NEHEMIA 10:32 - Lacid Common Language Bible

³² Ngoonu" yugkhang" moo" gi zain khang" moo" Noku Yhoem: Moo" moo yhung: ca" wa shid re" ngei eig xi: phoin: kaid wa.

NEHEMIA 10:32 ပူးပေါင်းရင်းမြစ်များ

APOEM AYANG: 28:22

Ngoo zhug to" da" he: xang: yoeb ladoo" lugzeing- he: joyoo moo nang ri ngoo lo noku wa. Houg: lho: nang ngoo ri byid: moo byid: dangain" da" daxi: boem mo daboem nang ri byid: wa» ga: tid.

1 KHOKHAM MHOOMYID: 26:27

Nyangnu" gi gyipui" moo shau" shoem" yu da" lanyhoeb joem mo dayham" ri yu wigi Noku Yhoem: Moo" moo ci: wa shid re" shugbyid: ago".

NEHEMIA 13:15

Hau: ayo, moo Yuda mung" mo mung" byu yigi Dougno: Bidnyid ri zabyid shi" joem mo ayeing pyeig nyid boem ziri ngoo shau" myang da:. Gooji dayham" gi nyangnu" da" loo zei: joem too: moo shivoo:- zabyid yhid:- zabyid shi" joem lafoem' shi" joem yo' goo" ja: joem ri koid: soin' tho' lho: Yerusalem khyoo: yhe: lo" boem da:. Ngoo gi nyangnu" ri Dougno: Bidnyid moo ci: we' aoung" zoo: goo" ein: tid poin" bye:.

NEHEMIA 13:18

Mangso wigi he: voomoo" ri phyo' shoin' pyam lho: nanu" phoug" phyid" yiri yooboo dam byid: ziri hid: su" wim yoomo nyang: nghoid bye:. Nghoid loug we' nanu" gi Dougno: Bidnyid ri phung youg sho' koid lho: Israela byumyu" yi dang moo Mangso da" nheig yo: zi je gyo" zang" nhang: wa khyo" jhen" lho: koid nyid ago"» ein: tid bye:.

NEHEMIA 13:21

Ngoo gi nyangnu" ri «Houg moo moug: boo" sho' lang" loug ce: akyu" aboo goo" wa lhid"- nanu" hidsu" doem koid nghoid rigi ngoo nanu" ri shoug" khaid thu wa» ein: tid poin" bye:. Hau: ayo, mo gi Dougno: Bidnyid ri nyangnu" adoem ri" loo nghoid ago".

NEHEMIA 5:10

Ngoo gi mung" byu yiri ngoo mo ngei yo' gug zoo ri jhid" yu nhang: bye:. Houg: lho: nga" byencang" yi yo' nga" shid re" moo zei: mo, ri we' dayhang: ti" jhid" byid: ago". Akhid" ngoonu" gi ngoonu" doem yo" yu ca" zi dangain" ri to" pyam boem loo: shang.

NEHEMIA 9:14

Nang gi nyangnu" ri re" Dougno: Bidnyid ri gyeung" shang: sho' too" wa shid re" jhau" shid bye:. Houg: lho: nang gi re" dei zoo: Moshe khyo" nyangnu" ri re" Tarha" joem byid: bye:.

THU' LO" MOUGSOUG" 23:11

Nghoid loug we' nyhed zain ein: zain rigi mougmyid ri dougnoo: nhang: wa. Houg mo yug re" da" gu: ciri we' ayham" yu goo". Houg mo yug jo, gu: gi sho" jhen: bang: zoo: wa shid re" nghoid baja". Doem deung shi" gu: gi siyoo gougnyhoug shid re" nghoid baja". Re" zabyid khyam: we' zhainloin: gam joem we' houg yo' dakhyoo" ti" nghoid baja".

DANG: ZHOEM 3:9

Re" da" mougmyid mo thu' lo da- shivoo: shiloem dangain" jang" mo ge thang ja: yo' ngei" to' byid: khyo" wigi Aseing ri phoug" tab, ngi: byid: we'.

2~KORINTHU 8:12

Nanu" moo byid: gam nau da" emyid, bo vho" ngei nyid boem rigi mangsoo gi nanu" yo" byid: yhi' mo byid: da" alu joem ri lhoem: kham yu wa zi nghoid. Nanu" age bui" ziri Mangsoo: gi mho' wa zi anghoid.