NEHEMIA 10:39 - Lacid Common Language Bible

³⁹ Israela byumyu" yi yo' Levi byu yigi shivoo:- zabyid- yo' zhainloin: xu: ri Noku Yhoem: Moo" mo oug" khu lang: bain to" da" zi too" yab joem moo" eung: da" khainjung yi Noku Yhoem: Moo" zung" bang:- yo' Noku Yhoem: Moo" mo thui: joeb coung" bang: moo bo bo da" mo, lung" da" joyoo khyoo: ci: yhi: ca" goo" wa zi nghoid da:. Ngoonu" gi ngoonu" Mangso da" yhoem: ri ashe: pyam too" wa.

NEHEMIA 10:39 ပူးပေါင်းရင်းမြစ်များ

2 KHOKHAM 7:10

Houg: yoomo nyangnu" gi Suri dab mo to' yhe: lo" wigi Samari voomoo" khyoo: tau" lo" ago". Houg: lho: vang khyam: khoem" moo" duang: zung" su: ri khe: yu lho: «Ngoonu" gi Suri byu yi dab khyoo: yhe: wigi byu dayug we' amyang- ce: thui: we' ashau" gyoo:- myang: joem yo' loo zei: joem ri we' tei" aphid:- zoem" joem ri we' Suri byu yi too" kho' zi ce: ashai" nghoid da» ga: tid.

2 KHOKHAM MHOOMYID: 31:11

Khokham amyeing" ri cang wigi nyangnu" gi noku yhoem: moo" vang" moo jhi: koid boem ago".

2 KHOKHAM MHOOMYID: 31:12

Houg: lho: jhungshug joem dangain" yo' daxi: boem daboem joem ri hau: joem moo gau: gau: kaid to" ago". Nyangnu" gi Levi byu Khonania ga: su: ri houg moo yu" coung: wa yoovoin byid: wigi nya: nhung" Shimi gi nya: moo" pang" zei: yug khyo" moo" byid: to" boem.

NEHEMIA 12:47

Zerubabela da" apyaid moo we' Nehemia da" apyaid moo we' Israela byumyu" dangain" bang: gi Noku Yhoem: Moo" mo music phung: yo' Noku Yhoem: Moo" zung" bang: shid re" nyid" khang" moo" jhungshug pang" thoug byid: ago". Meing: byu yigi Levi byu yiri gyeung" shang: da" xoin" ri byid: lho: Levi byu yigi khainjung yiri byid: ca" da" gu: ri byid: ago".

COUNG" NGHEI 122:9

Aseing yha" Mangso yhoem: gang mo re" da" nyid di nyid gi wa shid re" ngoo akyu" mho' nyid.

GYUNG: SOO" 18:26

Levi byu yiri tid wa shid re" amyeing" byid: zigi «Nanu" gi Aseing wigi nanu" da" jonu" khyo" byid: da" Israela byumyu" yi mo daxi: boem mo daboem ri shoug" khab yu uri nanu" gi gooki lid alu: jhungshug khyo" Aseing ri daxi: boem mo daboem ri byid: ca" wa zi nghoid.

GYUNG: SOO" 18:30

Yoo koid su: nya: xoin" ri bain ngei" thang: ri deing da" gu: ri zheing" to" ziyo' dayhang: ti" ge thang da" du ri nanu" bain shugbyid: thang: ri deing da" gu: ri nanu" yo" zheing" too" wa zi nghoid.

TARHA" TID POIN" 12:17

Nanu" nyid da" joyoo moo nanu" Aseing ri shugbyid: da" ciri we' age zoo: nghoid da:. Nanu" da" shivoo: daxi: boem mo daboem alu: ri zabyid yhid: alu: ri nanu" da" zhainloin: xu: alu: ri nanu" da" xang: shi' xang" nunu" yang nu" alu: ri Aseing shid re" dangsoo" to" da" jhungshug alu: ri myid boo yoomo byid: da" alu: ri gootu: ce: ja: alu: ri we' age zoo: nghoid da:.

HEBRE 10:25

Nyhang" nyang: cang" zeung: foem: da" thung" ri ri dayham" gi she: pyam' nyid boem ago". Nyhang" gi houg: su" akoid boem loo: za: hau: Aseing: doem ju" ri" wa da" bidnyid jhang loo bye: ziri se' nyid boem bye: yoomo nyang: cang" nyang: je" wigi yoem: byid: go" nyid boem shang.