NEHEMIA 12:30 - Lacid Common Language Bible

³⁰ Khainjung yi yo' Levi byu yigi nyangnu" nya: shid re" mung" byu yi shid re" khoem" moo" joem shid re" yo' voomoo" vang khyam: shid re" thung" khyo" kyeing sain' khyoo: koid ago".

NEHEMIA 12:30 ပူးပေါင်းရင်းမြစ်များ

APOEM AYANG: 35:2

Houg: yoomo Yaku gi nya: yhoem: byu yi yo' nya: da" byu yi dangain" bang: ri «Nanu" loem nyid da" yu phara" dangain" ri she: pyam loo ge'. Nanu" gung nanu" cid" yung" cid" lho' pyam lho: young" gyeing" da" byimi ri void we'.

1 KHOKHAM MHOOMYID: 15:14

Hau: thang: khainjung yi yo' Levi byu yigi Israela da" Aseing Mangso da" Dang: Theing Kuid: ri vu, wa shid re" nyang: nya: gung ri younglho' sho' koid boem ago".

2 KHOKHAM MHOOMYID: 29:34

Hau: gougnyhoug joem ri khainjung yi wigi za: atho' oung: said yoomo moo" oung: sho' nyangnu" ri Levi byu yi pang" byid: ago". Hau: ayo, moo khainjung yi myoo" sho' nyang: nya: gung ri thung" khyo" younglho' sho' koid boem bye:. (Levi byu yigi khainjung yi tho' thung" khyo" younglho' sho' zoem: ci: jang" moo je wigi jhug zug ago".)

2 KHOKHAM MHOOMYID: 29:5

Nyang: tid zigi «Nanu" Levi byu yigi nanu" nya: gung ri kyeing sain' yu wigi nanu" phoug" phyid" yi Aseing Mangso da" Noku Yhoem: Moo" ri kyeing sain' pyam we'. Noku Yhoem: Moo" ri asain' asen" bue" nhang: da" ja: dangain" ri houg: mo yu pyam we'.

EZRA 6:21

Xoin" ngei" byid: da" shoo" ri pyoung" she: loo" shoug" jang" mo doem tau" lo da" Israela byumyu" dangain" yo' tungbau noku thung" ri she: pyam wigi Israela byumyu" yi da" Aseing Mangsoo ri loem jeing" noku lo da" hau: mung" mo gootu: byumyu" dangain" bang: we' yo" zoo: wa zi nghoid.

NEHEMIA 12:29

Betgidgala- Geba- yo' Azmaved mo zeing: foem: re" ago".

NEHEMIA 13:22

Ngoo gi Levi byu yiri nyang: yug nya: gung ri kyeung sain' pyam lho: Dougno: Bidnyid ri gyeung" shang: nhang: wa shid re" hau: khoem" moo" joem moo yhe: zung" nhang: too" bye:. O" Mangsoo we"- he: ziri we' myid boin: lho: xoem" too" byid: la. Houg: lho: re" da" gyi: sheung: da" jheddab myid yoomo ngoo ri ashid: lho: nyid deing too" nhang: la.

NEHEMIA 13:30

Ngoo gi mung" byu yiri tungbau yo' sen: da" khyoo: dangain" mo kyeing shang: pyam byid: bye:. Khainjung yi yo' Levi byu yi yugkhang" moo" nyang: yug nya: moo" ri si' goo" wa shid re" cang yhi: ca" da" tarha" joem ri nyheing too" bye:.

YOBA 1:5

Pui" koid bain khang" moo" thang: nyid" nab soin: Yoba gi no' mo yhoeb so" to' lho: nya: zoo: yi yugkhang" moo" ri kyeing sain' byid: wa shid re" xoin" lhung ngei" byid: da:. Nyang: khanham we' hidsu" ciwim lhung koid ga: ri nya: zoo: yi mo dayug yug gi aboin: asoo" lho: Mangsoo ri rue" da" khyo" yooboo shoid goo" abe ga: myid wigi nghoid da:.

THU' LO" MOUGSOUG" 19:10

Aseing gi nyang: ri «Byumyu" yi jhang gyoo" yhe: wigi nyangnu" ri noku coung" nghei wa shid re" akhid" nyid" yo' nab yo nyid" nyangnu" nyang: gung ri kyeing sain goo" baja". Nyangnu" nyang: mi byi: ri we' cid" lho:

THU' LO" MOUGSOUG" 19:15

Houg: lho: Moshe gi nyangnu" ri «Soem" nyid" ein: nyid" ri soin' nyheing too" ge'. hau: ayo, khoug: moo myiyi: yuggi gung shoo" zoem" khyoo: ri akoid goo"» ga: tid.

HEBRE 5:1

Khainjung agyi yug khang" moo" gi yooboo yoomo xoin" du: yo' jhung: shug jhung: lang: ngei" byid: baja"- byumyu" yi mo khyen: yu lho: xang: su" byu yi dangain" mo, shid re" Mangsoo ri noku coung" nghei wa shid' mo nyheung to" zi shau" su: nghoid nyid.

HEBRE 5:3

Nyang: nya: da" gung du: yoem: nu: su anghoid nyid yoomo byu gootu: yi da" youg: noo yoobo shid re" za: we' anghoid- nya: yoobo shid re" we' xoin" to' yu ca".