NEHEMIA 10:29 - Lacid Common Language Bible

²⁹ ngoonu" da" vhujhung: xo' tei" lho: hid su" khyo" jham' tang: bye:. Hau: zi ngoonu" phyo' soin' pyam lang" dam dab zoo: wa. Ngoonu" gi Moshe khyo" wigi Mangsoo byid: to" da" Mangso Tarha" yo' dakhyo" nyid wa. Ngoonu" gi Aseing ngoonu" Aseing wigi ngoonu" ri byid: to" da" amyeing" dangain" ri cang nyid wa. Ngoonu" gi nya: tarha" joem dangain" yo' nyang: mho' zi dangain" ri cang wa ein: jham' tang: boem bye:.

NEHEMIA 10:29 ပူးပေါင်းရင်းမြစ်များ

2 KHOKHAM 10:31

Nghoid loug we' Yehu gi Israela Aseing Mangso da" tarha" ri nya: oungkhoug: nheigloem: dangain" yo' acang atam" gyoo: nghoid da:. Hau: gungthid- nyang: gi Israela byu yiri yooboo shu" shoid su: Yeroboam da" leig ri cang da:.

2 KHOKHAM 23:3

Nyang: gi khokham kho" yhoem: zeing bung: nam moo yab jo, lho: nyang: ri tid dang: gyoo: wa nya: tarha" yo' amyeing" dang: joem ri nya: oung: khoug: nheigloem: dangain" yo' cang nyid wigi mougsoug" pug moo lhid" to" ziyo' dakhyoo" ti" hau: dang: theing mo cang nhang: to" ziri khyid: ju" lo, yug zei: pyeing cang koid wa shid re" Aseing yo' dang: theing koid da:. Houg: lho: byumyu" yi dangain" we' hau: dang: theing ri cang wa dangsoo" to" ago".

1 KHOKHAM MHOOMYID: 9:2

Nyangnu" seing: da" voomoo" joem khyoo: xang: shi" doem tau" lo da" bang: moo: Israela byumyu" yi khainjung yi Levi byu yi Noku Yhoem: Moo" moo: moo" zei: bang: bo bo ago".

2 KHOKHAM MHOOMYID: 34:31

Nyang: gi khokham kho" yhoem: zeing bung: nam moo yab jo, lho: nyang: ri tid dang: gyoo: wa nya: tarha" yo' amyeing" dang: joem ri nya: oung: khoug: nheigloem: dangain" wigi cang nyid wigi mougsoug" pug moo lhid" to" ziyo' dakhyoo" ti" hau: dang: theing mo cang nhang: to" ziri khyid: ju" lo, yug zei: pyeing cang koid wa shid re" Aseing yo' dang: theing koid da:. Houg lho: byumyu" yi dangain" we' hau: dang: theing ri cang wa dangsoo" to" ago".

2 KHOKHAM MHOOMYID: 6:16

Akhid" Israela da" Aseing Mangsoo we"- nang gi nga" phoo ri nya: amyed ashen dayug gi ajang" Israela khokham khyo" vhoeb nyid wa ga: dangsoo" byid: to" da" dangsoo" gootu: ri we' jhug zug byid: la. Nyang: nang ri nyeing" za: tid dang: gyo: lo ziyo' dakhyoo" ti" nyangnu" ri we' nang ri tid dang: gyoo: wa shid re" pang" thoug byid: la.

NEHEMIA 13:25

Hau: yuggi yiri ngoo nheig yo: wigi nyangnu" dang moo nheing" khoin" khe: khyo' yu ziyo' nyangnu" ri baid- nyangnu" shoomoug" lang: phoin' pyam byid: bye:. Hau: thang: ngoo gi nyangnu" yo' nyangnu" da" zooshang: yiri khanham we' tungbau byumyu" yi yo' myi: byid: myi: yu akoid loo: wa ga: da" jham' tang: dang: ri Mangso myeing lang: wigi too" nhang: bye:.

NEHEMIA 7:46

Phung" she: lo" jang" mo doem tau" lo da" Noku Yhoem: Moo" mo moo" zei: bang: da" akung: yigi Ziha- Hasupha- Tabaod- Kero- Siaha- Padon- Lebana- Hagaba- Shalmai- Hanan- Gidela- Gahara- Reaia- Rezin- Nekoda- Gazam- Uza- Pasea- Besai- Meunim- Nephushesim- Bakbud- Hakupha- Harhura- Bazlid- Mehida- Harsha- Barko- Sisera- Tema- Nezia yo' Hatipha bang: nghoid ago".

NEHEMIA 8:2

Houg: yoomo Ezra gi yuggi yi myiyi: yi yo' se' gyoo: wa yhi' nheigboo bye: da" zooshang: yi phung: foem: nyid da" joyoo khyoo: hau: tarha" pug ri ci: loo byid: da:.

NEHEMIA 8:3

Hau: khoem" moo" nam mo shava jang: moo nab soin: no' mo zi bid gung tu: sho' nyangnu" ri tarha" nghab kyo" da:. Houg: lho: nyangnu" gi myid boo tung" tam" gyoo: yu ago".

NEHEMIA 9:38

Bue" lo khyoo: dangain" gang mo Israela byu yi ngoonu" gi hid moo: geing: teing da" myid veing" aso" lhid" wigi ngoonu" da" vhujhung: yi ngoonu" da" Levi byu yi yo' ngoonu" da" khainjung yigi hau: dang moo nyangnu" dazid ri thung" to" ago".

COUNG" NGHEI 105:45

Hougsu" koid da" khyoo: gi nya: da" byumyu" yiri nya: da" tarha" gyoo: lho: nya: da" amyeing" tarha" dangain" ziri yo" cang pyeung goo" wa shid re" nghoid. Aseing ri coung" nghei nyid ge' o".

COUNG" NGHEI 119:106

Re" da" deingmain" khyoo: shed dang: khoin" joem ri tam" gyo: cang yhi: wa shid re" nga" geung: teung da" dangsoo" khoin" yo' dakhyoo" ti" ngoo cang zei: pyeung nyid wa nghoid.

COUNG" NGHEI 8:1

O" Aseing ngoonu" da" Aseing we"- re" da" reung: thang khyoo: ri Mougmyid gyab goin" mo, shau" myang boem bye: nang ri coung" nghei thui: gi moug: moo: hung: tu" too" bye:.

COUNG" NGHEI 8:9

O" Aseing ngoonu" da" Aseing we" re" da" reung: thang khyoo: ri mougmyid gyab, goin" mo, shau" myang boem bye:.

ESAIA 14:1

Aseing gi nya: byumyu" Israela ri dalheing: doem nheig khyeug byid: lho: nya: byumyu" khyo" nyangnu" ri doem khyen: yu loo wa. Nyangnu" nya: mung" moo nyangnu" ri doem nyid nhang: wa. Tungbau byu yigi ju" re" lho: houg moo nyangnu" yo' dage" re" nyid boem wa.

YEREMIA 26:4

Aseing gi byumyu" yiri tid wa shid re" ngoo ri «Nanu" ri ngoo byid: to" da" jhau" shid khyoo: ri phau" cang da" khyo" we

YEREMIA 34:15

Akhid" eig soem" nyid" gyoo: moo za: nanu" myid doem thid pyam wigi ngoo ri vho: ngei nhang: da:. Nanu" dangain" bang: gi ngoo ri noku da" joyoo Noku Yhoem: Moo" nga" shidkhoin" moo nanu" da" Israela mang: nhung" yiri nhang: kaid byid: wa myid veing" khyoo: koid abye: go".

EZEKIEL 36:27

Ngoo gi nanu" akhoug: moo nga" da" Venyi: ri kaid byid: wigi nanu" ri ngoo byid: too" bye: da" tarha" joem ri cang wigi amyeing" dang: ri zoem: ci: boem ziri myang wa zi nghoid.

XOIN" NGEI" 20:26

Nanu" gi gyeung" shang: nyid ziyo' ngoo kyeing" seing: da" bang: nghoid nyid. Ciwim gari: ngoo gi Aseing nghoid ziyo' ngoo gi gyeung" shang: nyid. Nanu" ri ngoo dayug kyeing" seing: wa shid re" ngoo gi nanu" ri gootu: byumyu" yi mo gootu: nyang: khyen: kho' too" bye:.

MALAKHI 4:4

Nanu" gi nga" da" join Moshe da" tarha" ri xoem" too" we'. He: zigi Sina boem tho' mo wigi Israela byumyu" yi dangain" mo, cang wa shid re" ngoo nyang: ri byid: to" tarha" nghoid.

GYUNG: SOO" 5:21

Aseing gi re" byu yi phung: moo: re" myeing ri nheing" khoin" kaid baja". Nyang: gi re" da" myiyi: alhoo: ri kyug zhoin: loo" nhang: wigi re" voem: dau: yam: loo nhang: baja".

YOHAN 1:17

Mangsoo gi tarha" ri Moshe khyoo" wigi byid: kaid. Nghoidloug we' Jeju" yo" deingmain" zigi Yesu Hkristu khyo" wi ju" loo bye.

YOHAN 15:14

Nanu" ngoo tid da" mungdang: khyo" cang nghoid rigi nga" da" bidnoem yi nghoid boem wa.

YOHAN 7:19

Moshe gi nanu" ri tarha" byid: to" anghoid goo" la". Nghoidloug nanu" dayug we' hau: tarha" ri acang boem. Nanu" gi ngoori said pyam wa shid' re" cikoid; sho: nyid go"- ga: myid.

ACTS 11:23

Barnaba gi Antioki voogung khyoo: ju" yhe: lho: mung" byu yi ri Mangsoo gi khasu" ga: mainkaid byid: to" da" khyoo: ri yhe: myang lang" yu" gau, lho: wigi Aseing: ri nyangnu" da" nheigloem: khoug: moo teing" teing zei: ci: lho: wigi voin: tang: za: phau" cang nyid boem wa shid mo nyangnu" dangain" mo, ri yoem: byid: joug jhoin"

ACTS 17:34

Byu dayham" gi Polu da" thang: cang wigi Yesu ri loem" jeung" lo boem ago". Houg: bang: mo Dionusi ga: da" Aripagu kongsi: phung: moo bo da" tarha" agyi Damari ga: da" myiyi: dayug we' bo da- mung" byu yi dayham" bang: we' bo da.

ACTS 23:21

Nyang: nu" da" dang: ri nang atam" gyoo: - Khasu" wim gari byu myed: xi: yug jain" gi fu" moo" khyoo: moo gau" jo, lho: wigi nyang: ri lang" nyid boem wa nghoid. Nyang: nu" gi Polu ri za: ayo" said' pyam' pyam' gi ci" we' azoo: ashug wa ga: jham, gye" tang: lho: nheung" ci: abye: go. Akhid" nyangnu" gi Polu ri said' pyam' wa shid re" nyheung. soin' to" wigi re" da" dang: riza: dalang" nyid lo: ago"» ga: tid kyo".

Roma 12:9

Nanu" da" jheddab nheigloem: moo ayid void khyoo: dajhi' we' age boo.Nanu" gi anyhoin: athoung" da" khyoo: ri ngheing" lho: wigi ge' lho' da" khyoo: ri vho: ngei nyid ge'.

TARHA" TID POIN" 33:4

Ngoonu" ri Moshe byid: to" da" tarha" ri ngoonu" tam" gyo: cang yhe: nyid. Hau zigi ngoonu" byumyu" da" phoug" thang da" jonu" nghoid da:.

TARHA" TID POIN" 5:1

Moshe gi Israela byumyu" yi dangain" ri dage" khe: zheing" yu lho: nyangnu" ri «Israela byumyu" yi we"- akhid" nyid" ngoo nanu" ri byid: wa da" tarha" joem dangain" ri tam" gyoo: ge'. Hau: joem ri jhoug" yu wigi hau: joem ri gyeing" nyang: tam" gyo: cang yhe: nyid ge'.

TARHA" TID POIN" 5:32

Moshe gi byumyu" yiri­ «Israela byumyu" yi we"- nanu" Aseing Mangsoo wigi nanu" ri amyeing" byid: bye: da" ja: khang" moo" ri nanu" gyeing" nyang: koid nyid ge'. Nya: tarha" daja: ja: ri we' atam" gyoo: akoid goo".