NEHEMIA 6:13 - Lacid Common Language Bible

¹³ Nga" myeing byo, wigi ngoo gi ngi: yoem" baja" ga: ngoo ri yooboo koid sho' kyug nhain' wa shid re" nyang: ri nya: eig yug wigi ngei byid: lho: lhung: to" zi nghoid da:.

NEHEMIA 6:13 ပူးပေါင်းရင်းမြစ်များ

NEHEMIA 6:12

Hau: ziri ngoo myid kaid yu" ri Mangsoo: gi Shemaia ri dang: aji nghoid loug we' Tobia yo' Sanbalad gi he: tid poin' dang: ngoo ri byid: wa shid re" nyang: ri khoug: void byid: lho: tid nhang: zi nghoid ein: ngoo myid boin:

NEHEMIA 6:6

Hau: jang" moo hid: su" ga: dab da- «Nang yo' Yuda byumyu" yigi thougtheung gyi koid wa soin' wigi vang ri doem zhug nyid ago" ga: da" lu dang: lam" gi aqei: ayam yhoem: kyoo" cang" byumyu" yi da" phung: moo lu dang: thu nyid da ga: Geshem ngoo ri tid kyo" da:. Nang gi nanya: gung ri khokham koid yu wa ga: we' nyang: tid da:.

DANG: ZHOEM 22:1

Myeing gi yo' jonu" ziyoo daja: ja: ri khyen: yu ca" nghoid rigi myeing ge loem: ri khyen: yu we'.

DANG: ZHOEM 29:5

Re" da" bidnoem yiri agoin: mhau, coung" byid: khyoo: gi nanya: shid re" nanyang: gyoin: du: nyid zi nghoid.

PHAJHI" DANG: 7:1

Myeing yung" lu dang: gi gu cang" da" nam pyo: xu tho' je ge da:. Houg: lho: nang shid: da" bidnyid gi nang khu: re" da" bidnyid tho' je ge da:.

ESAIA 51:7

Jo ziri se' da" bang: nga" jhau" shid khyoo: ri nanu" nheigloem: khoug: moo kaid too" bye: bang: nanu" we"- nga" dang: ri tam" gyoo: ge'. Byu yi nanu" ri juang" lho: rue" boem uri agyug goo".

ESAIA 57:11

Aseing tid zigi «Nanu" ngoo ri mhau' tid wa yo' ngoo ri bain sho' to" myhid pyam' wa shid re" nanu" ri gyoug nhang: da" yu phara" gi khate" zi nghoid boem la". Ngoo gye myang" sho' sam: zoo: nyid nyid yoomo ngoo ri ngi: shab byid: wa ziri nanu" theing: pyam' ago" la".

YEREMIA 1:17

Yeremia we"- ri ri soin' we' nang ri ngoo tid wa shid re" amyeing" byid: to" zi ja: khang" moo" nyangnu" ri yhe: tid kyoo" we'. Akhid" nyangnu" ri agyug- anghoid lang" ngoo gi nang ri nyangnu" yo' dage" nghoid uri je gyoug nhang: wa.

YEREMIA 18:18

Byumyu" yigi «Yeremia yo' sen: wigi ngoonu" daja: koid boem shang. Ngoonu" ri jhau" shid byid: wa khainjung yi ngoonu" ri phajhi" byid: da" phajhi" boo bang- Mangso mungdang: ri tid fu" da" lapi: yi khanham we' nyid nyid boem wa. Nyang: ri yooboo foin: wigi nyang: tid da" dang: ri tam" gyoo: wa theing: pyam goo" shang» ga" tid ago".

YEREMIA 20:10

Yugkhang" moo" gi Gyug pho" zi khyi' khang" moo" moo jo, da:. Houg: yoomo amyeing" akhang" yoo" bang: ri nya: lu lo" fu" shang» ga: dang: so' so' go" nyid ziri ngoo shau" gyo:. Nga" da" jhang thang byencang" yi lang" ngoo leung gyoeb loo" wa ziri lang" nyid ago". Nyangnu" gi «Nyang: gi phajhi" mhid" khyau" wigi Ngoonu" nyang: ri shoug" myheig yu wigi latoo: shoug" phug abe» ga: tid ago".

EZEKIEL 2:6

«Nghoid loug we' shid: se' da" byu nang gi nyangnu" ri we' nyangnu" citid ziri we' agyug ca". Nyangnu" gi nang ri aphoug" akhyoid- cishu: anhang: koid boem wa. Hau: zigi gung goug" joem phung: gung moo nyid yhang: ti" nghoid wa. Xo' lho: hau: thougtheung byu yiri yo' nyangnu" tid zi ci: ri we' agyug.

MATHE 10:28

Hau: lho: daja: gi gung shoo" ri za: te: yo" said' pyam' lho: nheigloem: Venyi: ri ayo" said' pyam' mo, ri agyug goo"- gung du: yo" Venyi: ri dalheing: dam- ngarai" mung" moo yo" shoin pyam' su: Mangsoo ri je gyoug nyid ge'.

MATHE 22:15

Pharishe gi zeing foem lo boem lho: Yesu ri dang: myid: khyo" yooboo sho: wigi myheig wa ga: zheung: sham: go" lho: thu' lo" boem.

MATHE 26:59

Khainjung moo" yi yo" dage" kongsi byu yi dangain" mo, gi Yesu ri yo" said pyam sho'-ajo, da" mhau da" sagsi: ri sho: nyid boem.

ACTS 6:13

Hau: thang: ri nyangnu" gi Stephain da" Khyoo: ri mhau' da" sagsi: kham, wa da" byu dayham" ri we' khe: to" ago". Hau: sagsi: kham, wa mo, gi Byu he: yug gi hau: noku yhoem: moo" ri we' Moshe da" tarha" ri khanham we' juang" yi gei sang: nyid.

2~KORINTHU 11:12

ngoonu" koid ziyo' dakhyoo" ti"- nyangnu" we' lhoung koid yu" ga: wigi gootu: lagyoo: yi tid phau: khuang jang: yoo" baja"- akhid" ngoo koid yhang: ti"- xo' lho: we ngoo koid shi" wa.

1 TIMOTHI 5:14

Houg: yoomo gyivoo yi gi ngoonu" da" khyoo: ri age khyo" tid wa joyoo ajo, loo: sho' apyaid' ngi shi" da" cougmoo" myhi, yi gi lo, doem xo' lho: zookhu: du, yau ziyo' nyangnu" da" e" koin, ikoin deungkhu: ri-yu" nyheung goin, coung: nyid wa ziri ngoo je" vho: nyid.

2 TIMOTHI 1:7

Khaswu" wim gari Mangsoo nyhang" ri byid: to" da" venyi gi ngoonu" ri gyoug voem, nheugloem: byid: to" zi anghoid. Hau" Aseing: da" venyi gi ngoonu" ri yoem: so'- jheddab nheugloem: yo' nyang: nya: da" nheigloem: ri yo" lang" zeung ci: wa da" yoem: vhoo" byeung" loo nhang: nyid.

TITU 2:8

Nang ri thougtheung loo mo, gi ngoonu" ri ce: khyoo: moo we' ce: yooboo we' ashau" shoo: lo: yoomo sho' thu goo" baja" nang gi sube" wigi yooboo foin: zi ashug" loo: sho' deingmain" da" dang: joem yo' jhoug" byid: mhoo, byid: nyid we'.

YAKU 4:17

Hougsu" nghoid yoomo ge da" moozoo" ri ngoonu" se' to" lho: azei: loo" su: gi yooboo dab, nyid.

Pang Shug 21:8

Nghoid loug we' gyoug da" nheigloem: boo mo, aloem" ajeung" mo, anyhoin: athoung" bang:- aved, avhu: youg: shoo: goo: bang:- goem, phain" maintain: khyoug" bang:- soolhoo: ri noku mo, yo' no" zo mhau' fain" da" dang: ri tid mo, dangain" gi houg: bang: da" joyoo gi myi: yo' fang nge" nyid da" myimi: thoem" moo nghoid. Hau" zigieig lheing: ein: da" shid: lo" khyoo: nghoid- ga: tid nyid.