NEHEMIA 12:37 - Lacid Common Language Bible

³⁷ Nyangnu" gi gyidbug khoem" moo" mo zi David da" voomoo" khyoo: do, lo" da" zoem" lhang: khyo" so" do, lo" lho: David da" khokham kho" ri lid too" kho' ago". Houg: lho: voomoo" da" bidthu shoid gyid khoem" moo" khyoo: doem tau" lo" ago".

NEHEMIA 12:37 ပူးပေါင်းရင်းမြစ်များ

NEHEMIA 2:14

Hau: thang: voomoo" da" bidthu shoid khyo" moug zhung: shoid gyid thu khoem" moo" yo' khokham da" gyid thoem" khyoo: ju" khoo' bye:. Ngoo zhung: da" loo zei: gi khyoo: amyang yoomo byo, yoin" jo, da" zhoothung" boem khyo" so" lid: lo" da:.

NEHEMIA 8:1

Lhammoo'' nyhed khyab ein: khyab ju'' ri Israela byumyu"'' yigi nyang: yug nya: voogung joem ri yo'' de: nyid boem abye: go''. Hau: lhammoo"' khyab xang: shi'' nyid' ri nyangnu"' dangain"' bang: gi Yerusalem gyid khoem" moo'' akhoug: shoid shava jang: moo: phung: foem: nyid boem ago''. Nyangnu"' gi khainjung we' nghoid- Aseing wigi Moshe khyo" Israela byumyu" yiri byid: da" tarha" ri si' su: Ezra ri Tarha" mougsoug" pug yu byid: wa shid re" mho' ago".

NEHEMIA 8:16

Houg: yoomo mung" byu yiri seig kung: joem ri yu lho: nyangnu" yhoemkhung: dang joem moo nyangnu" khyam: vang" joem moo Noku Yhoem: Moo" vang" joem moo yo' gyid khyam: khoem" moo" yo' Ephrim khyam: khoem" moo" nam mo shava jang: pa: joem moo zoem" koid nyid ago".

NEHEMIA 8:3

Hau: khoem" moo" nam mo shava jang: moo nab soin: no' mo zi bid gung tu: sho' nyangnu" ri tarha" nghab kyo" da:. Houg: lho: nyangnu" gi myid boo tung" tam" gyoo: yu ago".