NEHEMIA 2:7 - Lacid Common Language Bible

⁷ Hau: thang: ngoo gi Uphrad bidvang shoid mung" mo mung" zoug: yiri Yuda mung" khyoo: ngoo gyung: yo" so" lid: loo" nhang: wa shid re" tid kyo" da" mougsoug" byid: la ein: nyang: ri mho' da:.

NEHEMIA 2:7 ပူးပေါင်းရင်းမြစ်များ

EZRA 6:6

Hau: thang: khokham Dari doem tau" foin: kaid zigi Uphrad gyid lang bidvang shoid mo mung" gyi Tateni yo' Shetha Bozenai Uphrad gyid lang bidvang shoid mo nanu" moo" voin byencang" yi jhang khyoo: pyeing: dang: foin: kaid.

EZRA 7:21

«Ngoo gi Uphrad gyid lang bidvang shoid mo mung" du khoug: moo nyid da" jonu" jhi: moo moo" zei: bang: ri mougkhung: mungdain: mo Mangso da" tarha" ri jhoug" yu nyid da" khainjung Ezra shid re" ci: nghoid nghoid nyang: tid lo ziyo' dayhang: ti"

EZRA 8:22

Ngoo gi khokham ri nyha" da" Mangsoo gi nyang: ri loem jeing" bang: atho' moo gi angei apyo: ziyo' dam byid: zi nghoid ein: tid too" yoomo nyha" gyung: khyoo: moo gyivoo joem lo, mo nyhang" ri lhoug zung" wa shid re" myang: gyiphung: khokham jang" mo mho' wa ziri ngoo sho' nyid.

EZRA 8:36

Nyangnu" gi khosen phoo nyangnu" ri byid: kaid da" sagse: dang: jhug mougsoug" ri Uphrad bidvang shoid mung" du mo mung" gyi yo' moo" voin bang: ri byid: wigi nyangnu" gi hau: byumyu" joem yo' Noku Yhoem: Moo" ri we' pang" thoug bye:.

NEHEMIA 2:9

Khokham phoo gi gyizoug: dayham" yo' myang: jui: da" gyizoo: daphung: ri ngoo yo' dage" nhang: kaid byid: da:. Houg: yoomo ngoo gi Uphrad bidvang shoid khyoo: gyung: so" to' loo" bye:. Houg moo ngoo gi mung" zoug: yiri khosen pho da" mougsoug" byid: bye:.

NEHEMIA 3:7

Gibeon mo Melatia- Meronod mo Yadon yo' Gibeon yo' Mizpa mo byu yigi Uphrad bidvang shoid mung" zoug: nyid da" yhoem: ju" sho' xo' deing jo, da" gu: ri zhug ago".