NEHEMIA 1:9 - Lacid Common Language Bible

⁹ Nghoid loug we' nanu" nga" jhang doem lheing: lo wigi ngoo mo nanu" ri amyeing" byid: to" ziri koid boem nghoid rigi nanu" ri mougmyid thang sho' khyoo: kho' sain" pyam bye: nghoid loug we' ngoo ri noku coung" wa shid re" khyen: to" da" joyoo khyoo: nanu" ri doem shu" tau" yu wa› ga: zi nghoid.

NEHEMIA 1:9 ပူးပေါင်းရင်းမြစ်များ

1 KHOKHAM 8:48

Hau: mung" moo nyangnu" gyeing" nyang: nheigloem: phyu: ziyo' nung myid yo" wigi ngoonu" da" phoug" phyid" ri byid: too" bye: da" he: mung" khyoo: myonhoo: shu: lho: nang khyen: too" bye: da" he: voomoo" yo' re" shid re" ngoo koid too" bye: da" he: Noku Yhoem: Moo" khyoo: nang ri akyu" mho' uri

1 KHOKHAM 9:3

Aseing gi nyang: ri «Re" akyu" mho' dang: ri ngoo shau" gyo: bye:. Apyaid atoo: ngoo ri noku wa da" joyoo ein: da" he: nang koid bye: da" Noku Yhoem: Moo" ri ngoo younglho' nhang: bye:. Ngoo hau: ziri zung" nyid wigi ayo, dangain" moo goem loem byid: nyid wa nghoid.

1 KHOKHAM MHOOMYID: 16:35

Nyang: ri «O" ngoonu" khyoid yu Aseing Mangsoo we"- ngoonu" ri khyoid yu la. Ngoonu" ri byumyu" yi mo khyoid yu lho: dage" zheing" foem: too" we'. Houg: lang" ngoonu" gi nang ri jeju" yo" boin: lho: re" gyeung" shang: myeing ri yo" coung" wa zi nghoid» ein: tid we'.

EZRA 6:12

He: amyeing" dang: ri atam" gyoo: wigi Noku Yhoem: Moo" khyo" khyen: to" da' Yerusalem ri phyo' shoin' wa shid re" koid nyid da" khokham nghoid nghoid mung" byu yi nghoid nghoid Mangso wigi she: pyam zi shoug" wa zi nghoid. Ngoo Dari khokham gi he: amyeing" dang: ri byid: too" bye:. Nga" amyeing" dang: dangain" ri tam" gyoo: ge» ga: lhid" to" da:.

COUNG" NGHEI 106:47

Ngoonu" da" Aseing Mangsoo we"- ngoonu" ri khyoid yu we' byumyu" yi da" akhoug: mo ngoonu" ri doem shu" tau" loo we'. Hougsu" nghoid lang- re" da" gyeung" shang: myeing khyang" ri coung" nghei lho ngoonu" nang ri jeju" boin: nyid boem wa.

COUNG" NGHEI 107:3

Nyang: gi moug: vhoem" moug: thang: bid thu bidvang mungdain: loem khang" moo" mo nanu" ri doem shu" tau" lo abye:.

COUNG" NGHEI 147:2

Aseing gi Yerusalem voomoo" ri doem zhoug to" wigi goomeing: khyoo: khaid thu' pyam zi shoug mo, ri doem shu" tau" loo wa.

ESAIA 11:12

Aseing gi nyid byo: sain" jo, da" Israela yo' Yuda byumyu" yiri dalheing: doem zheing" yu nyid khyoo: ri byumyu" yiri ci: shug byid: wa shid re" aved asoo" dung khoin: ri tu: to' loo wa. Houg: lho: mougmyid myonhoo: myid: shoid goin" mo nyangnu" ri doem shu" tau" yu loo goo" wa.

ESAIA 27:12

Hau: bidnyid moo Aseing gi Uphrad lang mo zi Egutu mougkyoo" ju" sho' moo nyid da" nya: byumyu" yiri sungsoo: soem: yo' mo ziri khyen: kho' yu ziyo' dakhyo" dayug thang: dayug zheing" yu loo wa.

ESAIA 56:8

Nya: byumyu" yiri pyoung" she: lo" jang" mo yhoem: khyoo: shu" loo su: Myhang: thang Aseing gi houg: bang: yo' xo' tei" wa shid re" nyang: gi byumyu" gootu: ri we' shu" loo wa» ga: da" khyoo: ri dangsoo" byid: to" da:.

YEREMIA 12:15

Nghoid loug we' nyangnu" ri ngoo yu pyam thang: ri nyangnu" ri ngoo nheig khyeug yu wa. Ngoo gi byumyu" khang" moo" ri nyangnu" nya: mougmyid khyoo: yo' nyangnu" nya: mungdain: khyoo: shu" loo" wa.

YEREMIA 3:14

Jhug azug da" byumyu" yi we"- doem tau" loo ge'. Nanu" ri ngoo seing: zi nghoid. Ngoo gi nanu" ri voogung khang" moo" mo dayug yug- byumyu" kung: khang" moo" mo eig yug yug ri Ziun boem khyoo: doem shu" tau" yu wa.

YEREMIA 31:10

Aseing tid zigi «Byumyu" yi we"- nga" dang: ri tam" gyoo: ge'. Nga" mungdang: joem ri gyid yam mo zi ve: da" joyoo khyoo: tid fu" kaid ge'. Nga" byumyu" yiri ngoo nyhid: sain" kaid bye:- nghoid loug we' ngoo nyangnu" ri doem zheing" yu wa. Houg: lho: yang zung" su: gi nya: yang kyung ri goem loem byid: yhang: ti" nyangnu" ri ngoo goem loem byid: wa.

YEREMIA 32:37

Ngoo nheig yo: wigi nyangnu" ri ngoo nyhid: sain" to" da" mungdain: dangain" mo byu yiri ngoo zheing" yu wa. Nyangnu" ri ngoo he: joyoo khyoo: doem shu" tau" yu wigi hid moo: gau: gau: za: nyangnu" ri nyid nhang: wa.

YEREMIA 6:22

Aseing tid zigi «Mougzhung: shoid mungdain: daloem: mo byu yi re" lo nyid ago". Moug: vi: mo yoem: so' gyi: da" byumyu" damyu" gi gyi soin' nyid boem.

EZEKIEL 14:6

«Houg: lho: akhid" ngoo yoem: moo" bo Aseing tid nyid ziri Israela byumyu" yiri tid kyoo" we'. Doem lheing: tau" lo wigi nanu" da" aco' ajhoid soolhoo: yu phara" joem ri to" pyam khoo' ge'.

EZEKIEL 36:24

Ngoo gi nanu" ri byumyu" ja: khang" moo" yo' mungdain: khyi' khang" moo" moo shu" yu lho: nanu" nya: moug: khyoo: shu" tau" loo wa.

XOIN" NGEI" 26:3

Nanu" nga" tarha" joem yo' dakhyo" nyid lho: nga" amyeing" dang: ri cang nghoid rigi

ZEKHARIA 8:7

Nyangnu" ri shu" byo sain" loo" shau" da" mungdain joem mo nga" mung" byu yiri ngoo khyoid yu shi" wa zi nghoid lho:

MATHE 24:31

Byu da" nya: zoo: gi laboo" zeing myeing: lo da" uri nya: da" moug: lagyoo: joem ri mougmyid myonhoo: myid: shoid khyoo nhang: kaid wigi Mougmyid dashoid mo zi dashoid khyoo thang sho' moo nyid da" Aseing khyen: too" mo, ri nyangnu" zeung: foem: nyid wa.

TARHA" TID POIN" 12:21

Hau: daloem: kyeing" da" noku joyoo gi sung vi: lho: nghoid rigi nanu" ri ngoo tid too" bye: ziyo' dayhang: ti" nanu" vho: da" uri Aseing nanu" ri byid: to" da" nanu" nu: angoid lang" yang mo dadu: du: ri said lho: hau: shoo" ri yhoem: moo nanu" yo" zo: ago".

TARHA" TID POIN" 12:5

Aseing gi nanu" byumyu" kung: dangain" mo, da" mougmyid mo joyoo daloem: ri khyen: yu wa zi nghoid. hau: joyoo moo byumyu" yi nya: shidkhoin" khyoo: re" wigi nyang: ri yo" noku wa zi nghoid.

TARHA" TID POIN" 30:1

«Akhid" ngoo nanu" ri mainkaid jeju" yo' nheing" khoin" ri khyen: yu wa shid re" byid: too" bye:. He: gu: dangain" nanu" moo bue" loo lang" nanu" gi nanu" Aseing Mangso wigi khaid sain" kaid da" mung" mo byumyu" yi agung moo ju" nyid da" uri ngoo nanu" ri byid: bye: da" khyen: yu wa ziri myid boin: loo goo" wa.