NEHEMIA 13:19 - Lacid Common Language Bible

¹⁹ Houg: yoomo ngoo ri Dougno: Bidnyid ju" loo khang" myen" thang: bidvang yo, voomoo" khoem" joem ri myhid" pyam lho: Dougno: Bidnyid lid sho' adoem phang wa shid re" amyeing" byid: too" bye:. Dougno: Bidnyid moo voomoo" khoug: khyoo: ci: daja: we' ade" vang zi nghoid anghoid si' wa shid re" nga" byu dayham" ri hau: khoem" moo" joem cang zung" nhang: too" bye:.

NEHEMIA 13:19 ပူးပေါင်းရင်းမြစ်များ

NEHEMIA 13:20

Kid" zi aja: ja: oung" zo: da" phaga: byu yigi damyen eig myen koo: wim: nyid" nyid" myen" ri voomoo" tunggung shoid moo yhoeb ago".

NEHEMIA 7:3

Ngoo gi nya: eig yug ri hidsu" ein: pyeing: too" bye:. Yerusalem voomoo" khoem" moo" ri nab soin: bid axain" shi" yo, ju" sho' aphang wa shid re" yo' bidvang zoo" moo khoem" zung" bang: moo" mo aphang: byoo shi" ri khoem" moo" joem myhid" lho: khoem" kyang joem kyang too" wa shid re" tid too" bye:. Ngoo gi nya: eig yug ri Yerusalem moo nyid da" byu yi mo khyen: yu wigi voomoo" zung" bang: ri khyen: to" too" wa shid re" houg bang: mo dayham" gu: ri gooki' lid yhouggyen: joyoo cang nyid: to" lho: gooji gu: rigi nyangnu" nya: yhoem: aqei: ayam moo so" yen" lho: jooyu" yen" wa shid re" tid too" bye:.

XOIN" NGEI" 23:22

Nanu" yoo moo: shivoo: shiloem yham" yu uri yoo gyoem: mo shivoo: shiloem ri ayham" yu goo". Yhoem" khyo' to" da" shivoo: ri we' adoem yhe: koid: goo". Hau: joem ri sho" jhen: bang: yo' tungbau byu yi shid re" teing too" byid: kho' ge'. Aseing gi nanu" da" Mangsoo nghoid da:.

XOIN" NGEI" 23:32

Hau: lhammoo" khyab goug nyid" nyid" bidvang yo, mo daxi: nyid" nyid" bidvang yo, ju" sho' he: nyid" ri gooki lid Dougno: Bidnyid khyo" cang nyid wigi hau: ayo, gyoo: moo: ci: we' age zoo: nghoid da:.

YOHAN 5:10

Houg: yoomo Yuda zoug: yi gi noo ge loo su: ri akhid" nyid" gi labain nyid nghoid. re" myhu" lu ri dang lo zigi tung: to" tarha" ri shoid da" zi nghoid. ga: gyikoid boem.