NEHEMIA 6:2 - Lacid Common Language Bible

² Houg: yoomo Sanbalad yo' Geshem gi Ono jang: pa: moo jo, da" voogung daloem: loem: moo ngoo yo' shoug" goo" shang ga: phajhi" byid: zoo" re" ngoo ri dang: pyeung: kaid ago". He: zigi nya: eig yug khyo" ngoo ri dam tab wa shid re" phajhi" khyau" zi nghoid da:.

NEHEMIA 6:2 ပူးပေါင်းရင်းမြစ်များ

2 SAMUELA 20:9

Yoab gi Amasa ri «Byencang" pho yang" nyid rhe"» ga: myid: lho: babug bug wa shid re" lo, yo lo, yo' nya: nhoid mei: moo zei: zeing da:.

2 SAMUELA 3:27

Abna Hebron khyoo: ju" lo uri Yoab gi nyang: yo' kyeing" dang: tid goo" nau ga: wigi khyam: khoem" anam khyoo: shu" yhe: lho: houg: moo nyang: gi Abna voem: dau moo shamcoin" thoug" byid: bye: zi nghoid. Abna gi Yoab da" nya: nhung" Ashela ri said pyam yoomo nyang: ri we' said pyam zi shoug" bye: zi nghoid.

1 KHOKHAM MHOOMYID: 8:12

Elpala gi Ebera- Misham yo' Shemed ga: da" yuggi zoo: soem" yug yo" da:. Ono yo' Loda voomoo" yo' lheing khoem moo: jo da" voogung joem ri de: su: gi Shemed nghoid.

NEHEMIA 11:35

Loda- Ona yo' lo, moo" zei: bang: lang: khung" moo nyid boem ago".

NEHEMIA 3:22

Vhoo: moo khainjung yigi houg mo xo' wigi vang myoo: sho' gu: ri doem zhug ago". Yerusalem aqei: ayam mo khainjung yigi houg mo xo' da" du ri zhug da:.

NEHEMIA 6:3

Ngoo gi nya: eig yug jhang lagyoo: nhang: kaid wigi nyangnu" ri «Ngoo gi yhouggyen: da" moo" zei: nyid yoomo houg khyoo: ngoo ayo" gyoo" yhi:. Re" eig yug ri re" shoug" wa shid re" za: wigi moo" ri ayo" theing: too" nhang: wa» ein: pyeung: kaid bye:.

COUNG" NGHEI 12:2

Byu dangain" mo, gi nyang: cang" myeung" khyo" mhoug go" nyid ago". Nyangnu" gi dayug yo' dayug- coung" myeung" khyo" mhoug go" nyid.

COUNG" NGHEI 37:12

Akhyeing" ashoeb da" byu yigi byu gi bi" ri age khyo" soin: lho: Nyangnu" gi anoug angei da" myojid" yo' yu" zhoug to" ago".

COUNG" NGHEI 37:32

Akhyeing" ashoeb su: gi byugi yiri co' nyid wigi nyang: ri said pyam wa shid re yoem: kaid nyid.

PHAJHI" DANG: 4:4

Byumyu" yi oung: doid wa shid re" gye" yoem: kaid ein: ziri ngoo yo" se' yu bye:. Hau: zigi nyangnu" da" yhoem: kyoo" cang" yiri no" zo myid boo yoomo nghoid ago". Nghoid loug we' hau: zigi akoem: za: danghoid. Hau: zigi lid ri cang khaid myheig ziyo' du da:.

YEREMIA 41:2

Ishmaela yo' byu daxi: yug bang: gi nyangnu" shamcoin" sheing: she: yu wigi Gedalia ri said pyam ago".

EZEKIEL 33:31

Hougsu" nga" byu yigi nang tid wa da" dang: ri tam" gyoo: wa shid re" zeing: foem: yhe: boem nghoid loug we' nyang: nu" gi nyangnu" koid wa khyoo: nang tid khyoo: ri akoid nghoid ago". Nyangnu" da" nhoid moo jheddab dang: tid da:. Nghoid loug we' nyangnu" gi nyangnu" da" myid vo: lau khyoo: ri xo' koid da:.