NEHEMIA 6:14 - Lacid Common Language Bible

¹⁴ Ngoo gi «Mangsoo we"- Tobia yo' Sanbalad tang: koid ziri myid boin: lho: nya: eig yug ri yooboo dam byid: we' Hau: myiyi: Nodia yo' Lapi: gootu: yi dangain" ngoo ri kyug nhain' ziri myid boin: byid: la» ein: akyu" mho'.

NEHEMIA 6:14 ပူးပေါင်းရင်းမြစ်များ

NEHEMIA 13:29

O" Mangsoo we"- hau: byumyu" yigi khainjung aya: ri we' nang wigi khainjung yi yo' Levi byu yiri byid: to" da" dang: theing ri we' khayhi' phung" youg nhang: ago" la".

NEHEMIA 5:19

O" Mangsoo we"- Nang ri ngoo akyu" mho' kaid da:. He: byumyu" yi shid re" ngoo koid lid lo da" ja: khang" moo" shid re" nga" akyu" ri myid boin: byid: la.

COUNG" NGHEI 137:7

Aseing we" Yerusalem myheug shu" lo" zi shau" da" bidnyid moo Edom byumyu" yi cikoid loo bye: ziri boin: so" nyid we'. Myidjang moo: dab, byug sho' phyo' shoin pyam ge ga: wigi nyangnu" khasu" tid loo bye: ziri boin: so" nyid we'.

COUNG" NGHEI 22:1

Nga" Mangsoo we"- nga" Mangsoo we"- nang cikoid wigi ngoo ri she: pyam to" lha". Ngoo ri pang" thoug yu wa shid re" ngoo nyho: yoid nyid. Nghoid loug we' akhid" ju" sho' are" pang" yu shi.

COUNG" NGHEI 63:1

Mangsoo we"- nang gi nga" Mangsoo nghoid nyid wigi ngoo nang ri nheug nge nyid. Nga" gung goin" nang ri vho: ngei so, kho' nyid. Kyoug kain" byoug lho: ce" akyu" aboo lo: ziyo' gyid aboo lo: moug: kyug yhang: ti" nga" nheigloem: soozoo: gi nang ri gyid su" shed nyid.

THU' LO" MOUGSOUG" 15:20

Arun da" nya: bi: lapi: myhi' Miriam gi nya: da" zeing yu da:. Myiyi: yi dangain" we' nya: thang: cang lho: zeing baid lho: go" nyid ago".

YEREMIA 14:15

Ngoo Aseing gi nang ri ngo wigi nhang: kaid zi anghoid da" bang:- nga" myeing khyo" dang: tid wigi he: mougmyid moo meing: zain: khyoo: yo' zooyoid khyoo: ajo, wa ga: tid da" hau: Lapi: yiri ngoo cikoid wa ein: ziri tid kyoo" wa. Ngoo gi nyangnu" ri meing: zain: jang: moo yo' zooyoid phang" khoug ziyo' said pyam wa.

YEREMIA 14:18

Jang: gyoin: khyoo: ngoo thu yhe: lo" ri meing: zain: jang: moo said pyam shau" da" byu yi da" manggung joem ri myang. Voogung joem khyoo: ngoo vang yhe: ri zooyoid shid: lo" nyid da" voobyu yiri ngoo myang. Lapi: yi yo' khainjung yigi nyangnu" nya: moo" ri zei: nyid ago". Nghoid loug we"- nyangnu" gi nyangnu" cikoid nyid ziri asi' goo" nghoid da» ga: tid nhang: da:.

YEREMIA 28:1

Hau: zain moo Zedekia khokham koid zi myid: zain ein: zain lhammoo" wim khyab ein: khyab khyab moo Gibeon voomoo" mo Azuri da" yuggi zoo: lapi: Hanania gi Noku Yhoem: Moo" moo ngoo ri dang: tid da:. Khainjung yi yo' byu phung: yi shidkhoin" moo nyang: gi ngoo ri tid.

YEREMIA 28:10

Hau: thang: Hanania gi nga" leung zeung: mo kyoug: ri khyoid yu wigi hau: ziri adu du baid khyau" pyam da:.

YEREMIA 28:15

Houg: lang" ngoo gi he: dang: ri Hanania ri tid kyo" wigi «Hanania we"- tam" gyoo: we'. Aseing gi nang ri anhang: kaid nghoid da:. Mhau" da" dang: ri he: byu yi loem" sho' nang koid nyid da:.

MATHE 24:11

Hau: tho' moo gootu: mhau da" lapi: we' myoo" sho' thu' lo wigi byu myoo" sho' ri khyoo: shu" vhang: lo" boem wa.

MATHE 24:24

Khasu" wim gari mhau' da" Meshia yo" mhau' da" Lapi: po" thu' lo lho: ge bue" rigi Mangsoo khyen: yu too" bye: mo, ri lang" khyoo yo" shu" vhang: sho'- alhoo: again mau" pho" moozoo" zeing yo"- zei: shug lo boem wa zi nghoid.

MATHE 7:15

«Nheugloem: ung: khoug: moo gi lang: kyen: phyo' zoo: wa ga: zeigne nheigloem: kaid ci: lho: yang yid void to" mo, nanu" jang" moo ju" loo wa mhau' da" lapi: yi ri jang" pyam' ge'.

2 TIMOTHI 3:8

Akhui" yanne" yo' Yanbre eig yug gi Moshe ri thoutheung ngeug pyam' ziyo' dakhyoo" ti"- he: byu joem we' hau: deingmain" khyoo: ri thoutheung ngeug pyam nyid boem ago". Hau" byu joem gi nyangnu" ase' myid soin: yu" boem, loo: yoomo loem" jeung" khyoo: moo byo, yoin" soem" joem: lo" boem, ago".

1YOHAN 5:16

Re" mang: re" nhung" dayug yug gi ashid: moin: da" yooboo daja: ja: zei: nyid nghoid rigi nang shau" myang nghoid ri nang gi nya: shid re" re" Mangso jhang akyu" bo mho' nyid ca"- Mangsoo gi nyang: ri apyaid ato: kangso' byid: wa zi nghoid. hau: zigi shid: moin: da" yooboo akoid mo, shid re" za: mho' byid: wa khyoo: nghoid. Nghoid loug we' shid: moin: da" yooboo ga: zigi jo, jo, wigi hau: shid re" Mangso jang" moo mho' yoid ge da" khyoo: ri ngoo atid noug.

Pang Shug 19:20

Hau" akhyeung" da" gougnyhoug ni, zeing gi nya: shid khoin" moo mau" pho" alhoo: again joem ri toin" shid mo, mhau' da" lapi: yi yo' dage" thung: myheug lhoung pyam' zi shau" bye. (Nyang: gi akhyeung" goug nyhoug zeung: da" soolhoo: dab, mo, yo' akhyeung" gougnyhoug da" soolhoo: rinoku goeb, pid' bang: ri mau" pho" alhoo: again joem yo' mhau' yu su: nghoid) Nya: eig yug gi fang yo' nge" nyid da" myimi: thoem" khoug: khyoo: - adei phab' phab' du" zei kaid' zi shau" nyid ago".