NEHEMIA 13:2 - Lacid Common Language Bible

² He: zigi Israela byumyu" yi Egutu mo thu lo da" khyoo: mo nyangnu" ri Amon yo' Moba byumyu" yi wigi zoo: noem yo' shug gyid abyid: yoomo nghoid da:. Hau: gungthid nyangnu" gi Israela byumyu" yiri nheing" khoin" yhe: kaid nhang: wa shid re" Balam ri ngei byid: ago". Nghoid loug we' ngoonu" da" Mangsoo gi nheing" khoin" ri mainkaid jeju" khyoo: phug pyam byid: da:.

NEHEMIA 13:2 ပူးပေါင်းရင်းမြစ်များ

COUNG" NGHEI 109:28

Nyangnu" gi ngoo ri nheung" lho: jham' tang: byid: boem nghoid loug we' nang gi ngoo ri mainkaid byid: wa zi nghoid. Ngoo ri: re" shen" yhen pyi: sho: nyid bang: joem: loo" goo" baja"- re" da" deizoo: ngoo koem gi gau yi ngei pyo: nyid baja".

MIKHA 6:5

Nga" byumyu" yi we"- Moba khokham Balag wigi nanu" ri khasu" koid wa ga: soin' bye: ziyo' Beora da" nya: zoo:- Balam wigi nyang: ri khasu" phuid: kyo" ziri myid boin: ge'. Shug theung: jang: mo zi Gilgala ju" sho' khyoo: moo bue" lo da" gyung: khyoo: ri we' myid boin: we'. He: gu: ri myid boin: nghoid rigi nanu" ri khyoid yu wa shid re" ngoo ce: noem koid loo bye: ziri nanu" boin: so" boem wa zi nghoid»

GYUNG: SOO" 23:18

Balam gi he: lapi: dang: ri tid bye:. «Zipora da" nya: zoo: Balag we" re" loo we'. Houg: lho: ngoo tid kyoo" wa ziri tam" gyoo: we'.

MATHE 25:40

Khokham" gi nanu" ri ngoo deung" deing tid ba"- Hid: nga" nhung" yi khoug: mo:- nge thang su: ri yu coung: da" zigi ngoori yu coung: zi nghoid bye:› ga: tid.

TARHA" TID POIN" 23:3

«Amon byumyu" anghoid lang" Moba byumyu" anghoid lang" nyangnu" da" amyed ashen yi hang" nghoid loug we' daxi: xeig ju" sho' Aseing da" byumyu" phung: moo age boo nghoid da:.

TARHA" TID POIN" 23:4

Egutu mo nanu" thu lo da" gyung: khyoo: moo nyangnu" gi nanu" ri zoo: noem yo' gyid ri byid: khyo" apang" thoug goo" nghoid da:. Nyangnu" gi nanu" ri nheing" wa shid re" Mesopotamia moug: Pethora voomoo" mo Beora da" yuggi zoo: Balam ri ngho" ago".

TARHA" TID POIN" 23:5

Nghoid loug we' nanu" da" Aseing Mangsoo gi Balam da" dang: ri atam" gyoo: byid: nghoid da:. Hau: gungthid nyang: gi nheing" khoin" ri mainkaid dang: khyo" thid pyam da:. Ciwim gari nyang: gi nanu" ri jheddab yoomo nghoid da:.

2PETRU 2:15

Nyangnu" gi dain: da" khyoo" ri too" pyam' lho: khyoo: vhang" lo" boem abye:. Nyangnu" gi Beora da" nya: zoo: Balam cang da" khyoo: moo cang lo" byug boem abye: go". Balam gi adeung amain" da" moo" zei: lho: yo" da" ngei ri myo, no, su: nghoid nyid