NEHEMIA 2:8 - Lacid Common Language Bible

⁸ Ngoo gi Noku Yhoem: Moo" lhoug zung" mo, nyid wa gyikhoug: zung khoem" moo" joem koid wa shid re" we' voomoo" vang joem koid wa shid re" we' houg: lho: ngoo nyid wa yhoem: shid re" we' seig voo: pang" thoug byid: wa akhang" ri khokham da" seig moo" yoo lhoug zung" su: Asab mo yo" yu wa mougsoug" dakhyab ri mho' yu bye:. Mangsoo gi ngoo yo' dage" nghoid lho: khosen phoo gi ngoo mho' zi dangain" ngoo ri byid: da:.

NEHEMIA 2:8 ပူးပေါင်းရင်းမြစ်များ

APOEM AYANG: 32:28

Yuggi phoo gi «Re" myeing Yaku anghoid loo wa. Nang gi Mangsoo yo' we' byu yo' we' thougtheung loo bye: wigi nang oung: abye:. Houg: yoomo re" myeing gi Israela nghoid bye:» ga: tid.

EZRA 5:5

Nghoid loug we' Mangsoo gi Yuda vhujhung: yiri zung" yu" nyid wigi nyangnu" Dari jhang khyoo: mougsoug" yo" lhid" kaid ziyo' doem phug lhid" kaid mougsoug" ayo" yu yu gi Persi moo" voin bang: gi nyangnu" ri ayhen: yu wa ga: myid phyed pyam ago".

EZRA 6:22

Nyangnu" nyhed nyid" nyang: gau gau yi yi doocid" abo da" zooyho' zoo: pui" koid ago". Nyangnu" gi ngei pyo: zi shoug" bye:. Ciwim gari Israela byumyu" yi da" Noku Yhoem: Moo" ri koid da" nyangnu" moo" zoo" moo Asuri khosen bo pang" wa shid re" Aseing gi nya: nheigloem: moo nyangnu" ri pang" thoug nau wa da" myid kaid byid: yoomo nghoid.

EZRA 6:8

Hougsu" wigi nyangnu" gi Noku Yhoem: Moo" koid nyid jang" moo bo pang" ge' ein: ngoo nanu" ri amyeing" byid: nau zi nghoid. Nyangnu" moo" agyo wa shid re" ci: yhung: ca" zi dangain" ri Uphrad gyid lang bidvang shoid mo yo" koid: yu da" khokham gam" boem" mo myab myab byid: wa zi nghoid.

EZRA 7:6

Ezra gi Israela byumyu" yi da" Aseing Mangsoo Moshe ri byid: da" joeb byeung" lasi laleug da" tarha" phajhi" seing: dayug nghoid nyid da:. Ciwim ga: ri Ezra gi Aseing Mangsoo da" mainkaid jeju" ri shoug" yu ziyo' nya: mho' gu: dangain" ziri khokham gi nyang: ri byid: da:. Artaxaxe khokham koid zi nyhed zain ein: zain ri Ezra gi Babelon mung" mo Yerusalem khyoo: Israela byumyu" daphung: we' khainjung yi we' Levi yi we' Noku Yhoem: Moo" mo music phung: we' Noku Yhoem: Moo" zung" mo, we' moo" zei: mo, we' shu" wigi thu loo bye: zi nghoid.

NEHEMIA 7:2

Ngoo gi Yerusalem ri vhoeb wa shid re" byu eig yug ri khyen: too" bye:. Nya: eig yug gi nga" nhung" Hanani yo' gyigoo zung: vhoeb da" zoug: Hanania tang: nghoid ago". Hanania gi loem ge" da" byu nghoid lho: Mangsoo ri gyoug phoug" da" yug- hang" yo' we' ayo" tu' sho' ge yug nghoid da:.

DANG: ZHOEM 21:1

Aseing gi gyid lang ri khang" nyid ziyo' dakhyoo" ti" khokham nheigloem: ri we' lei lei, za: khang" byid: nyid.

PHAJHI" DANG: 2:5

Ngoo gi khyam: moo agam aja: ja: yo' dage" shigam joem ri sho" too" bye:.

PHAJHI" DANG: 2:6

Ngoo gi houg: joem ri gyid byid: wa shid re" gyid thoem" joem du: bye:.

ESAIA 66:14

Hid su" bue" ziri nang myang lang" nang ngei bu loo wa. Hau: zigi nang ri yoem: boo nhang: wigi yang" zain: nhang: wa. Houg: lang" ngoo Aseing gi nga" tid dang: gyoo: byid: bang: ri pang" thoug byid: yug nghoid wigi nga" gyivoo yiri nga" nheig yo: thougtheung zi ci: shug byid: su: nghoid ziri nanu" se' loo goo" wa» ga: tid.

DANIELA 1:9

Houg: lho: Mangsoo gi Daniela ri nheig myid: wa myid Ashapena ri kaid byid: da:.

ACTS 26:22

Nghoid loug we' akhid" nyid" ju" sho' Mangsoo gi ngoori pang" thung byid: nyid yoomo hid: moo yab, jo, lho: - gyi: su: ngisu: a ein: loo: yug khang" moo" ri sagsi: yo" kham, byid: nyid zi nghoid.

ACTS 7:10

Nghoid loug we' Mangsoo gi nyang: yo' dage" nghoid nyid yoomo nyang: ri yau: khe" jamjau dangain" jang" mo loid loo" nhang: bye. Mangsoo gi Yoseb ri Egu tu khokham" da" shid khoin" moo yu" jhed' yu" kang: da" nyid yab, khyoo: nyheing byid: ziyo' - lasi, phajhi" byid: wigi Egutu khokham" gi Yoseb ri Mungdain goin" da" atho' moo we' khokham" khoo" dangain" jang" moo we' - Vhoeb, khang" nhang: too" bye.

2~KORINTHU 8:16

Nanu" ri pang" thoug byid: wa shid re" ngoonu" moo nheigloem: to' vho: ngei nyid ziyo' dakhyoo" ti"- Titu ri we' boo nhang: da" Mangso jeju" ri khayhi' coung" nghei, joyoo nghoid lha".