NEHEMIA 2:10 - Lacid Common Language Bible

¹⁰ Nghoid loug we' Bed Horon mo Sanbalad yo' Amon moug: mo moo" voin ludaid Tobia gi Israela byumyu" yi shid re" gi koid wa byu dayug ju" re" ziri shoug" gyoo: lang" gye" nheigloem: gyo: lung nyid ago".

NEHEMIA 2:10 ပူးပေါင်းရင်းမြစ်များ

NEHEMIA 13:1

Mung" byu yiri thui: zeing khyo" Moshe da" tarha" ri nghab kyo" uri nyangnu" gi Amon byumyu" nghoid nghoid Moba byumyu" nghoid nghoid hang" dayug we' Mangso da" byumyu" yi khoug: khyoo: ayo" vang yhi wa ga: da" du moo nghab ju" lo ago".

NEHEMIA 13:28

Yoiada gi khainjung moo" Eliashab da" yuggi zoo: nghoid da:. Nghoid loug we' Yoiada da" yuggi zoo: yi mo dayug gi Bed Horon voogung mo Sanbalad da" myiyi: zoo: ri lo, xo' yu da:. Houg: yoomo ngoo gi Yoiada ri Yerusalem mo phang: thu loo" nhang: bye:.

NEHEMIA 13:4

Noku Yhoem: Moo" mo zi too" yab joem ri yu" coung: yug khainjung Eliashab gi ayo, gye" myang" mo Tobia yo' zoem" khau: nyid da:.

NEHEMIA 2:19

Ngoonu" cikoid wa zi byen phyoo" soin' kyam: lo" nyid ziri Sanbalad- Tobia yo' Geshem myheing da" Arab bang: shoug" gyoo: lang" nyangnu" gi ngoonu" ri yi juang" pyam lho: «Nanu" koid nyid ziri khasu" shau" myid go" lha". Nanu" gi khosen ri thougtheung gyi koid zi danghoid anghoid re" » ga: myid: boem.

NEHEMIA 4:7

Sanbalad- Tobia yo' Arabia mo byu yi Amon mo byu yi Ashdod mo byu yigi Yerusalem vang khyam: ri doem zhug da" moo" zoo" lo, zoo" so" wigi bang" ziri bain jhid loo" bye: ga: ziri shoug" gyoo: lang" nyangnu" gye neig yo: ago".

NEHEMIA 6:1

Ngoonu" gi khoem" moo" joem: moo khoem" joem ayo" tab too" shi" nghoid loug we' vang ri doem bain zhug lho: akyoo: byid zi ajo, loo: ga: ziri Sanbalad- Tobia- Geshem yo' deing da" ngoonu" da" gyivoo yi shau" gyo: lo" ago".

NEHEMIA 6:16

Aqei: ayam mo mungdain: cang mo ngoonu" da" gyivoo yigi he ziri shoug" gyoo: lang" he: moo" moo Mangsoo bo pang" yoomo bain koid pyam ziri yugkhang" moo" se' boem uri nyangnu" myonhoo: soem" bye: ziri boin: lo ago".

ESTHA 10:3

Yuda byu Modekhai gi khokham Ahasuru mo lid wigi vhoo: moo: dazhang za: nyhoem: da" joyoo moo nyid da:. Nyang: gi nya: Yuda byumyu" yi ge ngi: shab byid: lho: coem' jheddab boem ago". Nyang: gi nya: byumyu" yi shid re" ge da" moo" zei: lho: nyangnu" da" amyed ashen yi dangain" shid re" goem loem khyoo: koid byid: da:.

COUNG" NGHEI 112:10

Akhyeing ashoeb bang: gi hau: khyoo: ri myang lho: nheig yo: nyid boem ago- Nyangnu" gi ngheung" ziyo' yu" zhoug to" lho: byug khare" boem bye:. nyangnu" da" nheug byu jang: we' apyaid atoo: moo: jha" byo, yoin" lo" boem bye:.

DANG: ZHOEM 27:4

Nheig yo: nyid da" khyoo: gi lam: ziyo' byo, yoin" loo" nhang: da" khyoo: nghoid, Nghoid loug we' no" zo khyoo: yo' age tu, goo.

DANG: ZHOEM 30:22

Khokham bue" lo" da" join,- nyang: ci" we' avhoo: ci" we' ashoug" zoo: sho' zoo: noem yo" da" byugang:-

PHAJHI" DANG: 10:7

Nheig bo ludaid yi join yi yo' dakhyo" khyid: soo" soo" nyid uri join yigi myang: dang moo zhung: yen" ziri ngoo shau" myang bye:.

ESAIA 15:5

Nga" nheigloem: gi Moba shid re" nyho: ngau da:. Byu yigi Zora yo' Eglad Shelishiya voogung khyoo: phang: byug ago". Ngau zoo" re byu dayham" gi Luhit khyoo: yhe: da" khyoo: khyoo: do, yhe: ago". Thui: zeing yo' koug ngau lho: byu dayham" Horonaim khyoo: phang: loid yhe: ago".

YEREMIA 41:10

Hau: thang: nyang: gi khokham da" myiyi: zoo: yiri thung: byu koid pyam lho: gyizoug: moo" Nebuzaradan wigi Gedalia yu" coung: da" lo, khoug: moo nyhid: too" kho' shau" boem da" Mizpa mo deing nyid da" byu dangain" ri myheig yu da:. Ishmaela gi thung: byu yiri shu" wigi Amon moug: shoid khyoo: to' lo" ago".

YEREMIA 48:34

«Heshbon byu yo Eleale byu gi nyho: yoid wigi nyangnu" nyho: ngau da" thui: gi Yehaza ju" sho' moo shau" gyo: da:. Hau: ziri Zora mo byu yi wigi shau" gyo: ago". Hau: ziri Horonaim yo' Eglad Shelishiya fi' mo shau" gyo: da:. Nimrim gyid zoo: lang kyug byug bye:.

YEREMIA 48:5

Nyangnu" ngoug thui: ti" Luhit khyoo: do, lo" da" khyoo: cang wigi shau" gyo: da:. Nheigloem: thang wigi kyi: ngau da" thui: ri Horonaim khyoo: gyoo" lo da" khyoo: cang shau" gyo: da:.

ACTS 4:2

Lagyo: eig yug gi byu yi ri Yesu gi shid: jang" mo doem dei, to loo: bye: khyoo: ri jhoug" byid: nyid. Hougsu" shid: bye: mo, doem dei to' loo wa ga: dang- deung da" khyoo: sagsi: kham byid: zi bui" yoomo nyangnu" nheig zheung: yo: ago".

ACTS 5:24

khainjung agyi moo"' yi yo' noku yhoem: moo" mo goem loem gyizo yi gi he: da" ludang: ri shaug" gyoo: lang" he" lagyoo: yi gi ce: noem bue" boem bye: lha"» ga: gye" mau" nyid boem bye.