NEHEMIA 2:13 - Lacid Common Language Bible

¹³ Bidvang shoid langkhung" khoem" moo" khyo" ngoo voomoo" mo thu lo" lho: mougpyi: shoid Mainjung: gyid thu khyo" mhoid soid khoem" moo" khyoo: yhe: lo" da" uri myen" ayo, danghoid ashi". Ngoo yhe: lo" zoo" ri byo, yoin" jo, da" voomoo" vang joem yo' myi: wigi nghe' phyo' pyam to" da" khoem" moo" joem ri joeb ca: yu" khoo' bye:.

NEHEMIA 2:13 ပူးပေါင်းရင်းမြစ်များ

2 KHOKHAM MHOOMYID: 26:9

Uzia gi Yerusalem voomoo" ri ajhoin: khoem" moo"- lang: khung" khoem" moo" yo' vang ajhoin: cang pyuzung joem ri koid da" khyo" wigi gyidab yoem: je boo nhang: da:.

NEHEMIA 1:3

Nyangnu" gi ashid: loo: nyid deing lho: moug: xoug" khyoo: doem lo" ju" nyid bang: gi gye" nyid yau: boem ziyo' aqei: ayam moo nyid da" tungbau byumyu" yigi nyangnu" ri yu" nge nyid boem da" khyoo: ngoo ri tid kyo" ago". Nyangnu" gi ngoo ri Yerusalem voomoo" vang joem byo, yoin" jo, shi" ziyo' voomoo" khoem" moo" joem gi nghe' pyam da" ayo, mo akhid" nyid" ju" sho' adoem so' koid shi" ziri tid kyo" ago".

NEHEMIA 12:31

Ngoo gi Yuda vhujhung: yiri vang atho' moo zheing" nyhid: to" lho: byu phung: moo" eig phung: voomoo" ri lheing wigi Mangsoo ri jeju" coung" byid: jang" moo koem" yu" nhang: too" bye:. Xang: shi" phung: bang: gi vang atho' khyo" lo, yo shoid khyoo: mhoid soid khoem" moo" ju" sho' so" lheing lo" ago".

NEHEMIA 2:12

Yerusalem shid re" ngoo ri Mangso wigi cikoid nhang: yoomo nheigloem: ri nhau" to' kaid byid: ziri hang" ri we' ngoo atid kyoo". Hau: thang: gam gung ri ngoo yhoeb to' wigi nga" byencang" dayham" ri shu" lho: thu yhe: loo" bye:. Ngoonu" ci: yhe: da" gougnyhoug gi ngoo zhung: da" loo zei: za: danghoid.

NEHEMIA 2:15

Houg: yoomo ngoo gi Kidron lang khung" khyoo: gyoo" yhe: lho: myang: jui: so" lo" zoo" ri vang khyam: joem ri yu" khoo' bye:. Hau: thang: ngoo re" lo da" khyoo: khyo" doem tau" lo wigi langkhung" khoem" moo" khyo" voomoo" khoug: khyoo: doem tau" loo bye:.

NEHEMIA 2:17

Nghoid loug we' akhid" koem' gi ngo wigi nyangnu" ri «Yerusalem byo, yoin" jo, lho: hau: da" voomoo" khoem" joem gi phyo' shoin' pyam zi shoug" yoomo ngoonu" khasu" yau: khi" loem zo: nyid ziri yu" ge'. voomoo" vang khyam: joem ri doem so' zhug lho: ngoonu" da" ngi: yoem" khyoo: ri thang nhang: loo: goo" shang» ein: tid bye:.

NEHEMIA 2:3

Houg: lho: ngoo gi «Aseing khokham apyaid atoo: moo kang: sheing: nyid baja" o". Nga" phoug" phyid" yiri myhoeb to" da" voomoo" gi byo, yoin" boem khoug: moo nhe' boem" jo, wigi hau: voomoo" khoem" joem we' myi wigi nghe' pyam zi shoug" uri ngoo myo nhoo: byo, nheig akug khasu" yo" koid wa» ein: phug tid bye:.

YEREMIA 5:10

Ngoo gi gyivoo yiri nhang: kaid wigi nga" byumyu" yi da" zabyid yoo joem ri zain: pyam nhang: wa. Nghoid loug we' nyangnu" ri bain sho' gi aphyo' shoin' nhang: wa. Ngoo gi nyangnu" ri akung: joem cu: pyam wa shid re" tid wa. Ciwim gari hau: akung: joem gi nga" re" anghoid nghoid da:.