NEHEMIA 13:22 - Lacid Common Language Bible

²² Ngoo gi Levi byu yiri nyang: yug nya: gung ri kyeung sain' pyam lho: Dougno: Bidnyid ri gyeung" shang: nhang: wa shid re" hau: khoem" moo" joem moo yhe: zung" nhang: too" bye:. O" Mangsoo we"- he: ziri we' myid boin: lho: xoem" too" byid: la. Houg: lho: re" da" gyi: sheung: da" jheddab myid yoomo ngoo ri ashid: lho: nyid deing too" nhang: la.

NEHEMIA 13:22 ပူးပေါင်းရင်းမြစ်များ

2 KHOKHAM 20:3

«Aseing we"- ngoo nang ri dang: zung" jhug zug tung" dei byid: wigi ngoo gi nang koid nhang: da" ja: ri khanham we' yoem: kaid koid lo ziri myid boin: byid: la o"» ga: akyu" mho' da:. Hau: thang: nyang: gi nheig khoo" sho' ngau lo da:.

2 KHOKHAM 23:4

Hau: thang: Yoshia gi khainjung moo" Hilkia- nyang: ri pang" da" khainjung yi Noku Yhoem: Moo" khoem" duang: moo moo" eung: da" goem loem bang: ri Bala yu phara" myhi' Ashera yo' kyi: joem ri no' jang" moo ci: da" zi joem ri Noku Yhoem: Moo" khoug: mo yu thu loo" goo" wa shid re" amyeing" byid: da:. Khokham phoo gi hau: zi joem dangain" ri voomoo" tunggung shoid Kidron janggyoin: nam moo nghe' pyam da:. Hau: thang: myimoeb ri Bethela khyoo: yu lo" da:.

2 KHOKHAM MHOOMYID: 29:24

Hau: thang: khainjung yigi coidbaid joem ri said wigi hau joem da" suid" ri phoin: dang moo foid shoin" wigi mung" byu yi dangain" da" yooboo ri voin pyam wa shid re" xoin" khyo" nghe' ngei" byid: ago". Ciwim gari khokham phoo gi Israela byu yi dangain" bang: shid re" nghe' ngei" byid: da" xoin" yo' yooboo khyoid xoin" joem ri ngei" byid: wa amyeing" byid: to" da:.

2 KHOKHAM MHOOMYID: 29:27

Hezekia gi nghe' ngei" xoin" ri shugbyid: wa shid re" amyeing" byid: kaid bye:. Houg: lho: xoin" ngei" byid: shid" lo" uri shava byu yigi Aseing ri coung" nghei ji khoin" khoin" wigi music phung: bang: gi laboo" joem ri yo' gootu: music jonu" joem ri myheing shid" lo boem ago".

2 KHOKHAM MHOOMYID: 29:30

Khokham phoo yo' byumyu" vhujhung: yigi Levi byu yiri David yo' Lapi: Asab wigi lhid" to" da" coung" nghei jikhoin" joem yo' Aseing ri coung" nghei boem wa shid re" tid ago". Hougsu" yugkhang" moo" gi nyangnu" poid thug thoug lho: Mangsoo ri noku ku" nyid zoo" ri gye" gau ziyo' jikhoin" khoin" ago".

NEHEMIA 12:10

Yoshu gi Yoiakim da" nya: phoo- Yoiakim gi Elishab da" nya: phoo- Eliashab gi Yoiada da" nya: phoo-

NEHEMIA 12:30

Khainjung yi yo' Levi byu yigi nyangnu" nya: shid re" mung" byu yi shid re" khoem" moo" joem shid re" yo' voomoo" vang khyam: shid re" thung" khyo" kyeing sain' khyoo: koid ago".

NEHEMIA 13:14

Nga" Mangsoo we"- Re" Noku Yhoem: Moo" yo' hau: noku coung" moo" shid re" ngoo he: gu: dangain" ri koid lid lo ziri myid boin: xoem" too" byid: la.

NEHEMIA 13:31

Nya: ayo, yo' ayo, moo ci: ri" ca" da" xoin" joem ri nghe' ngei" wa shid re" nghi' wa thang" ri soin' to" wigi mung" byu yi xoin" khyo" shivoo amoin" yo' xang: shi" zei: da" shi" joem ci: ri" wa tarha" joem ri nyheing byid: bye:. O" Mangsoo we"- he: joem dangain" ri myid boin: byid: la. Houg: lho: ngoo ri hau: moo" zei: su: dayug khyo" too" la.

NEHEMIA 5:19

O" Mangsoo we"- Nang ri ngoo akyu" mho' kaid da:. He: byumyu" yi shid re" ngoo koid lid lo da" ja: khang" moo" shid re" nga" akyu" ri myid boin: byid: la.

COUNG" NGHEI 130:7

Israela byumyu" yi we"- Aseing ri loem khau: nyid we'. Khasu" wim ga: ri nya: da" jhed khyeing: kang: khyeing: gi dageung: teung jo, wigi nyang: gi ngoonu" ri khanham we' khyoid yu nau nyid.

COUNG" NGHEI 5:7

Nghoid loug we' re" da" geung: teung jhedkhyeing: kang: khyeing: yoomo ngoo gi re" yhoem: moo" khyoo: yo" ju" re". Re" da" gyeung" shang: Noku Yhoem: Moo" moo: ngoo noku lho: nang ri gyoug phau" zoore goeb pid nyid.

COUNG" NGHEI 51:1

Mangsoo we"- re" da" geung: teung jo, da" jhed khyeing: kang: khyeing: yoomo ngoo ri nheug khyeug yu shi" we'. Re" da" gyi: myhang: nheug khyeug shoo" myen: myid yoomo nga" da" yooboo joem ri soid pyam byid: we'.

ESAIA 38:3

«Aseing we"- ngoo nang ri dang: zung" jhug zug tung" dei byid: wigi ngoo gi nang koid nhang: da" ja: ri khanham we' yoem: kaid koid lo ziri myid boin: byid: la o"» ga: akyu" mho' da:. Hau: thang: nyang: gi nheig khoo" sho' ngau lo da:.

ESAIA 49:23

Khokham yigi nanu" nya: phoo yi yo' dakhyo" Khokham myhi' yigi nanu" nya: myhi' yi yo' dakhyo" nghoid loogoo" wa. Nyangnu" gi re" shidkhoin" moo goeb pid wigi nang ri ngi: shab byid: loo go" wa. Nyangnu" gi nang ri phau" myang: byid: wigi khyo' nyoem: loogoo" wa. Houg: lang" ngoo Aseing nghoid da" khyoo: ri nanu" se' loo wa. Ngoo wigi pang" thoug byid: wa ziri alang" nyid su: hang" we nheigloem: gyoug: goo" wa» ga: tid da:.

ESAIA 55:7

Akhyeing" da" byu yigi nyangnu" akhyeing" da" kangso' dei khyoo: ri to" pyam wigi Nyangnu" myid da" khyoo: ri thid pyam boem goo" baja". Ngoonu" Aseing Mangso jhang khyoo: nyangnu" ri lheing: loo nhang: ge'. Nyang: gi nheig khyeug ziyo' yooboo khyoid byid: wa myab nyid su: nghoid.

2~KORINTHU 1:12

Ngoonu" da" nheigloem: khoug: moo gyeung" nyang: phau: khuang wa khyoo: dakhaid bo. Hau: zigi he: da" moug: myid tho moo ngoonu" da" kangso' dei nyid khyoo:- je" wigi nanu" yo' tei" xo' zoem" khau: da" khyoo: moo byu da" se' yeug khyoo: moo anghe: khoug: loo: za: Mangso da" jeju" yoem: vhoo" khyo" ngoonu" gi Mangsoo byid: da" deungmain" gyeungshang: da" nheigloem: gye" myed wigi vhoeb khang" khyo" moo" zei: lo" khyoo: nghoid.

TARHA" TID POIN" 5:12

«Ngoo nanu" Aseing Mangsoo gi nanu" ri amyeing" byid: bye: ziyo' dayhang: ti" ‹Dougno: Bidnyid" ri phau" myang: wigi hau: ziri younglho' nhang: nyid ge'.