NEHEMIA 13:5 - Lacid Common Language Bible

⁵ Nyang: gi ngei" byid: da" shivoo: nam pyo: xu:- Noku Yhoem: Moo" moo ci: da" zi joem khainjung yi shid re" xoin"- Levi byu yi Noku Yhoem: Moo" mo music phung: yo' Noku Yhoem: Moo" zung" bang: ri byid: to" da" shivoo:- zabyid yhid: yo' zhainloin: xu: daxi: boem mo daboem ri ze: shoung: too" wa shid re" yab zeing ri ci: wa shid re" Tobia ri akhang" byid: da:.

NEHEMIA 13:5 ပူးပေါင်းရင်းမြစ်များ

2 KHOKHAM MHOOMYID: 31:11

Khokham amyeing" ri cang wigi nyangnu" gi noku yhoem: moo" vang" moo jhi: koid boem ago".

2 KHOKHAM MHOOMYID: 34:11

Houg bang: gi Yuda khokham yi wigi byo yoin" jo, nhang: boem da" yhoem: joem ri nyheing wa jang" moo ci: da" seig thi" yo' lug boem joem ri qei wa yhoem: koid mo, ri yo' lo, moo" zei bang: ri byid: ago".

NEHEMIA 10:36

Ngoonu" mo khu: re" da" zooshid" yuggi zoo: ri Noku Yhoem: Moo" mo khainjung yi jhang shu" yhe: lho: hougmoo tarha" moo lhid" to" ziyo' dakhyo" Mangsoo ri shug byid: wa. Ngoonu" gi ngoonu" da" nu: zeing du: khang" moo" mo xang: shi" xang" da" nu: nu" ri yo' ngoonu" da" yang joem anghoid lang" coidbaid joem mo xang: shi" xang" re" da" du: ri shug byid: wa.

NEHEMIA 10:37

Ngoonu" gi zain khang" moo" xang: shi" shoug" yu da" shivoo: mo cen: moin" yho' yo' gootu: ngoonu" da" zabyid yhid:- zhainloin: xu: yo' shi" aja: ja: da" xoin" ri Noku Yhoem: Moo" moo nyid da" khainjung yi jhang ci: yhi: wa. Ngoonu" gi ngoonu" da" shivoo: ri ngoonu" da" shoo" zoo: shoo" shug da" voogung joem mo xi: boem daboem khyu: da" Levi byu yi jhang khyoo: xi: boem daboem ri ci: yhi: wa.

NEHEMIA 10:38

Xi: boem daboem ri khyui: zheing" da" uri Arun mo gyoo" lo da" khainjung yigi Levi byu yi yo' dage" bo boo ca" goo" wa nghoid da:. Houg: lho: Noku Yhoem: Moo" moo ci: wa shid re". Levi byu yigi nyangnu" yo" khyui: zheing" yu da" xi: boem daboem ri Noku Yhoem: Moo" mo zi too" yab joem khyoo: ci: yhi: ca" goo" wa zi nghoid ago".

NEHEMIA 12:44

Hau: ayo, moo yuggi yiri daxi: boem daboem yo' zain khang" moo" xang: shi" zei: da" shivoo: yo' shi" joem ri Noku Yhoem: Moo" shid re" jhungshug kaid to" da" yab joem ri yu" coung: wa shid re" khyen: to" ago". He: bang: gi tarha" moo tid to" ziyo' dakhyoo" khainjung yi yo' Levi byu yi shid re" jhungshug ri voomoo" myoo: sho' da" aqei: ayam moo jo, da" yoo joem mo khyui: zheing" wa yoovoin yo" ago". Yuda mung" byu yi dangain" bang: gi khainjung yi yo' Levi byu yi da" adang moo nheugdeug ago".

NEHEMIA 13:7

Yerusalem khyoo: doem tau" lo da:. Houg moo Eliashab wigi Tobia ri Noku Yhoem: Moo" mo yab da yab ri ci: nhang: to" ziri lo myang wigi mau" pyam da:.

EZEKIEL 40:38

Tunggung shoid shava jang: moo mougzhung: shoid mo khoem" moo" duang: yo' xo' go" to" da" yab nu" dayab jo, da:. Hau: zigi shava jang: khyoo: myonhoo: shu: to" da" vang lo" yab khyoo: phang to" zi nghoid. Hau: joyoo moo du: goin" goin" nghe' ngei" da" gougnyhoug mang joem ri nyangnu" cid" boem ago".