NEHEMIA 2:20 - Lacid Common Language Bible

²⁰ Ngoo gi «Mougkhung: mo Mangsoo gi ngoonu" ri oung: doid khyoo: byid: wa. Ngoonu" gi nya: da" dei zoo: yi nghoid. Ngoonu" gi yhoem: zhug shid" lo" nyid bye:. Nghoid loug we' nanu" yo' Yerusalem mo jonu" ce: daloem: yo' we' abo soin: nghoid ago". Houg: lho: nanu" gi houg mo thung" ri: daja: ri we' abo yo" seing: goo" wa» ein: tid bye:.

NEHEMIA 2:20 ပူးပေါင်းရင်းမြစ်များ

2 KHOKHAM MHOOMYID: 26:5

Nya: laloem lakhoug: moo phajhi" byid: su: Zekharia dei nyid myhang nyang: gi Aseing ri jhug zug tung" dei byid: wigi Mangsoo gi nyang: ri mainkaid byid: da:.

EZRA 4:3

Zerubabela Yoshua yo' akung: ako' vhujhung: yigi nyangnu" ri «Ngoonu" Aseing Mangso da" Noku Yhoem: Moo" koid wa shid re" nanu" bo pang" wa ziri ngoonu" avoo:. Persi khosen Kuru ngoonu" ri amyeing" byid: ziyo' dakhyoo" ti" he: ziri ngoonu" nyang: ngoonu" koid wa nghoid» ga: doem tid bye:.

NEHEMIA 1:4

He: gu: dangain" ri ngoo shoug" gyoo: lang" ngoo gi gyo" zhung: lho: ngoug bye:. Bidnyid myoo" sho' ngoo koug ngau lho: zoo: noem azoo:. Ngoo gi Mangso jhang

NEHEMIA 2:4

Khokham phoo gi «Nang vho: zi ci: nghoid la"» ga: myid: boem. Ngoo gi mougkhung: mo Mangso jhang akyu" mho' lho:

ESTHA 4:11

«Yuggi dayug yug anghoid lang" myiyi: dayug yug gi khokham pho wigi akhi: loo: nya: shidkhoin" khyoo: vang yhe: nghoid rigi shid: ca" da:. He: zigi tarha" nghoid. Khokham pho da" phajhi" byid: mo, mo wigi mung" du joem moo nyid da" byu yugkhang" moo" hau: ziri se' ago". Nghoid loug we' khokham pho wigi dayug yug ri nya: sheing: lhamdung: tu: yhoin" byid: nghoid rigi hau: yug da" kangso' yo" loid da:. Khokham pho wigi ngoo ri akhe: zi we' lhammoo" dakhyab myang" byug bye:» ga: kyo" kaid.

COUNG" NGHEI 102:17

Nyang: gi she: pyam, to" zi shoug" nyid da- nya: mung" byu yi da" thui: ri shau" gyo: ziyo' Nyangnu" da" akyu" mho' thui: ri gyoo: byid: wa zi nghoid.

COUNG" NGHEI 122:6

Yerusalem da" myenjham" khyo: shid re" akyu" mho' we'. Nang ri jheddab mo, nyid gi nyid di goo" baja".

COUNG" NGHEI 20:5

Re" da" oung: doid lo" khyo: shid re" ngoonu" bo shoug" nyho: gau yi lho: ngoonu" da" Mangsoo ri coung" nghei byid: khyo" re" da" oung: doid lo" pui" ri koid wa. Aseing gi re" da" mho' sang: khyoo: dangain" ri tu" byid: baja".

COUNG" NGHEI 35:27

«Aseing gi khayhi' gyi: myhang: lha". Nyang: gi nya: deizoo: oung: doid lo" khyoo: moo nheugshid: nheugdeug nyid» ga: wigi nga" tho' moo: yooboo adab da" khyoo: ri myang noug mo, gi gau, yi tung" nyho: yoid lho: poug lho: poug lho: tid nyid goo" baja".

COUNG" NGHEI 51:18

Mangsoo we"- Ziun ri nheug khyeug lho: wigi nyang: ri pang" thoug byid: we'. Yerusalem da" vang khyam: joem ri doem tu: zhoug too" we'.

THU' LO" MOUGSOUG" 28:29

«Ngoo Aseing gi nga" byumyu" yiri khanham we' boin: nyid baja" Arun gi gyeung" shang: joyoo khyoo: vang lo" uri nyang: gi Israela akung: yi da" myeing ri thuang" lhid" to" da" yanggang nghoeb ri void ci: wa zi nghoid.

PHAJHI" DANG: 7:18

Sung xo: zi eig shoid goin" ziri jang" pyam we'. Nang gi Mangsoo ri gyoug phoug" myid bo nghoid rigi khasu" nghoid loug we' nang oung: doid wa.

ESAIA 56:5

re" myeing gi nga" Noku Yhoem: Moo" moo xoem" to" zi shau" wigi nang gi yuggi zoo: myiyi: zoo: yi yo" da" tho' nga" byu yi phung: moo je myang" nyid wa. Nang gi to" myhid pyam zi khanham we' ashau" wa» ga: tid da:.

XOIN" NGEI" 2:2

Houg: lho: hau: ziri Arun kung mo khainjung yi jhang khyoo: ci: yhe: ca". Xoin" ngei" da" khainjung phoo gi cen: moin" dazhoeb yo' xu: we' nam pyo: ja: dangain ri we' yu wigi Aseing ri ngei" byid: da" asoo" khyo" phoin: tho' moo: hau: ziri nghe' ngei" wa zi nghoid. He: xoin" da" shoem: gi Aseing ri ngei bu: nhang: wa zi nghoid.

XOIN" NGEI" 24:7

Aseing ri shugbyid: da" zoo: noem xoin" zooyho' gungthid khyo" hau: zooyho' eig jen goin" moo nam pyo: da" ayeing dajhi ri foid gyoin: wa zi nghoid.

ZEKHARIA 6:14

Hau: bidmug gi Aseing da" younglho' yhoem: khoug: moo Hedai- Tobiya- Yedaia yo' Yoshia shid re" phoug" tab ngi: byid: da" Aseing yhoem: moo" khoug: mo myid boin: laxoem" sagse: bue" jo, wa zi nghoid.

GYUNG: SOO" 10:10

Ngei pyo: da" ayo, nghoid da" lhammoo" xain" pui" yo' nanu" da" gootu: Noku thung" pui" joem moo: nanu" da" nghe' ngei" xoin" yo' zoem" khoug: xoin" shugbyid: uri hau: laboo" ri nanu" moid wa zi nghoid. Hau: thang: nanu" ri ngoo pang" thoug yu wa. Ngoo gi nanu" da" Aseing Mangsoo nghoid.

ACTS 10:31

Koneli we" re" da" akyu" mho' thui: ri Mangsoo shau" gyo: abye:- Re" da" khoug: loem, alu: gam, byid: da" khyoo: ri we' - myang abye:.

ACTS 10:4

Nyang: gi gyoug ziyo' Mouglagyoo: ri yu" zhug to" lho: «Aseing: we" ce: noem lha"» ga: myed: Mouglagyoo: nyang: ri «Mangsoo gi re" da" akyu" mho' thui: yo' re" alu jhung: shug ri, , ngei yoomo tu" byid: wa zi jen" jen" nghoid bye-

ACTS 8:21

Re" da" nheigloem: gi Mangso shid khoin" moo adain: yoomo ngoonu" da" moozoo" moo ayo" bo zei: nghoid da.