NEHEMIA 5:10 - Lacid Common Language Bible

¹⁰ Ngoo gi mung" byu yiri ngoo mo ngei yo' gug zoo ri jhid" yu nhang: bye:. Houg: lho: nga" byencang" yi yo' nga" shid re" moo zei: mo, ri we' dayhang: ti" jhid" byid: ago". Akhid" ngoonu" gi ngoonu" doem yo" yu ca" zi dangain" ri to" pyam boem loo: shang.

NEHEMIA 5:10 ပူးပေါင်းရင်းမြစ်များ

NEHEMIA 10:32

Ngoonu" yugkhang" moo" gi zain khang" moo" Noku Yhoem: Moo" moo yhung: ca" wa shid re" ngei eig xi: phoin: kaid wa.

NEHEMIA 5:11

Nyangnu" wigi nanu" ri xab ca" da" jhen: ngei nghoid nghoid- gug zoo nghoid nghoid- zabyid nghoid nghoid- zhainloin: xu: nghoid nghoid dangain" ri khyoid byid: pyam loo we'. Houg: lho: nyangnu" da" yoo joem zabyid khyam: joem zhainloin: yoo joem yo' yhoem: joem ri akhid" nyang: nyangnu" ri doem tau" byid: ge'» ein: tid bye:.

NEHEMIA 5:7

Houg: lho: moo" zei: wa myid phyed bye:. Ngoo gi mung" byu yi da" vhujhung: yi yo' gyizoug: yiri ngeug thug pyam lho: nyangnu" ri «Nanu" gi nanu" da" mang: nhung" yiri doin: zeig zo: nyid ago"» ein: tid bye:. Ngoo gi hau: yau: khi" ri zei: wa shid re" mung" byu yiri khe: zheing" lho:

NEHEMIA 5:9

Hau: thang: ngoo gi «Nanu" koid nyid zigi shoid da:. Nanu" gi Mangsoo ri phau" myang: lho: jo ziri koid eung: nyid ago". Houg: lang" nanu" gi tungbau byu- ngoonu" da" gyivoo yi wigi ngoonu" ri coem' juang" wa khyo" ce: daja: we' aboo wa.

COUNG" NGHEI 15:5

Nyang: gi atu" amyaid ri ayu" loo: za: nya: ngei ri jhed" nghoo" byid: se' lho: nyang: gi khougvhoid yu lho: ce: yooboo ayoo" mo, ri noo nhang: wa shid re" thang" cab abo kham. Hid: yhang: te" da" moo" zei: bang: gi khanham ce: gyi we' athoung" shoug" loo za: myen myen, shoug" nyid boem wa nghoid.

ESAIA 58:6

«Ngoo vho: da" zoo: shug jang" khyoo: gi hid: su" nghoid. Doin: zeig too" shau" bang: da" jangcoo" joem ri yo' tarha" adeingmain" da" kyoug: ri khyoid pyam' byid: wigi doin: zeig too" shau" bang: ri pyoin' kaid khyoo:.

EZEKIEL 18:13

Houg: lho: nyang: gi atu" amyaid yoo" wa shid re" ngei jhid" byid: da:. Nyang: yo" dei nyid wa la". Nyang: yo" dei nyid wa zi anghoid. Nyang: gi he: aco' ajhoid da" moo" dangain" ri koid bye: yoomo shid: wa. Nya: yooboo shid re" nyang: shid: ca" wa.

EZEKIEL 18:7

Nyang: gi hang" ri we' amhoug zoo: alhoid zoo:- ngei jhid" yu su: kookham: kham: to" da" ziri we' doem tau" byid: da:. Nyang: gi zoo: yoid bang: ri byid: zho" da:. Gung cen: nyid bang: ri byimi byid: foid da:.

EZEKIEL 18:8

Nyang: gi atu" amyaid shid re" ngei ri ajhid" byid:. Nyang: gi akhyeing" moo" koid wa ziri he: pyam lho: cite" myeing" myoo: go" jang" moo nghoid loug goolhoo' za: dang: phyed byid: da:.

MIKHA 2:1

Yhoeb yoo tho' moo jhang" jo, wigi akhyeung" da" moo" ri soin' nyid mo, shid re" khayhi' gyoug pho" zi nghoid nyid la". Myo, myang loo lang" nyangnu" gi ayo, agoo, gi yoo" yo' nyangnu" soin' to" da" akhyeing" ashoeb moo" ri zei: lo" ago".

2~KORINTHU 5:11

Ngoonu" gi hau: Aseing: ri gyoug phau" ein: zigi ce: noem nghoid ziri se' boem yoomo byu gootu: bang" ri yo" mhoid" yu wa shid' re" yoem: kaid thoug shang" nyid boem. Mangsoo gi ngoonu" da" khyoo: ri jid" jid" nug nug se' nyid. Nanu" we' nanu" nya: da" nheigloem: khoug: moo nga" da" khyoo: ri goo" lhoo: se' nyid boem bye: ein: wigi ngoo nheig byu nyid.

2~KORINTHU 5:20

Houg: su" nghoid yoomo ngoonu" gi Khristu da" khyoo: tid led: loo bye: da:- Lagyoo: yi nghoid wigi Mangsoo nyang ngoonu" da" nhoid khoin" thui: khyo"-nanu" ri khe: lhoung nyid zi nghoid lho: Mangsoo gi nanu" nya: gyivoo yi bue" nyid jang" mo nya: da" bidnoem yi bue" loo nhang: baja" ga: Khristu da" gungxung ngoonu" mho' sang: nyid boem.

2~KORINTHU 6:1

Nanu" gi Mangsoo da" jeju" yo" kham: yu mo, nghoid ziyo' dakhyoo" ti"- hau: jeju" ri amyib afoo" akoid pyam baja"- ngoonu" gi Mangso da" moozoo" bo pang" zei nyid mo, khyo" wigi nanu" ri mho' sang kaid zi nghoid.

TARHA" TID POIN" 15:2

He: ziri hid: su" koid ge'. Israela mang: nhung" pho ri ngei jhid" byid: da" yugkhang" moo" gi hau: jhen: ri khoid pyam byid: wa nghoid da:. Nyang: gi ngei ri doem sang: zheing" yu wa khyo" age soin' nghoid da:. Aseing nyang: hau: jhen: ri khyoid byid: bye: ga: tid fu" bye:.