NEHEMIA 3:16 - Lacid Common Language Bible

¹⁶ Azbug da" yuggi zoo: Bethzura mung" du ri vhoebkhang" da" Nehemia gi David loeb- gyid thoem"- yo' gyi zung joem ju" sho' zhug da:.

NEHEMIA 3:16 ပူးပေါင်းရင်းမြစ်များ

2 KHOKHAM 20:20

Khokham Hezekia koid da" gootu: moo" ja: khang" moo"- nya: sarhi' moo"- gyid yung: thoem" koid khyoo:- voomoo" khyoo: gyid she: zei da" gyid khyung: du: khyoo: dangain" ri Yuda khokham yi da" mhoomyid shen" dam pug moo lhid" xoem" to" ago".

1 KHOKHAM MHOOMYID: 2:45

Shemai gi Maon da" nya: phoo- Maon gi Bethzura da" nya: phoo nghoid da:.

2 KHOKHAM MHOOMYID: 11:7

Betzura- Sokho- Adulam-

2 KHOKHAM MHOOMYID: 16:14

David voomoo" moo nyang: nya: shid re" nyang: kyung" to" da" lug khyung: loeb moo myhoeb pyam ago". Nyangnu" gi myhoeb shoung: wa shid re" nya: manggung ri shoem: nam pyoo: cid" yo' shoem: nam pyo: xu: joem ri ci: ago". Nyangnu" gi nyang: shid: jang" moo koug ngoug wa shid re" myikhyoem' moo" koid ago".

NEHEMIA 2:14

Hau: thang: voomoo" da" bidthu shoid khyo" moug zhung: shoid gyid thu khoem" moo" yo' khokham da" gyid thoem" khyoo: ju" khoo' bye:. Ngoo zhung: da" loo zei: gi khyoo: amyang yoomo byo, yoin" jo, da" zhoothung" boem khyo" so" lid: lo" da:.

NEHEMIA 3:12

Halohesha da" yuggi zoo: Shalum ga: da" Yerusalem gootu: dakhyam" ri vhoeb su: gi hau: thang: mo du ri xo' zhug da:. (Nya: myiyi: zoo: yigi nyang: ri hau: moo" moo bo pang" da:.)

NEHEMIA 3:14

Rekhab da" yuggi zoo: Malkhiya ga: da" Bed Hakherem mung" du mo vhoebkhang" su: gi mhoid soid khoem" moo" ri doem zhug da:. Nyang: gi khoem" moo" joem ri nyang: nya: joyoo moo tab to" lho: khoem" moo" ri kyang jhid wa shid re" khoem" kyang yo' seig khyung" joem ri tab to" da:.

NEHEMIA 3:17

Vhoo: moo myeing bo da" Levi yigi hau: thang: mo vang joem ri xo' zhug ago". Bani nya: yuggi zoo: Rehum gi hau: thang: moo xo' da" du ri zhug da:. Keila mung" du agung dayi" ri vhoeb da" Hoshabia gi nya: mung" du da" gungthid khyo" hau: thang: mo du ri xo' zhug da:.

NEHEMIA 3:9

Hura da" yuggi zoo: Yerusalem ri agung kho' vhoeb da" Rephaia gi hau: thang: mo du ri xo' zhug da:.

PHAJHI" DANG: 2:6

Ngoo gi houg: joem ri gyid byid: wa shid re" gyid thoem" joem du: bye:.

SHOLUMON JIKHOIN" 3:7

Sholumon gi nya: zhungtang moo zhoung: wigi dang lo nyid ago". Israela mung" mo reung: thang da" gyizoo: yi nghoid da" kangso' zung" bang: khyug xi: yug we' bo da:.

ESAIA 22:11

gyid thoem" xoug" mo yau gyo" lo da" gyid ri teing too" wa gyid thoem" daloem: ri voomoo" akhoug: shoid moo nanu" koid ago". Nghoid loug we' he: gu: dangain" ri goonham' mo soin tu' to" da" su:- hau: ziri bui" nhang: da" su: Mangsoo ri nyeing" atam" gyoo: nghoid ago".

ESAIA 22:9

Yerusalem vang joem moo so' koid yu ca" da" joyoo joem ri nanu" shau" myang loo goo" wa. Nanu" gi Yerusalem mo yhoem: joem ri ca: yu" lho: voomoo" vang khyam: so' koid wa lug boem joem yoo" wa shid re" dayham" ri phyo' khyo' pyam ago". Gyid yung: too" wa shid re"

ESAIA 7:3

Aseing gi Esaia ri «Re" yuggi zoo: Sheara Yashub ri shu" wigi khokham Ahaza ri yhe: shoug" we'. Nang gi nyang: ri atho' gyid thung" mo gyid she: yu da" gyid khyoo: thang: joyoo- byimi cid" mo, moo" zei: da" khyoogung moo yhe: shoug" goo" wa.

ACTS 2:29

Nga" mang: nhung" yi we' subi" fu" yen da" ngoonu" nya: phoug"- David khokham" da" khyoo: ri Nanu" ri bang bang za: tid kyoo" wa. Nyang: gi shid: lo" lho: nyang: ri myhoeb shoung: pyam abye: go- nya: da" loeb gi akhid" nyid ju" sho' hid: ngoonu" da" shid' khoin" moo jo, jo.

YOSHU 15:58

Hahula- Bethzura- Gedora-