NEHEMIA 7:3 - Lacid Common Language Bible

³ Ngoo gi nya: eig yug ri hidsu" ein: pyeing: too" bye:. Yerusalem voomoo" khoem" moo" ri nab soin: bid axain" shi" yo, ju" sho' aphang wa shid re" yo' bidvang zoo" moo khoem" zung" bang: moo" mo aphang: byoo shi" ri khoem" moo" joem myhid" lho: khoem" kyang joem kyang too" wa shid re" tid too" bye:. Ngoo gi nya: eig yug ri Yerusalem moo nyid da" byu yi mo khyen: yu wigi voomoo" zung" bang: ri khyen: to" too" wa shid re" houg bang: mo dayham" gu: ri gooki' lid yhouggyen: joyoo cang nyid: to" lho: gooji gu: rigi nyangnu" nya: yhoem: aqei: ayam moo so" yen" lho: jooyu" yen" wa shid re" tid too" bye:.

NEHEMIA 7:3 ပူးပေါင်းရင်းမြစ်များ

NEHEMIA 13:19

Houg: yoomo ngoo ri Dougno: Bidnyid ju" loo khang" myen" thang: bidvang yo, voomoo" khoem" joem ri myhid" pyam lho: Dougno: Bidnyid lid sho' adoem phang wa shid re" amyeing" byid: too" bye:. Dougno: Bidnyid moo voomoo" khoug: khyoo: ci: daja: we' ade" vang zi nghoid anghoid si' wa shid re" nga" byu dayham" ri hau: khoem" moo" joem cang zung" nhang: too" bye:.

NEHEMIA 3:23

Benyamin yo' Hashub gi nya: eig yug da" yhoem: shidkhoin" gu: moo zhug da:. Anania da" nya: myid: zoo:- Maseia da" yuggi zoo: Azaria gi nya: yhoem: shidkhoin" mo eung: da" du ri xo' zhug da:.

NEHEMIA 7:2

Ngoo gi Yerusalem ri vhoeb wa shid re" byu eig yug ri khyen: too" bye:. Nya: eig yug gi nga" nhung" Hanani yo' gyigoo zung: vhoeb da" zoug: Hanania tang: nghoid ago". Hanania gi loem ge" da" byu nghoid lho: Mangsoo ri gyoug phoug" da" yug- hang" yo' we' ayo" tu' sho' ge yug nghoid da:.

NEHEMIA 7:4

Yerusalem gi gyi: da" voomoo" daloem: nghoid da:. Nghoid loug we' houg moo byu myoo: sho' anyid nghoid ago". Houg: lho: yhoem: myoo: sho' azhug too" shi" nghoid da:.

COUNG" NGHEI 127:1

Aseing gi hau: yhoem: ri akoid to" nghoid rigi yhoem: koid mo, da" moo" zoo" gi Akoem: za: danghoid nyid. Aseing gi hau: voogung ri azung" lhoug nghoid rigi voogung ri lhoug zung" bang: da" goem loem khyoo: gi amyed aji za: danghoid.

COUNG" NGHEI 147:13

Nyang: gi re" da" voogung khoem" mo" duang: ri geung: teing nhang: wigi Nyang: gi re" da" byumyu" ri mainkaid byid: nyid.

MATHE 10:16

«Zeigne phung: moo nhang: kaid da" yang joem yhangti"- nanu" ri ngoo nhang: kaid. Houg: yoomo nanu" gi lhang: myu yhangti" nheig boo ung: gyeing: lho: pheing" kyoug" yhangti" nu" nham nyid ge'.