NEHEMIA 13:25 - Lacid Common Language Bible

²⁵ Hau: yuggi yiri ngoo nheig yo: wigi nyangnu" dang moo nheing" khoin" khe: khyo' yu ziyo' nyangnu" ri baid- nyangnu" shoomoug" lang: phoin' pyam byid: bye:. Hau: thang: ngoo gi nyangnu" yo' nyangnu" da" zooshang: yiri khanham we' tungbau byumyu" yi yo' myi: byid: myi: yu akoid loo: wa ga: da" jham' tang: dang: ri Mangso myeing lang: wigi too" nhang: bye:.

NEHEMIA 13:25 ပူးပေါင်းရင်းမြစ်များ

2 KHOKHAM 2:24

Elisha gi lheing: lo lho: nyangnu" ri zhug yu" wigi Aseing myeing moo nyangnu" ri nheing" da:. Houg: lang" voem, myhi' eig du: siyoo mo thu re" wigi zoolu: myid: xe: eig yug ri adu du ngaid ceig sain" pyam ago".

EZRA 10:5

Hougsu" yoomo Ezra gi khainjung yi Levi yi yo' gootu: deung da" byumyu" yi da" vhujhung: yiri Shekhania da" phajhi" byid: dang: yhang: ti" koid wa shid re" dang: theing yu nhang: bye:.

EZRA 7:26

Nanu" Mangso da" tarha" joem ri nghoid nghoid khokham da" tarha" joem ri nghoid nghoid acang nghoid rigi said pyam khyo" wigi nghoid nghoid. Join koid nhang: wa khyo" wigi nghoid nghoid. Jonu" ri shava seing: yu pyam wa khyo" wigi nghoid nghoid. Thung: lhoung wa khyo" wigi nghoid nghoid. Nyangnu" ri dam byid: wa zi nghoid.

NEHEMIA 13:11

Ngoo gi gyizoug: yiri Noku Yhoem: Moo" ri hougsu" she: pyam to" khyoo: ri nheig yoo: bye:. Houg: lho: ngoo gi Levi byu yi yo' music phung: ri Noku Yhoem: Moo" khyoo: doem shu" yu wigi nyangnu" ri moo" doem byid: bye:.

NEHEMIA 13:17

Ngoo gi Yuda vhujhung: yiri nheig yo: lho: nyangnu" ri «Nanu" koid nyid da" akhyeing" ashoeb moo" ri yu" yu" ge'. Nanu" gi Dougno: Bidnyid ri agyeing" ashang: koid nyid ago".

NEHEMIA 13:24

Nyangnu" da" zooshang: yi agung dayi" mo, gi Ashdod myeing" la'- anghoid lang" daja: ja: myeing" ji wigi ngoonu" nya: myeing" ase' ji nghoid ago".

NEHEMIA 5:13

Hau: thang: ngoo gi nga" phyid" doem moo cu" ci: da" pain" cu' ri phid: yu lho: ko: pyam bye:. Ngoo gi «Nanu" to" da" dangsoo" ri azoem: su: hang" riwe' Mangso wigi hidsu" ko: pyam loo wa. Mangsoo gi nanu" yhoem: joem yo' nanu" seing: da" ja: khang" moo" ri yu pyam byid: lho: nanu" ri ci: we' ateing too" byid: khoo' wa» ein: tid bye:. Houg: moo ju" nyid da" yugkhang" moo" gi «Amen» ga: tid lho: Aseing ri coung" byid: ago". Houg: lho: vhujhung: yigi nyangnu" da" dangsoo" joem ri cang ago".

NEHEMIA 5:6

Nyangnu" myeing" myo: thui: ri ngoo shoug" gyoo: lang" ngoo nheig yoo: bye:.

COUNG" NGHEI 119:53

Akhyeing" bang: gi re" da" tarha" ri lhu: phyo' pyam nyid ziri myang da" uri: ngoo gi nheig yoo: nau nyid.

COUNG" NGHEI 15:4

Nyang: gi Mangso she: pyam too" bang: ri bo co' nheug no lho: Aseing da" mungdang: tam" gyo: cang loo" mo, ri myonhoo: byid: phau" myang: se' nyid. Nyang: gi nya: da" akyu" khayhi' yoem" no gyo" loo" nghoid loug we' nyang: byid: to" dang: theing khoin" zung" su: nghoid.

THU' LO" MOUGSOUG" 34:16

Nanu" da" yuggi zoo: yigi tungbau myiyi: zoo: yiri lo, xo' yu wa zi nghoid. Nyangnu" gi ngoo ri jhug azug jhang" khyoo: nyangnu" ri shu" yhe: lho: nyangnu" da" tungbau yu phara" ri shu" no' loo wa.

DANG: ZHOEM 28:4

Tarha" ri cishu: anhang: rigi nang akhyeing" ashoeb mo, shoid khyoo: bo dab, nyid zi nghoid. Nghoid loug we' nang tarha" cang nghoid rigi akhyeing" ashoeb mo, ri gyi koid su: nghoid.

ESAIA 50:6

Ngoo ri baid bang: shid re" nga" nung" khung: cen: ri ngoo kham byid:. Nyangnu" ngoo ri rue" boem uri ngoo nyangnu" ri atoem' pyam. Nga" nhoid mei: ri nyangnu" phoin' pyam uri yo' nga" myonhoo: ri shakain" byi" gyoin: boem uri ngoo nyangnu" ri atoem' pyam.

TARHA" TID POIN" 6:13

Nanu" Aseing Mangsoo ri gyoug phau" myang: lho: ngi: shab nyid ge'. Nyang: ri kyeing" noku ge'. Nya: myeing ri kyeing" lang: wigi dangsoo" koid ge'.

TARHA" TID POIN" 7:3

Nyangnu" mo dayug ri we' lo, axo' goo". Nyangnu" mo dayug ri we' nanu" nya: zoo: yiri lo, axo' nhang: goo".

YOSHU 23:12

Nanu" gi dang: azung" loo: za: nanu" phung: moo: nyid deing nyid da" tungbau byu yi yo' zoem" wigi nyangnu" gi myi: byid: myi: yu khyoo: koid boem nghoid rigi