NEHEMIA 6:9 - Lacid Common Language Bible

⁹ Nyangnu" gi ngoonu" ri moo" zoo" mo theing: pyam wa shid re" kyug nhain' khyoo: sho: ago". Ngoo gi «Mangsoo we"- akhid" ngoo ri yoem: boo nhang: la,» ein: akyu" mho' da:.

NEHEMIA 6:9 ပူးပေါင်းရင်းမြစ်များ

2 KHOKHAM MHOOMYID: 15:7

Nghoid loug we' nanu" gi yoem: phain" nyid ge'. Agyug avoem nyid go". Nanu" koid da" moo" zoo" gi aphoug" jhungshug shoug" nhang: loo wa» ga: pe: da:.

2 KHOKHAM MHOOMYID: 32:18

Gyizoug: yi gi voomoo" vang khyam: tho' moo nyid boem da" Yerusalem byu yiri kyug nhain' wa yo' yoem: shoin: nhang: wa shid re" Hebre myeing" khyo" he: dang: ri: nyho: tid ago". Hougsu" koid zigi voomoo" ri lei lei za: yo" seing: yu wa shid re" koid zi nghoid da:.

EZRA 1:6

Nyangnu" yhoem: kyoo" cang" yi dangain" mo, we' Noku Yhoem: Moo" shid re" ngei jonu" joem sheing: jonu" gougnyhoug kyung gootu: phoug" dab ziyoo xoin" joem yo' nyangnu" ri pang" thoug kaid ago".

NEHEMIA 6:14

Ngoo gi «Mangsoo we"- Tobia yo' Sanbalad tang: koid ziri myid boin: lho: nya: eig yug ri yooboo dam byid: we' Hau: myiyi: Nodia yo' Lapi: gootu: yi dangain" ngoo ri kyug nhain' ziri myid boin: byid: la» ein: akyu" mho'.

COUNG" NGHEI 138:3

Ngoo mho' yoid nyid da" bidnyid moo nang ngoo ri: tu" byid: lho: re" da" yoem: vhoo" khyo" ngoo ri yoem: boo nhang: nyid.

COUNG" NGHEI 56:3

Gyi: myhang: da" Aseing we"- ngoo gyoug dain nyid uri nang moo: ngoo khau: nghe: nyid.

COUNG" NGHEI 68:35

Nya: da" gyeung" shang: joyoo mo wigi re" lo da" Israela Mangsoo gi khayhi' gyeing" gyoug phoug" gi su: nghoid lha". Nyang: gi nya: mung" byu yiri yoem: vhoo" yo' yoem: so' byid: nyid. Mangsoo ri coung" nghei nyid ge' o".

COUNG" NGHEI 71:1

Aseing we"- goem loem byid: wa shid mo ngoo re" jang" moo: tain" loo bye:. Ngoo ri: khanham we' asoem" joem: loo" nhang:.

ESAIA 40:29

Nyang: gi yoem: neing: bang: yo' myung: doug bang: ri yoem: boo nhang: da:.

ESAIA 41:10

Agyug goo"- ngoo nang yo' dage" nghoid. Ngoo gi re" Mangsoo nghoid- nang ri agyug nhang: wa. Ngoo gi nang ri yoem: boo: nhang: wigi pang" thoug wa. ngoo gi nang ri goem loem byid: wigi khyoid yu wa.

YEREMIA 38:4

Hau: thang: moo" voin zoug: yigi khokham pho jhang yhe: lho: «Byu he: yug ri said pyam ca" da:. Nyang: hougsu" tid nyid yoomo he: voomoo" moo nyid da" gyizoo: yigi voem" da" myid byug byug abye: go". Houg: lho: nyang: gi voomoo" khoug: moo nyid deing jo, boem bang: gootu: yugkhang" moo" ri we' dakhyoo" ti" za: tid nyid da:. Nyang: gi byumyu" yiri pang" thoug wa shid re" yoem: akaid nghoid da:. Nyangnu" ri dam za: dab nhang: nau nyid da» ga: tid ago"

EZEKIEL 30:24

Hau: thang: ngoo gi Babelon khokham da" lo, ri yoem: boo nhang: wigi nga" shamcoin" ri nya: lo, khyoo: ab byid: wa. Nghoid loug we' Egutu khokham da" lo, ri khyoug" pyam byid: wa. Houg: lho: nyang: gi nya: gyivoo yi shidkhoin" moo noo kyeing" kyeing" lho: shid: lo" byug wa.

ZEKHARIA 10:12

Ngoo gi nga" byumyu" yiri yoem: gyi: loo nhang: wa. Hougsu" nyangnu" gi ngoo ri coung" pid lho: nga" dang: ri tam" gyo: wigi cang lo boem wa zi nghoid». Aseing tid too" bye:.

2~KORINTHU 12:9

Nghoid loug we' Mangsoo gi Nga" jeju" gi nangca" khyoo: shid re" ge" nyid bye- Khasu" wim gari nang: yoem: nu: lo" uri nga" yoem: moo" so' moo" gi reung: thang nyida" ga: wigi ngoori tu" byid: bye. Hougsu" nghoid yoomo Khristu da" yoem: zeing so' moo" gi-ngoo ri goem loem byid: lho: khau nghi: joyoo nghoid nyid tho' moo agoo"- ngoo yeom: nu: loo" yoomo ngo phau: khuang joyoo nghoid nyid.

Ephesu 3:16

Nanu" da" akhoug: mo byu ein: da" nheigloem: ung: khoug: yoem: bo loo goo" baja"- Mangsoo gi nya: myo: tham: da" myonhoo: phung yoeb, mo nya: venyi: nanu" ri yoem: so' byid: nyid baja"- ngoo gi Mangsoo moo akyu" mho' nyid.

Ephesu 6:10

Lo" thang jang" moo hau: Aseing: yo' dagung za: bue" khyo" wigi we' nya: da" myonhoo: phung" yoeb, yoem: vhoo" khyo" we' nanu" da" yoem: zeing so' zeing ri loung: yu nyid ge'.

PHILIPI 4:13

Ngoori yoem: lung: so' lung: byid: da" Khristu yoomo khyoo: khaid gu: khang" moo" yo" oung; lo" da" yoem: so' ngoo yo" yu nyid.

HEBRE 12:12

Hougsu" nghoid yoomo nanu" da" byau" lhang" to" lo, joem ri tu: to' kaid lho: nanu" da" yoem: aboo loo: nain" nyid da" poid' lug joem ri yoem: foin: thoug shang" to' loo" loo: ge'.

1PETERU 5:10

Nghoid loug we' nanu" gi daso' za: shen" yhen ziri thoung" shau" thang: ri Khristu yo' dage" apyaid' ato: myonhoo: phung" yoeb, ri shau" kham: yu wa shid re" nanu" ri khe: yu da" jeju" dangain" Aseing: Mangsoo nyang: nanu" ri joeb, byeung" mo, bui" nhang: lho: wigi geung: teung khyoo: yoem: zeing so' moo" yo' loem, ge" da" apoem: ayang: qei" byid: wa nghoid.

1 SAMUELA 30:6

David da" nya: byu yigi nyangnu" da" zoo: yi byug wigi gye" nheig no ziyo' nyang: ri lugzeing yo' du" said wa ga: kyug nyid boem yoomo David gi yau: khi" zeing shoug" nyid da:. Nghoid loug we' nya: Aseing Mangsoo gi nyang: ri yoem: byid: nyid da:.