ri joeb byeung" lasi laleug da" tarha" si' su: phajhi" seung: khainjung Ezra ri khosen Artaxaxe he: sagse: dang: jhug mougsoug" ri foin: byid: kaid bye:.

EZRA 7:6

Ezra gi Israela byumyu" yi da" Aseing Mangsoo Moshe ri byid: da" joeb byeung" lasi laleug da" tarha" phajhi" seing: dayug nghoid nyid da:. Ciwim ga: ri Ezra gi Aseing Mangsoo da" mainkaid jeju" ri shoug" yu ziyo' nya: mho' gu: dangain" ziri khokham gi nyang: ri byid: da:. Artaxaxe khokham koid zi nyhed zain ein: zain ri Ezra gi Babelon mung" mo Yerusalem khyoo: Israela byumyu" daphung: we' khainjung yi we' Levi yi we' Noku Yhoem: Moo" mo music phung: we' Noku Yhoem: Moo" zung" mo, we' moo" zei: mo, we' shu" wigi thu loo bye: zi nghoid.

NEHEMIA 12:26

He: byu yigi Yehozadag da" nya: myid:- Yeshua da" yuggi zoo: Yoiakim da" ayo,- mung" zoug: Nehemia da" ayo, yo' tarha" si' su: khainjung Ezra da" ayo, moo nyid lid lo ago".

NEHEMIA 12:37

Nyangnu" gi gyidbug khoem" moo" mo zi David da" voomoo" khyoo: do, lo" da" zoem" lhang: khyo" so" do, lo" lho: David da" khokham kho" ri lid too" kho' ago". Houg: lho: voomoo" da" bidthu shoid gyid khoem" moo" khyoo: doem tau" lo" ago".

NEHEMIA 8:16

Houg: yoomo mung" byu yiri seig kung: joem ri yu lho: nyangnu" yhoemkhung: dang joem moo nyangnu" khyam: vang" joem moo Noku Yhoem: Moo" vang" joem moo yo' gyid khyam: khoem" moo" yo' Ephrim khyam: khoem" moo" nam mo shava jang: pa: joem moo zoem" koid nyid ago".

NEHEMIA 8:3

Hau: khoem" moo" nam mo shava jang: moo nab soin: no' mo zi bid gung tu: sho' nyangnu" ri tarha" nghab kyo" da:. Houg: lho: nyangnu" gi myid boo tung" tam" gyoo: yu ago".

ESAIA 8:20

Nanu" gi nyangnu" ri «Aseing wigi nanu" ri jhau" shid nyid ziri tam" gyoo: ge'. Join: zei: bang: dang: ri atam" gyoo: goo". Nyangnu" wigi nanu" ri nanu" shid re" ce: akyu" aboo nghoid da ein: phoug tid goo" wa nghoid ago"» ga: tid da:.

XOIN" NGEI" 9:5

Nyangnu" gi Moshe amyeing" byid: to" da" ja: khang" moo" ri zoem" shidkhoin" khyoo: ci: re" wigi Aseing ri noku wa shid re" byu phung: dangain" hougmoo: zeing: foem: nyid ago".

MALAKHI 4:4

Nanu" gi nga" da" join Moshe da" tarha" ri xoem" too" we'. He: zigi Sina boem tho' mo wigi Israela byumyu" yi dangain" mo, cang wa shid re" ngoo nyang: ri byid: to" tarha" nghoid.

MATHE 13:52

Yesu gi «houg: su" nghoid yoomo Mougkhung: mungdain: da" cangzoo: agi yi bue" loo da" tarha" sara: hang" nghoid loug we' Aseig we axoug" ri we yu thu' shug da" yhoem: seing: yo" du nyid» ga: tid.

MATHE 23:13

«Akug void da" tarha" sara: yi yo' Pharishe nanu" gi joem: loo" goo" wa. Subi" mougkhoung: mungdain: khyoo: vang loo" wa ga: soin' lo" da" uri nanu" gi khoem" myhid" byid: ago". Nanu" nyang: we' avang lo" boem. Vang loo" wa ga: yoem: kaid nyid mo, ri we' vang loo" wa da" akhang" abyid: boem zigi nanu" shid re" khayhi gyoug phyoo" nghoid.

MATHE 23:2

«Tarha" sara: yi yo"- Pharishe gi Moshe da" tarha" ri dangkang: phang shug wa shid re" amyeing" akhang" yo" jo, mo nghoid.

MATHE 23:34

Houg: su" nghoid yoomo nanu" ri ngoo tid nau da" zigi nanu" da" jhang khyoo lapi: yi phajhi" boo mo, Tarha" sara: yi ngoo nhang: kaid wa. Nanu" gi houg: bang: dayham" gi lhoem: said pyam lho: dayham" rigi pyang" zeing moo jen" lhang" to" boem wa. Dayham" ri gi tarha" jung khoug: moo baid lho: dayham" rigi davoo mo davoo khyoo cang khaid lo" boem wa.

TARHA" TID POIN" 31:11

Israela byumyu" yi nanu" da" Aseing Mangsoo ri noku wa shid re" noku joyoo khyoo: re" boem da" uri nyangnu" ri hau: zi nghab kyoo" ge'.

TARHA" AGYI 20:1

Mougzhung: shoid Dan mo mougpyi: shoid Berasheba mo Israela byu yi dangain"- bidthu shoid Gilead mung" mo bang: dangain" gi khi: thui: ri tau' yu ago". Nyangnu" gi Mizpa joyoo mo Aseing shidkhoin" moo daphung: kyeing" koid wigi zeing: foem: nyid boem ago".

TARHA" AGYI 20:8

Byumyu" yi dangain" dage" to' yab lho: tid zigi «Ngoonu" mo zoem" moo nyid bang: nghoid nghoid- yhoem: moo nyid bang: nghoid nghoid dayug we' yhoem: aloo" wa.