NEHEMIA 7:4 - Lacid Common Language Bible

⁴ Yerusalem gi gyi: da" voomoo" daloem: nghoid da:. Nghoid loug we' houg moo byu myoo: sho' anyid nghoid ago". Houg: lho: yhoem: myoo: sho' azhug too" shi" nghoid da:.

NEHEMIA 7:4 ပူးပေါင်းရင်းမြစ်များ

NEHEMIA 11:1

Vhujhung: yigi Yerusalem moo de: nyid boem ago". Deing da" mung" byu yigi gyeung" shang: Yerusalem moo yhe: nyid wa shid re" daxi: kung: mo dakung: khyen: yu wa me" lab boem ago". Deing da" bang: gi gootu: voomoo" joem yo' voogung joem moo nyid ca" goo" wa zi nghoid.

NEHEMIA 11:2

Yerusalem moo yhe: nyid wa shid re" nyang: nya: myid khyo" yhi: bang: yugkhang" moo" ri mung" byu yi coung" boem ago".

NEHEMIA 7:3

Ngoo gi nya: eig yug ri hidsu" ein: pyeing: too" bye:. Yerusalem voomoo" khoem" moo" ri nab soin: bid axain" shi" yo, ju" sho' aphang wa shid re" yo' bidvang zoo" moo khoem" zung" bang: moo" mo aphang: byoo shi" ri khoem" moo" joem myhid" lho: khoem" kyang joem kyang too" wa shid re" tid too" bye:. Ngoo gi nya: eig yug ri Yerusalem moo nyid da" byu yi mo khyen: yu wigi voomoo" zung" bang: ri khyen: to" too" wa shid re" houg bang: mo dayham" gu: ri gooki' lid yhouggyen: joyoo cang nyid: to" lho: gooji gu: rigi nyangnu" nya: yhoem: aqei: ayam moo so" yen" lho: jooyu" yen" wa shid re" tid too" bye:.

NEHEMIA 7:5

Mangsoo gi mung" byu yi yo' nyangnu" da" vhujhung: yi gyizoug: yiri khe: zheing" lho: nyangnu" da" yhoemkhung: lhid" xoem" joem ri joeb yu" wa shid re" ngoo ri jhoin" byid: da:. Ngoo gi pyoung" she: loo" shoug" jang" mo xang: shi" doem tau" loo bang: da" lhid" xoem" zhayhen" ri sho: wigi he: gu: ri shoug" sho: myang yu bye:.

ESAIA 58:12

Nanu" da" byumyu" yigi myang" sho' byo, yoin" jo, ziri doem zhug to" lho: apoem: ayang: xoug" moo doem zhug to" loo goo" wa. Nanu" gi vang joem ri zhug mo, gi byo, jo, da" yhoem: joem ri doem nyheing koid mo, khyo" myeing yo" loo goo" wa» ga: tid.

MATHE 6:33

Nanu" koem gi nya: da" mungdain: yo' nya: da" deung byeung" khyoo: ri xang: shid" sho: nyid ge'. houg: lang" hau: zi dangain" nanu" ri poug lung: byid: wa nghoid.