NEHEMIA 13:23 - Lacid Common Language Bible

²³ Hau: ayo, moo ngoo gi Yuda yuggi myoo" sho' yug gi Ashdod- Amon yo' Moba mo myiyi: yiri lo, xo' yu to" boem ziri we' shoug" se' yu bye:.

NEHEMIA 13:23 ပူးပေါင်းရင်းမြစ်များ

1 KHOKHAM 11:1

Sholumon gi tungbau myiyi: myoo" sho' ri jheddab nyid bye:. Egutu khokham da" nya: myiyi zoo: moo lid gootu: Hiti myiyi: yi yo' Moba- Amon- Edom- Sidon mung" mo myiyi: yiri nyang: lo, xo' yu bye:.

EZRA 10:10

Khainjung Ezra gi to' yab lho: nyangnu" ri «Nanu" gi dang: azung" loo: za: tungbau myiyi: yiri lo, xo' khyo" wigi Israela byumyu" atho' moo yooboo yoo" sho' shoid bye: goo" nhung:.

EZRA 10:44

He: yuggi dangain" zi tungbau yhoem: seing: myhi' yoo" bang: nghoid ago". Nyangnu" gi nya: zoo: nya: myi: yiri kang" pyam wigi yhe: de" pyam bye: ago" zi nghoid.

NEHEMIA 10:30

Ngoonu" gi ngoonu" da" mougmyid moo nyid da" tungbau byu yi yo' myi: yu yoo byen akoid wa.

NEHEMIA 10:31

Dougno: Bidnyid anghoid lang" gootu: gyeung" shang: bidnyid da nyid" nyid" moo tungbau byu yi ngoonu" ri shivoo: anghoid lang" gootu: daja: ja: re" oung" byid: boem nghoid rigi nyangnu" mo ngoonu" aqei: wa. Nyhed zain ju" khang" moo" ngoonu" yoo we' aphug wa. Houg: lho: ngoonu" yu ca" da" jhen: dangain" ri we' phyed pyam byid: wa.

NEHEMIA 13:1

Mung" byu yiri thui: zeing khyo" Moshe da" tarha" ri nghab kyo" uri nyangnu" gi Amon byumyu" nghoid nghoid Moba byumyu" nghoid nghoid hang" dayug we' Mangso da" byumyu" yi khoug: khyoo: ayo" vang yhi wa ga: da" du moo nghab ju" lo ago".

NEHEMIA 13:24

Nyangnu" da" zooshang: yi agung dayi" mo, gi Ashdod myeing" la'- anghoid lang" daja: ja: myeing" ji wigi ngoonu" nya: myeing" ase' ji nghoid ago".

NEHEMIA 13:27

Houg ri ngoonu" gi nanu" da" leig ri yu" lho: tungbau myiyi: yiri lo, xo' da" khyo" Mangso dang: ri acang yo" koid wa la"» ein: tid bye:.

NEHEMIA 4:7

Sanbalad- Tobia yo' Arabia mo byu yi Amon mo byu yi Ashdod mo byu yigi Yerusalem vang khyam: ri doem zhug da" moo" zoo" lo, zoo" so" wigi bang" ziri bain jhid loo" bye: ga: ziri shoug" gyoo: lang" nyangnu" gye neig yo: ago".

THU' LO" MOUGSOUG" 34:11

Akhid" nyid" nang ri ngoo byid: to" da" tarha" joem ri tam" gyo: cang yhe: nyid we'. Nanu" jhen" yhi: lang" Amori- Khanan- Hiti- Perizi- Hivi yo' Yebusi byumyu" yiri ngoo khaid thu pyam wa zi nghoid.

2~KORINTHU 6:14

Aloem" ajeung" mo, yo" dage" shoin" lho: moo" acoem' zei: goo. Khasu" wim gari dage" shoin" lho: moo" coem voin, wa zi age bui". jo ziyo: shoid' da" zi gi dage" se' zoem" khoug: wa, la". Bid bang yo' moug: coid gi khasu" koid dage" se' jo, wa lha".

TARHA" TID POIN" 7:1

Nanu" Aseing Mangsoo gi nanu" yhe: nyid seing: yu wa nghoid da" mungdain: khyoo: nanu" ri shu" vang yhe: wigi nyang: gi byumyu" myoo: sho' ri houg: mo khaid thu pyam byid: loo wa. Nanu" shid vhu" khyoo: jhen" yhe: lo" uri nanu" tho' je myo: lho: yoem: je bo da" Hiti- Girgashi- Amori- Khanan- Perizi- Hivi- Yebusi ga: da" byumyu" nyhed myu" ri nyang: khaid thu pyam wa zi nghoid.

RUTHA 1:4

Hau: yuggi zoo: tang: gi Moba myiyi: Orpa yo' Rutha ri lo, xo' yu ago". Zain xi: koo: myang" lo" thang: ri

1 SAMUELA 5:1

Philisti byumyu" yigi hau: Dang: Theing Kuid: ri shoug" lhoid yu lo" thang: ri hau: ziri Ebeneza mo zi nyangnu" da" voomoo" Ashdod khyoo: ci: lo" ago".