NEHEMIA 7:70 - Lacid Common Language Bible

^70-72 Byu myoo" sho' bang: gi Noku Yhoem: Moo" ri doem nyheing koid jang" moo gyoo" eung: da" aphoug" ri bo kaid ago". Mung" zoug: yi Sheing: 4 joid: jain". Jarung: 50 loem. Khainjung Byisheing: 530 khyab Byumyu" kung: vhujhung: yi Sheing: 92 joid: jain" Ngei 884 joid: jain" Deing da" mung" byu yi Sheing: 92 joid: jain" Ngei 803 joid: jain" Khainjung byisheing: 67 khyab bo kaid ago".

NEHEMIA 7:70 ပူးပေါင်းရင်းမြစ်များ

1 KHOKHAM MHOOMYID: 28:17

Nyang: gi langhui"- khu yo' jhuang: joem koid jang" moo sheing: gyeing" khamyhoo' ci: wa khyoo:- bain joem koid jang" moo sheing: yo' ngei khamyhoo' ci: wa khyoo:-

2 KHOKHAM MHOOMYID: 4:11

Huram gi oug" joem myi yab geig ko: pya"-khu joem ri we' koid da:. Nyang: gi Noku Yhoem: Moo" shid re" koid byid: wa ga: khokham Sholumon ri dangsoo" byid: to' da zi dangain" ri koid pain' da:. Houg: joem gi Zeing bung: eig loem: Zeing bung: joem aphyoo" mo khu lhoo: yhang: te" da" soolhoo: eig loem: Hau: soolhoo: khang" moo" moo goin yhang: ti" yo, to" da" jangcoo" joem soolhoo: khang" moo" moo dazeing moo eig jen jen koid lho: khoem tab to" da" gyid: mid" lamei shi" myid: shoo: cab' Rheing" daxi: loem:- Jarung: daxi: loem: Gyid: thung" lhang" Gyid: thung" lhang" ri vu ci: da" nulo: lhoo: daxe: eig du: Oug" joem ko: pya"- Lakya: joem nghoid da:. Lo, moo" zei: sara: Huram gi khokham Sholumon amyeing" byid: to" ziyo' dakhyo" Aseing da" Noku Yhoem: Moo" moo ci: wa shid re" he: zi joem ri boid to" da" gyid: mid" mo koid thu yu da:.

NEHEMIA 10:1

Xang: shi" lo, xoem" doin: su: gi Hakhalia da" yuggi zoo: mung" zoug: Nehemia nghoid da:. Hau: thang: ri Zedekia da" lo, xoem" doin: da:. Vhoo mo bang: we' lo, xoem" doem: ago". Seraia- Azaria- Yeremia- Pashura- Amaria- Malkhiya- Hatusha- Shebania- Malug- Harim- Meremod- Obadia- Daniela- Ginethon- Barug- Meshulam- Abiya- Miyamin- Mazia- Bilgai yo' Shemaia bang: nghoid ago". Azania da" yuggi zoo: Yeshua- Henadad kung: mo Binui- Kadmiela- Shebania- Hodia- Kelita- Pelaia- Hanan- Mikha- Rehob- Hashabia- Zakhura- Sherebia- Shebania Hodia- Bani yo' Beninu bang: nghoid ago". Parosha- Pahad- Moba- Elam- Zatu- Bani- Buni- Azgad- Bebai- Adoniya- Bigvai- Adin- Atera- Hezekia- Azura- Hodia- Hashum- Bezai- Harib- Anathod- Nebai- Magpia- Meshulam- Hezira- Meshezabela- Zadog- Yadua- Pelatia- Hanan- Anaia- Hoshea- Hanania- Hashuba- Halohesha- Pilha- Shobeg- Rehum- Hashabna- Maseia- Ahia- Hanan- Anan- Malug- Harim yo' Bana bang: nghoid ago".

NEHEMIA 7:65

Yuda mung" zoug: yigi khainjung dayug yug wigi Urim yo' Thumin ayu" yu" gi Mangsoo ri ngei" byid: da" zoo: noem ri nyangnu" age zoo: goo" wa ga: nyangnu" ri tid da:.

NEHEMIA 8:9

Byumyu" yigi hau: Tarha" wigi mho' ziri shoug" gyoo: lang" nheigloem: loeb re" boem wigi gye" ngau re" ago". Houg: yoomo mung" zoug: Nehemia- khainjung yo' tarha" ri si' su: Ezra yo' tarha" ri tid sho' kyo" da" Levi byu yigi mung" byu yiri he: ziri tid kyo" ago". «He: bidnyid gi nanu" da" Aseing Mangso shid re" gyeung" shang: da" bidnyid nghoid yoomo nanu age koug age ngau goo" wa.

THU' LO" MOUGSOUG" 12:22

Pagyoem akung: dakung: ri yu wigi gougnyhoug suid" bo da" jarung: moo doin: joem lho: nanu" yhoem: khoem" duang: adang moo we' khoem" bung moo we' hau: suid" gyoid tab too" we'. Nanu" dayug we' nab soin: ju" sho' yhoem: pain' khyoo: age thu wa.

THU' LO" MOUGSOUG" 24:6

Moshe gi gougnyhoug suid" ri dago" yi" yu wigi jarung: joem moo kaid lho: dago" yi" deung ziri gi phoin: da" goo" shoid moo foid khyo' pyam da:.

YEREMIA 52:19

Nyangnu" gi sheing: yo' ngei wigi koid to" da" jarung: nu" joem yo' myi: dab da" myigyu: ri kaid da" oug" phain'- ngei" xoin" joem mo suid" ri kham: yu da" jarung: joem myiyab khu joem myikug tang joem shoem: nam pyo: ja: kaid da" jarung: joem zabyid yhid: xoin" foid khyo' da" jarung: joem ri yu lo" ago".