Ngoo nyangnu" ri byid: too" bye: da" he: mungdain: mo nga" byumyu" Israela bang: ri pyoung" shu" pyam wa zi nghoid. Ngoo ri noku wa da" joyoo ngoo khab yu too" bye: da" he: Noku Yhoem: Moo" ri we' ngoo she: pyam pyam wa zi nghoid. Khyi' khang" moo" moo nyid da" byumyu" yigi Israela byumyu" yiri aphoug" akhyoid koid ziyo' anoug ashoo" koid goo" wa zi nghoid.
NEHEMIA 1:3 - Lacid Common Language Bible3 Nyangnu" gi ashid: loo: nyid deing lho: moug: xoug" khyoo: doem lo" ju" nyid bang: gi gye" nyid yau: boem ziyo' aqei: ayam moo nyid da" tungbau byumyu" yigi nyangnu" ri yu" nge nyid boem da" khyoo: ngoo ri tid kyo" ago". Nyangnu" gi ngoo ri Yerusalem voomoo" vang joem byo, yoin" jo, shi" ziyo' voomoo" khoem" moo" joem gi nghe' pyam da" ayo, mo akhid" nyid" ju" sho' adoem so' koid shi" ziri tid kyo" ago". အခန်းကိုကြည့်ပါ။ |
NEHEMIA 1:3
33 ပူးပေါင်းရင်းမြစ်များ
Pyoung" she: loo" shoug" bang: gye" myoo: sho' gi Babelon mung" mo zi nyangnu" yhoem: moug: nghoid da" Yerusalem yo' Yuda mung" khyoo: doem tau" thu lo" ago". Nyangnu" gi Babelon moo Nebukhadneza khokham koid ayo, ri thung: byu yi yhang: ti" houg moo shu" to" da" pyoung" she: loo" shoug" bang: nghoid.
«Nang aseing khokham gi ngoonu" Yuda mung" du khyoo: yhe: wigi myhang: thang Mangso da" Noku Yhoem: Moo" ri lug moo" zeing joem yo' koid nyid ziyo' vooyam vang khyam: ri we' seig ti: doem: koid nyid ziri yo" se' myang baja" gye" zeing: kham: yoem: kaid ziyo' moo" zoo" oung: doid lo wigi lo, zoo" shid khyoo: zo" zo" mo yui: lo" nyid abye:.
Gootu: voogung joem yo' voomoo" joem moo gi Israela byumyu" yi khainjung yi Levi byu yi Noku Yhoem: Moo" moo moo" zei: bang: yo' Sholumon da" dei zoo: yi da" amyed ashen yigi nyangnu" nya: voogung joem moo nyid boem ago". Vhoo: moo zhayhen" bo da" bang: gi Yerusalem moo nyid da" Yuda mung" du mo vhujhung: koid da" voobyu yi nghoid ago".
Bidvang shoid langkhung" khoem" moo" khyo" ngoo voomoo" mo thu lo" lho: mougpyi: shoid Mainjung: gyid thu khyo" mhoid soid khoem" moo" khyoo: yhe: lo" da" uri myen" ayo, danghoid ashi". Ngoo yhe: lo" zoo" ri byo, yoin" jo, da" voomoo" vang joem yo' myi: wigi nghe' phyo' pyam to" da" khoem" moo" joem ri joeb ca: yu" khoo' bye:.
Nghoid loug we' akhid" koem' gi ngo wigi nyangnu" ri «Yerusalem byo, yoin" jo, lho: hau: da" voomoo" khoem" joem gi phyo' shoin' pyam zi shoug" yoomo ngoonu" khasu" yau: khi" loem zo: nyid ziri yu" ge'. voomoo" vang khyam: joem ri doem so' zhug lho: ngoonu" da" ngi: yoem" khyoo: ri thang nhang: loo: goo" shang» ein: tid bye:.
Houg: lho: ngoo gi «Aseing khokham apyaid atoo: moo kang: sheing: nyid baja" o". Nga" phoug" phyid" yiri myhoeb to" da" voomoo" gi byo, yoin" boem khoug: moo nhe' boem" jo, wigi hau: voomoo" khoem" joem we' myi wigi nghe' pyam zi shoug" uri ngoo myo nhoo: byo, nheig akug khasu" yo" koid wa» ein: phug tid bye:.
Pyoung" she: loo" shoug" bang: myoo" sho' gi Babelon mung" du mo thu lo wigi Yerusalem yo' Yuda mung" nyang: yug nya: voogung khyoo: doem tau" lo ago". Nyangnu" yhoemkhung: byu yigi khokham Nebukhadneza wigi nyangnu" ri thung: byu yi khyo" shu" lo" da" ayo, mo Babelon moo pyoung" she: loo" shoug" ziyo' dakhyo" nyid lid lo ago".
Ngoo gi nyangnu" adang moo houg yhang: ti" da" yau: khe" kyi" khyeug zi bui" nhang: yoomo mougmyid dang mo byumyu" yi dangain" gi gyoug dain boem goo" wa. Byumyu" yigi nyangnu" ri juang"- nyangnu" khyoo: ri yi noug tu'- nyangnu" ri aphoug" akhyoid koid- nyangnu" da" myeing ri ngo wigi nyangnu" ri nyhid: sain" to" da" joyoo khyi' khang" moo" moo nheing" khoin" khyo" ci: loo goo" wa.
Ngoo gi nyangnu" ri gyipui"- zooyoid khyoo:- noo bue" khyoo: wigi cang khaid lho: mougmyid goin" mo byumyu" dangain" gi nyangnu" ri shau" myang wigi gyoug dain byug goo" wa. Khyi' khang" moo" khyoo: ngo wigi nyhid: sain" kaid wigi nyangnu" adang moo bue" ziri byu joem gi mo, byug wigi gyoug dain byug goo" wa. Byu yigi nyangnu" ri juang" wigi nyangnu" myeing ri nheing" khoin" khyo" ci: loo goo" wa.
«Israela da" Aseing Mangsoo tid zigi ‹Nanu" Egutu mung" khyoo: yhe: nghoid rigi nga" nheig yo: ziyo' nheig joem: yo: ziri Yerusalem voobyu yi dang moo foid shoin" byid: ziyo' dayhang: ti" nga" nheig joem: yo: zigi nanu" adang moo foid shoin" byid: wa. Nanu" gi yu" gyoug yu" lhung: sho' da" myo, jang bui" wa. Byu yigi nanu" ri juang" wigi nanu" myeing ri nheing" khoin" khyo" ci: loo goo" wa. He: joyoo ri khanham we' adoem myang goo" wa› ga: tid da:.
Akhid" jham" coug: youg byo, yoin" jo, da" Yerusalem voomoo" gi goonham' gyi: sheung: reung: lid: lo da" khyoo: ri myid boin: nyid da:. Nya: gyivoo yi lo, khoug: khyoo: gyo" vang lo" da" uri nyang: ri pang" thoug yu wa zi hang" anyid. Nyang: ri oung: pyam bang: gi nyang: gyoeb, gyo" lo" khyoo: ri yu" yi nyid ago".
Vang khyam khoem" moo" joem gi mhoid soid boem khoug: moo: noeb leung jo,. Houg: mo khoem" kyang youg: joem gi ajab, amoin" khyau" sain" pyam zi shoug" bye:. Khokham" yo' zoug: ludaid yigi akhid" pyoung" she: lo" zi shau" abye: go". Tarha" ri we' ajhoug" byid: lo: ziyo' Lapi: yi we' Mangso jang" mo yoeb myang: ri we' ashau" myang boem loo: nghoid ago".
ကြော်ငြာတွေ