NEHEMIA 5:9 - Lacid Common Language Bible

⁹ Hau: thang: ngoo gi «Nanu" koid nyid zigi shoid da:. Nanu" gi Mangsoo ri phau" myang: lho: jo ziri koid eung: nyid ago". Houg: lang" nanu" gi tungbau byu- ngoonu" da" gyivoo yi wigi ngoonu" ri coem' juang" wa khyo" ce: daja: we' aboo wa.

NEHEMIA 5:9 ပူးပေါင်းရင်းမြစ်များ

APOEM AYANG: 20:11

Abraham doem phug tid zigi «He: joyoo moo Mangsoo ri gyoug phau" myang mo, hang" we' anyid wigi nyangnu" gi ngoo ri said pyam lho: nga" yhoem: seing: myhi' ri seing: yu boem goo" wa nghoid ein: ngoo jho:.

APOEM AYANG: 42:18

Soem" nyid" ein: wa nyid" moo nyangnu" ri Yoseb gi «Ngoo gi Mangsoo ri gyoug phau" nyid su: dayug nghoid wigi ngoo gi nanu" da" kangso' ri dakhyoo" ti" khyam" sa: byid: wa bye:.

2 SAMUELA 12:14

Nghoid loug we' he: moo" zoo" ri koid wigi hau: Aseing ri anoug akhyoid da" moo" zoo" ri koid shug bye: yoomo re" zoo: gi shid: ca" wa zi nghoid» ga: wigi tid da:.

NEHEMIA 4:4

Ngoo gi «O" Mangsoo we"- nyangnu" ngoonu" ri juang" yi nyid ziri shoug" gyoo: byid: la. Nyangnu" juang" zigi nyangnu" da" vhuloem moo gyo" zang" baja". Nyangnu" yo" zi dangain" ri lhoid yu pyam zi shoug" nhang: lho: nyangnu" ri tungbau meing: khyoo: thung: byu khyo" myheig lo" zi shau" boem baja".

NEHEMIA 5:10

Ngoo gi mung" byu yiri ngoo mo ngei yo' gug zoo ri jhid" yu nhang: bye:. Houg: lho: nga" byencang" yi yo' nga" shid re" moo zei: mo, ri we' dayhang: ti" jhid" byid: ago". Akhid" ngoonu" gi ngoonu" doem yo" yu ca" zi dangain" ri to" pyam boem loo: shang.

NEHEMIA 5:15

Nga" shid vhu" moo mung" zoug: koid lid lo da" yugkhang" moo" gi zoo: noem yo' zabyid yhid: shid re" danyid" ri ngei pyi" myid: xi: khyo" koid: zo: wigi mung" byu yiri lid: da" yoovoin voin nhang: to" da:. Nyangnu" da" dei zoo: yi lang" mung" byu yiri doin: zeig zo: ago". Nghoid loug we' ngoo gi houg yo' adu loo: sho' moo" zei: da:. Ciwim gari ngoo gi Mangsoo ri ngi: shab byid: da:.

COUNG" NGHEI 90:11

Yoem moo" so' moo" yo' re" da" nheug khoo" yo: khyoo: ri hang" kham' zo: nyid lha". Re" da" nheug khoo" yo: khyoo" wigi yo" ze" bui" nhang: da" gyoug ci' ge da" khyoo: ri kha: yug se' nyid lha".

DANG: ZHOEM 16:29

Athoug" akhyoug: bang: gi nya: bidnoem yiri mhoug zo: lho: nyangnu" ri byo, yoin" loo" nhang: nyid.

DANG: ZHOEM 17:26

Yooboo ayoo" su: ri youg: khoug zigi ajoo nghoid da byugi yiri yooboo dam, kaid zigi tarha" nyeung veung" khyoo: abui" nhang: loo: nghoid da:.

DANG: ZHOEM 18:5

Tarha" nyeung veung" da" khyoo: moo yooboo ayoo" su: ri soem" loo" nhang: lho: yooboo yoo" su: ri myonhoo: byid: khyoo: gi ajoo nghoid da:.

DANG: ZHOEM 19:2

Lasi, laleug phajhi" aboo loo za: nheigloem: to" zi agi- nheigloem: leung" zigi yau: khe" khyoo: shoug" wa nghoid.

DANG: ZHOEM 24:23

Phajhi" juyhi: boo bang: gi hidsu" ga: we' lhoung tid boem- tarha" agyi phoo gi dashoid shoid khyoo: bo dab, zigi shoid, nyid.

EZEKIEL 36:20

Nyangnu" khakhyoo: yhi: nghoid loug we' nga" da" gyeung" shang: myeing ri ngi: yoem" nhang: ago". Ciwim gari subi" goobang: hid su" ga: tid da:. ‹Hid: bang: gi Aseing da" byumyu" yi nghoid ago"- nghoid loug we' nyangnu" gi nyangnu" da" mougmyid mo phang: yen" ago"› ga: tid boem.

XOIN" NGEI" 25:36

Nyang: ri atu" amyaid asang:. Mangsoo ri phau" myang: tam" gyo: wigi re" da" Israela mang: nhung" phoo ri anam moo: nyid nhang: ca" wa zi nghoid.

ACTS 9:31

Houg: yoomo yuda meing: - Galile meing: yo' Samari meing: goin" jang" mo, phung byu yi gi shen" yhen zi ashug" loo: dayo, daboin: zoo: shau" nyid boem ago". Phung byu yi gi Aseing Yesu ri gyoug phau" nyid boem ziyo' - kangso' dei lho: gyeungshang: da" Venyi wigi, pang" thoug byid: yoomo geung: teung lo wigi phung byu yi gi je" myo: tham: lo nyid boem bye.

Roma 2:24

Jhoem: mungdang: moo tid zi gi - Nghizain byumyu" yi gi Mangso: da" myeing khyang" ri akhyeing" ashoeb' tid nyid boem zi gi nanu" Yuda byu yi yoomo nghoid - ga: tid.

1 TIMOTHI 5:14

Houg: yoomo gyivoo yi gi ngoonu" da" khyoo: ri age khyo" tid wa joyoo ajo, loo: sho' apyaid' ngi shi" da" cougmoo" myhi, yi gi lo, doem xo' lho: zookhu: du, yau ziyo' nyangnu" da" e" koin, ikoin deungkhu: ri-yu" nyheung goin, coung: nyid wa ziri ngoo je" vho: nyid.

1PETERU 2:12

Aseing Yesu ri aloem" jeung"- aloem, khau: mo, gi nanu" ri age da" moo" ri zei: nyid mo, nghoid ga- yooboo foin: nyid uri nanu" koid ge da" moozoo" ri shau" yu" myang wigi Yesu doem gyoo" lo da" bidnyid moo Mangsoo riyo" coung" nghei byid: goo" baja"- nanu" gi nanu" nya: da" shid' khoin" moo ge, lho, da" asam" aved, yo' kang: so dei nyid ge'.

1 SAMUELA 2:24

Nga" zoo: yi we" houg: yhang: te" da" moo" ri to" pyam ge'. Aseing da" byumyu" yi tid yen" boem zigi gyoug pho" da" moo" zoo" joem danghoid nyid da:.