NEHEMIA 1:2 - Lacid Common Language Bible

² Nga" mang: nhung" yi mo dayug nghoid da" Hanani gi byu daphung: yo' dage" Yuda mung" khyo" ju" lo da:. Houg: lho: ngoo gi nyangnu" ri Yerusalem da" khyoo: yo' Babelon moo pyoung" nyhid: to" jang" mo doem tau" lo" da" ngoonu" da" mang: nhung" Yuda byu yi da" khyoo: ri lhoem: myid yu".

NEHEMIA 1:2 ပူးပေါင်းရင်းမြစ်များ

APOEM AYANG: 14:10

Pa: dam khoug: moo zhoonhi" thoem" koem: koem: byeung" jo, wigi Sodom khokham yo' Gomora khokham tang: gi gyi khaid meing: zain: jang: mo phang: uri zhoo" nhi" duang: moo byid gyo" boem ago". Nghoid loug we' gootu: khokham soem" yug bang: gi boem joem khyoo: phang: tang" byug boem.

2 KHOKHAM 24:14

Nebukhadneza gi Yerusalem voobyu yi khokham kho" mo moo" voin ludaid dangain"- vhujhung: yi dangain" ri byu damoin ri thung: byu khyo" pyoung" shu" lo" da:. Nyang: gi lo, moo" jhang: bang: sham baid bang: dangain" ri we' pyoung" lo" da:. Yuda mung" mo gi myung shoo" da" bang: ri za: teing too" kho' da:.

2 KHOKHAM 25:12

Nghoid loug we' nyang: gi zi yoo jonu" ci: ayoo" myung thang da" bang: ri Yuda mung" moo nyhid: too" kho' lho: nyangnu" ri zabyid khyam: moo yo' yoothung" joem moo moo" zei: nhang: da:.

EZRA 9:14

Hau: thang: ri khasu" wigi ngoonu" gi re" Dang: theing khoin" ri atam" gyoo: lho:. Hau: akhyeing" byumyu" yi yo' myiyu yoobyen yo" koid wa la". Ngoonu" hougsu" koid nghoid rigi dayug ri we' kangso' adei nhang: loo: za: ngoonu" dangain" bang: ri doem: loo" sho' nang koid wa anghoid la".

NEHEMIA 7:2

Ngoo gi Yerusalem ri vhoeb wa shid re" byu eig yug ri khyen: too" bye:. Nya: eig yug gi nga" nhung" Hanani yo' gyigoo zung: vhoeb da" zoug: Hanania tang: nghoid ago". Hanania gi loem ge" da" byu nghoid lho: Mangsoo ri gyoug phoug" da" yug- hang" yo' we' ayo" tu' sho' ge yug nghoid da:.

YEREMIA 44:14

Yuda mung" moo nyid deing bang: yo' Egutu mung" khyoo: yhe: ju" nyid boem da" Yuda byu yi mo dayug we' aphang: loid- anyid deing wa. Nyangnu" doem nyid nau da" Yuda mung" khyoo: nyangnu" mo dayug we' ayo" tau" loo goo" wa. Phang: khau: nyid da" byu dajhi' mo jain" wigi hang" we' ashau" tau" loo goo" wa» ga: tid da:.

EZEKIEL 6:9

Houg moo nyangnu" pyoung" nyhid: to" zi shoug" wa. Houg: moo nyangnu" ngoo ri myid boin: wigi nyangnu" da" jhug azug nheigloem: joem gi ngoo ri she: pyam lho: nyangnu" nga" tho' yu phara" soolhoo: ri je vho: ngei gang mo nyangnu" ri ngoo yooboo dam wigi ngi: yoem" nhang: ziri se' loo goo" wa. Houg: lho: nyangnu" gi nyangnu" nya: gung ri co' loo" goo" wa. Ciwim gari nyangnu" nyang: koid loo bye: da" akhyeing" ziyo' aco' ajhoid moo" zoo" joem yoomo nghoid.

EZEKIEL 7:16

Dayham" bang: gi lang: khung" joem mo kyug tang" kaid da" pheing" kyoug" joem yhang: ti" boem joem khyoo: phang: loid loo" goo" wa. Nyangnu" dangain" bang: gi nyangnu" da" yooboo joem gang mo koug ngau loo goo" wa.