MIKHA 7:9 - Lacid Common Language Bible

⁹ Ngoonu" gi Aseing ri thougtheung yooboo yoo" bye: yoomo nyang: nheig yo: ziri dayo, zoo: kham zo: boem ca" bye:. Nghoid loug we' lo" thang moo nyang: gi ngoonu" ri goem loem byid: wigi ngoonu" tho' mo shoid vhang: khyoo: ri doem nyheung foin: byid: loo wa nghoid. Nyang: gi ngoonu" ri bidbang khyoo: khe: thu yu wigi nyang: ngoonu" ri khyoid yu khyoo: shau" myang wa nghoid.

MIKHA 7:9 ပူးပေါင်းရင်းမြစ်များ

2 SAMUELA 24:17

David gi byumyu" yiri said da" moug: lagyoo: ri myang wigi Aseing ri «Ngoo gi yooboo yoo" su: nghoid. Ngoo gi yooboo koid shoid su: dayug we' nghoid. He: sho" jhen: da" byumyu" gi cikoid shoid bye: lha". Nang gi ngoo yo' nga" ikoin deungkhu: byu yiri dam byid: eung: nyid zi nghoid.

YOBA 23:10

Nghoid loug we' Mangsoo gi ngoo so" yhe: da" khyid: byi khang" moo" ri se' da:. Nyang: ngoo ri joeb ca: yu" nghoid rigi ngoo gyeung" shang: ziri shau" myang wa.

YOBA 35:14

Yoba we"- nang gi Mangsoo ri ashau" myang ga: tid da:. Nghoid loug we' nheigloem: sheing: sheing: to" lho: lang" nyid we'. Re" moo" zoo" gi nya: shidkhoin" moo jo, jo, da:.

COUNG" NGHEI 119:154

Nga" da" sei: ri goem loem byid: lho: ngoo ri: loid byoin nhang: we' nang dang soo" byid: to" ziyo' dakhyoo" ti" ngoo ri khyoid yu we'.

COUNG" NGHEI 37:6

Re" da" deingmain" khyoo: ri nyid" gung mo bidbang yhang: ti" nyang: thoin" pang byid: wa zi nghoid.

COUNG" NGHEI 43:1

Mangsoo we"- ngoo ri yooboo adab, su: nghoid ein: tid fu" byid: lho: Mangsoo aboo mo, jang" mo nga" sei: ri: goem loem byid: we'- mhau, fain" voo mo, yo' akhyeing" ashoeb da" byu yi lo, mo ngoo ri khyoid khyu: yu byid: we'.

COUNG" NGHEI 7:6

O" Aseing we"- nheug yoo: we' nga" gyivoo joem nheug yo: khyoo: ri toem pyam wa shid mo to' lo" lho: ngoo ri pang" yu we'. Nang gi nyeung veung" tarha" ri vho: ngei su: nghoid.

COUNG" NGHEI 94:15

Tarha" yung moo deingmain" da" khyoo: ri doem myang lo wigi deingmain" da" byu yi dangain" we' hau: khyoo: ri bo thoug pang" wa zi nghoid nyid.

ESAIA 42:16

«Ngoo gi nga" byumyu" myo, jed bang: ri nyangnu" khanham we' aso" yu" boem da" khyoo: joem khyoo: shu" loo" wa. Ngoo gi nyangnu" da" moug: coid ri bidbang bui" nhang: wigi akhyi" akhyoid da" kyoem: khoug: ri nyangnu" shidkhoin" mo khyoo: jhoid bui" nhang: wa. He: zigi nga" dang: soo" joem nghoid wigi ngoo gi hau: ziri ato" myid loosho' cang koid wa.

ESAIA 42:7

Nang gi myo, jid, yug ri myo, myang nhang: wa. moug: coid thung: khoug: moo nyid bang: ri loid byoin nhang: kaid byid: wa.

ESAIA 46:13

Ngoo gi oung: doid da" bidnyid ri jhang lo nhang: nyid hau: zigi dajhi' we' avi: loo. Nga" oung: doid khyoo: gi thang: agyoo" wa. Ngoo gi Yerusalem ri khyoid yu lho: Israela ri ngoo ngi: shab byid: wa» ga: tid da:.

ESAIA 51:22

Nanu" Aseing Mangsoo gi nanu" ri goem loem byid: wigi «Ngoo nheig yo: wigi nanu" ri byid: to" da" khu ri ngoo yu pyam nyid bye:. Nanu" ri apyi: akam" bui" nhang: da" zabyid yhid: ri nanu" ashug ca" loo: wa.

ESAIA 56:1

Aseing gi nya: byumyu" yiri «Deungmain" ziyo' jo ziri koid we'. Ciwim gari amyang" ri ngoo nanu" ri khyoid yu wa.

YEREMIA 10:19

Yerusalem voobyu nyho: yoid zigi «Ngoonu" gi gye" nyang: dam no boem bye: nhung:. Ngoonu" da" dam gi age byug loo wa. Houg: lho: ngoonu" gi hid: yhang: ti" zi yo" zeing: kham: wa ein: lhung jo:.

YEREMIA 14:7

Nga" byumyu" yigi ngoo ri nyho: yoid ago". ‹Ngoonu" da" yooboo joem gi ngoonu" ri yooboo zhug nghoid loug we' Aseing we"- nang dangsoo" byid: too" byid: ziyo' dayhang: ti" ngoonu" ri pang" thoug yu la. Ngoonu" gi nang mo vi: khyoo: myoo" sho' lheing: lheing: phug lo" boem bye:. Ngoonu" gi nang ri thougtheung yooboo koid boem bye:.

YEREMIA 51:10

Aseing tid zigi «Nga" byumyu" yi hid su" ga nyho: tid ago". Nyangnu" gi ‹Ngoonu" deingmain" ziri Aseing ci: shug byid: abye:. Yerusalem moo nyid da" bang: ri ngoonu" Aseing Mangsoo koid bye: khyoo: ri yhe: tid kyo" boem shang›» ga: tid da:.

NGOUG JI: 1:18

Nghoid loug we' Aseing gi tarha" nyeung veung" su: nghoid. Khasu" wim ga: ri ngoo gi nya: dang: ri atam" gyoo: koid lid: loo bye:. Khyi khang" moo" mo mo, we"- ngoo ri bo tam" gyoo: byid: ge'. Nga" da" dam noo ri bo yu" byid: ge'. Nga" zoolu: yi yo' zoomyi: yiri thung: byu khyo" myheug shu" lo" abye: go".

XOIN" NGEI" 26:41

Ngoo ri nyangnu" jhang gyi phug koid nhang: lho: nyangnu" da" gyivo mungdain: khyoo: pyoung" she: loo" shau" nhang: wa. Lo" thang ri nanu" amyed ashen yigi nheigloem: nyhoem khyo' wigi nyangnu" gyi koid ziyo' yooboo shid re" dam ri bain kham: pyam lang"

MALAKHI 3:18

Hau: lho: deing byeung" mo, yo' akhyeing" ashoeb mo, da" agyoo: moo nga" moo" zoo" ri bo pang" zei: su: yo' apang" zei: su: da" agyoo: moo adu go" khyoo: ri nga" byumyu" yigi shau" myang lo boem wa zi nghoid» ga: tid nyid.

1Korinthians 4:5

Houg: su" nghoid yoomo ayo, aju" shi" ri- nanu" dayug yo' dayug gi hang" ri nghoid loug we' tarha" dang: aphyed byid: nyid goo. Lo" thang bidnyid moo: tarha" dang: phyed wa da" Aseing ju" ri" sho' dalang" nyid ge'. Nyang: gi moug: coid khoug: moo: yhoem" to" da" moozoo" ri we'- byu yi da" nheigloem: khoug: moo: zau" to" da" myid soin: khyoo: ri we'- thoid' shoug thu' loo wa zi nghoid. Hau: bidnyid ri byu yug khang" moo" gi nyang: yo' moin: yi" da" Mangso wigi: coung" nghei ngi: shab, khyoo: ri shau" kham: yu boem wa zi nghoid.

2 TIMOTHI 4:8

Akhid" mo wigi deingmain" da" tarha" agyi ein: da" hau" Aseing: gi tarha" dang: phyed' da" bidnyid moo ngoori byid: wa nghoid da" hau: deing byeung" da" kangso' dei khyoo: yo' sen: da" oung: doid lo" bidmug gi nga" shid re" shoung: too" bye- ngoori za: we' anghoid- nyang: doem, ju" ri" wa da" khyoo: ri vho: ngei ziyo' lang" nyid bang: dangain" ri we' ab, byid: wa zi nghoid nyid.

Pang Shug 18:20

Moug: khung: moug: di we"- hau voomoo" byo, yoin" pyam' bye: yoomo gau, yi nyid loo: ge'. Mangso byu yi yo' lagyoo: yi, lapi: yi we"- gau, yi nyid ge' Khasu" wim gari Mangsoo gi nanu" ri nyang: koid lid lo ziyo' dakhyoo" ti"- hau: voomoo" ri yoobo dam, kaid' bye.

1 SAMUELA 24:15

Nyha" tang: mo hang" shoid ga: ziri hau: Aseing dang: phyed wigi ngoo ri khoem yu wigi re" lo, mo we' khyoid yu baja" o"» ga: wigi tid da:.

1 SAMUELA 25:39

Akhid" Nabala shid: bye: ga: da" ludang ri David shoug" goo: lang" nyang: gi «Aseing ri coung" nghei o"- nyang: gi ngoo ri anoug akhyoid koid da" Nabala ri latoo: phug bye: ziyo' shoid da" moo" zoo" ri koid thu wa da" nya: dei zoo: ngoo ri we' toem pyam bye: zi nghoid. Aseing gi Nabala ri nyang: koid da" age da" moo" zoo" yoomo yooboo dam byid: bye: zi nghoid» ga: tid da:. Hau: thang: David gi Abigela ri lo, xo' yu wa shid re" lagyoo: dayug ri nhang: kaid bye:.

1 SAMUELA 26:10

Xo' lho: David gi hau: Aseing dei nyid ziyo' dayhang: ti" hau: Aseing nyang: Sholu ri said pyam wa zi nghoid. Hougsu" anghoid lang" nya: ayo, ju" lang" shid: wa zi nghoid. Hougsu" anghoid lang" meing: zain: jang moo: yhe: shid: wa zi nghoid.

1 SAMUELA 3:18

Hougsu" nghoid yoomo Samuela gi ce: noem ri we' azau" too" loo: za: dangain" ziri nyang: ri tid kyoo" bye:. Eli gi «Nyang: gi Aseing nghoid nyid da" nyang: moo je gi boin: da" khyoo: ri nyang: koid wa zi nghoid» ga: tid.