NEHEMIA 3:15 - Lacid Common Language Bible

¹⁵ Kohoze da" yuggi zoo: Shalum ga: da" Mizpa mung" du ri vhoebkhang" su: gi gyid thu khoem" moo" ri doem xo' zhug da:. Nyang: gi khoem" moo" duang dangain" ri bo zhug wigi khoem" moo" joem ri nyang: nya: joyoo moo tab to" lho: khoem" kyang yo' seig khyung" joem ri tab to" da:. Nyang: gi Shela gyid thoem" mo David da" voomoo" mo gyo" lo da" zoem" lhang: ju" sho' khokham khyam: yo' tab jo, da" gu: ri doem zhug da:.

NEHEMIA 3:15 ပူးပေါင်းရင်းမြစ်များ

2 SAMUELA 5:9

Hau: gyidab ri bain phyo' oung: pyam thang: ri David hougmoo: nyid wigi hau: ziri «David voomoo"» ga: myheing ago". Nyang: gi hau: voomoo" lheing khab' yo' bouggung da" bidthu shoid damung" goin" moo voomoo" de: shid" lo" nyid bye: zi nghoid.

2 KHOKHAM 25:4

Voomoo" vang joem we' phyo' pyam ago". Hau: voomoo" ri Babelon byu yi lheing khoem to" boem nghoid loug we' gyizoo: yi dangain" gi myen" ri phang: loid byug ago". Nyangnu" gi khokham kho" bain: khyam: khyo" thu lo" lho: vang eig loem: xo' da" khoem" duang: khyo" thu lo" wigi Yodan janggyoin: khyoo: pang: yhe: lo" ago".

2 KHOKHAM MHOOMYID: 32:30

Gihon gyid bug yau nyid ziri toem' pyam lho: gyid ri myid khoug: gyid khyoo" khyo" Yerusalem vang akhoug: khyoo: pe' nhang: kaid su: gi khokham Hezekia nghoid da:. Hezekia gi nyang: koid da" ja: khang" moo" moo oung: doid da:.

NEHEMIA 12:37

Nyangnu" gi gyidbug khoem" moo" mo zi David da" voomoo" khyoo: do, lo" da" zoem" lhang: khyo" so" do, lo" lho: David da" khokham kho" ri lid too" kho' ago". Houg: lho: voomoo" da" bidthu shoid gyid khoem" moo" khyoo: doem tau" lo" ago".

NEHEMIA 2:14

Hau: thang: voomoo" da" bidthu shoid khyo" moug zhung: shoid gyid thu khoem" moo" yo' khokham da" gyid thoem" khyoo: ju" khoo' bye:. Ngoo zhung: da" loo zei: gi khyoo: amyang yoomo byo, yoin" jo, da" zhoothung" boem khyo" so" lid: lo" da:.

NEHEMIA 2:17

Nghoid loug we' akhid" koem' gi ngo wigi nyangnu" ri «Yerusalem byo, yoin" jo, lho: hau: da" voomoo" khoem" joem gi phyo' shoin' pyam zi shoug" yoomo ngoonu" khasu" yau: khi" loem zo: nyid ziri yu" ge'. voomoo" vang khyam: joem ri doem so' zhug lho: ngoonu" da" ngi: yoem" khyoo: ri thang nhang: loo: goo" shang» ein: tid bye:.

NEHEMIA 3:12

Halohesha da" yuggi zoo: Shalum ga: da" Yerusalem gootu: dakhyam" ri vhoeb su: gi hau: thang: mo du ri xo' zhug da:. (Nya: myiyi: zoo: yigi nyang: ri hau: moo" moo bo pang" da:.)

NEHEMIA 3:14

Rekhab da" yuggi zoo: Malkhiya ga: da" Bed Hakherem mung" du mo vhoebkhang" su: gi mhoid soid khoem" moo" ri doem zhug da:. Nyang: gi khoem" moo" joem ri nyang: nya: joyoo moo tab to" lho: khoem" moo" ri kyang jhid wa shid re" khoem" kyang yo' seig khyung" joem ri tab to" da:.

NEHEMIA 3:19

Yeshua da" yuggi zoo: Ezera ga: da" Mizpa ri vhoeb su: gi gyi zi to" da" joyoo shidkhoin" gu: vang lo" guid" da" joyoo moo ju" sho' gu: ri xo' zhug da:.

NEHEMIA 3:7

Gibeon mo Melatia- Meronod mo Yadon yo' Gibeon yo' Mizpa mo byu yigi Uphrad bidvang shoid mung" zoug: nyid da" yhoem: ju" sho' xo' deing jo, da" gu: ri zhug ago".

NEHEMIA 3:9

Hura da" yuggi zoo: Yerusalem ri agung kho' vhoeb da" Rephaia gi hau: thang: mo du ri xo' zhug da:.

PHAJHI" DANG: 2:6

Ngoo gi houg: joem ri gyid byid: wa shid re" gyid thoem" joem du: bye:.

ESAIA 8:6

Nyang: gi «Ciwim gari he: byu yigi Shilo gyid zoo: gyung: mo myenjham" da" gyid ri ngeug pyam lho: khokham Rezin yo' khokham Peka tang: shidkhoin" moo: nang nhe" pyam abye: go".

YEREMIA 40:6

Ngoo gi Mizpa mo Gedalia yo' dage" hau: mungdain: moo nyid deing jo, boem da" byumyu" yi phung: moo nyid wa shid re" yhe: loo" bye:.

LUKA 13:4

Siloam voo mo do, pyu zung- byo gyo" lho: wigi nhe, said pyam da" byu daxe: shed' youg bang: gi gootu: da" Yerusalem voo byu yi tho' moo yooboo je yoo" mo, nghoid ein: nanu" myid go" la".

YOHAN 9:7

Loo" we' Silon gyid thoem" moo myo, lo" cid" we' ga: tid kaid. (Silon ga: dangkang: gi nhang: kaid shau" bye: ga: zi nghoid.) Hau: yug we' lo" wigi myo, lo" cid" lho: myo, myang lo ziyo' doem tau" lo.

TARHA" AGYI 20:1

Mougzhung: shoid Dan mo mougpyi: shoid Berasheba mo Israela byu yi dangain"- bidthu shoid Gilead mung" mo bang: dangain" gi khi: thui: ri tau' yu ago". Nyangnu" gi Mizpa joyoo mo Aseing shidkhoin" moo daphung: kyeing" koid wigi zeing: foem: nyid boem ago".

TARHA" AGYI 20:3

Hau: ayo, moo Benyamin kung: bang: gi Mizpa joyoo moo Israela byumyu" dangain" mo, zeing: foem: nyid boem thui: ri shau" gyo: ago". Israela byumyu" yigi «He: youg: moo" khasu" bue" ziri ngoonu" ri tid kyoo" ge» ga: myid: ago".