NEHEMIA 7:2 - Lacid Common Language Bible2 Ngoo gi Yerusalem ri vhoeb wa shid re" byu eig yug ri khyen: too" bye:. Nya: eig yug gi nga" nhung" Hanani yo' gyigoo zung: vhoeb da" zoug: Hanania tang: nghoid ago". Hanania gi loem ge" da" byu nghoid lho: Mangsoo ri gyoug phoug" da" yug- hang" yo' we' ayo" tu' sho' ge yug nghoid da:. အခန်းကိုကြည့်ပါ။ |
NEHEMIA 7:2
21 ပူးပေါင်းရင်းမြစ်များ
Ngoo thu loo" yo' dage" Aseing da" Venyi: gi nang ri ase' da" joyoo gootu: khyoo: shu" lo" nghoid rigi khasu" koid wa la". Hau: thang: nang hid: moo: nyid khyoo: ri ngoo Ahab ri tid kyo" wigi nyang: nang ri amyang lang" nyang: ngoo ri said pyam wa zi nghoid. Ngoo gi zooyam pyaid mo Aseing ri loem khau: noku su: nghoid ziri boin: we'.
Ngoo gi vhoo: mo bang: ri zi to" da" yab joem yu" coung: wa shid re" sain' too" bye:. Khainjung Shelemia- tarha" si' su: Zadog yo' Levi byu Pedaia bang: nghoid ago". Matania da" myid: zoo:- Zakhura da" yuggi zoo: Hanan gi nyangnu" da" pang" thoug yug nghoid da:. Hid bang: gi nyangnu" da" moo" zei: byencang" yiri zoo: noem ci: wa zi joem ri kho' gam byid: wa shid re" loem gi" bang: nghoid ein: ngoo se' da:.
Ngoo gi Noku Yhoem: Moo" lhoug zung" mo, nyid wa gyikhoug: zung khoem" moo" joem koid wa shid re" we' voomoo" vang joem koid wa shid re" we' houg: lho: ngoo nyid wa yhoem: shid re" we' seig voo: pang" thoug byid: wa akhang" ri khokham da" seig moo" yoo lhoug zung" su: Asab mo yo" yu wa mougsoug" dakhyab ri mho' yu bye:. Mangsoo gi ngoo yo' dage" nghoid lho: khosen phoo gi ngoo mho' zi dangain" ngoo ri byid: da:.
Nga" shid vhu" moo mung" zoug: koid lid lo da" yugkhang" moo" gi zoo: noem yo' zabyid yhid: shid re" danyid" ri ngei pyi" myid: xi: khyo" koid: zo: wigi mung" byu yiri lid: da" yoovoin voin nhang: to" da:. Nyangnu" da" dei zoo: yi lang" mung" byu yiri doin: zeig zo: ago". Nghoid loug we' ngoo gi houg yo' adu loo: sho' moo" zei: da:. Ciwim gari ngoo gi Mangsoo ri ngi: shab byid: da:.
Ngoo gi nya: eig yug ri hidsu" ein: pyeing: too" bye:. Yerusalem voomoo" khoem" moo" ri nab soin: bid axain" shi" yo, ju" sho' aphang wa shid re" yo' bidvang zoo" moo khoem" zung" bang: moo" mo aphang: byoo shi" ri khoem" moo" joem myhid" lho: khoem" kyang joem kyang too" wa shid re" tid too" bye:. Ngoo gi nya: eig yug ri Yerusalem moo nyid da" byu yi mo khyen: yu wigi voomoo" zung" bang: ri khyen: to" too" wa shid re" houg bang: mo dayham" gu: ri gooki' lid yhouggyen: joyoo cang nyid: to" lho: gooji gu: rigi nyangnu" nya: yhoem: aqei: ayam moo so" yen" lho: jooyu" yen" wa shid re" tid too" bye:.
Houg: lang" hau: gootu: moo" pyoo: bang: yo' mung" zoug: yigi Daniela mung" vhoeb moo" zei: jang" mo yooboo shoid zi daja: ja: shoug" sho' zheing: sho: nyid boem ago". Nghoid loug we' Daniela gi loem ge" ziyo' shoid zi anghoid lang" adeing amain" zi daja: we' akoid yoomo yooboo amyang boem nghoid ago".
ကြော်ငြာတွေ