MIKHA 7:6 - Lacid Common Language Bible

⁶ He: ayo, moo yuggi zoo: yigi nyangnu" da" nya: pho bi" ri koopyoid yo' dakhyoo" zoem" khau: lho: myiyi: zoo: yigi nyangnu" da" nya: myhi' bi" ri thougtheung ngeug he: ago". Dumoo" yigi nya: nid bi" yo' myeing" myo: byo, go" wigi nanu" da" gyivoo gi nanu" yhoem: byu yi nyang: nghoid nyid bye:.

MIKHA 7:6 ပူးပေါင်းရင်းမြစ်များ

APOEM AYANG: 49:4

Nang gi gyid khyoid zoo" te" nghoid da:- Nghoid loug nang gi yhouggyen: thang su: yo" bui" wa anghoid. Ciwim gari: nang gi nga" dangcang: myhi' yo' yhoeb- houg: lho: re" phoo da" yhoeb yoo ri aphoug" akhyoid koid da:.

2 SAMUELA 16:11

David gi Abishai yo' nya: gyizoug: yi dangain" ri «Nga" zoo: nyang: ngoo ri said wa ga: yoem: kaid yen" zi nghoid yoomo he: Benyamin byu yiri ciwim wigi moug" cang boo wa lha"- Aseing nyang: ri nheing" nhang: zi nghoid yoomo nyang: ri kyeing" to" to" wigi nau khyo" nheing" nyid baja".

COUNG" NGHEI 41:9

Ngoo ri: je nghe: khau: lho: ngoo yo' dage" voem: shoin" zo: da- nga" seing" tain" byencang" yi lang ngoo ri atoug" khyo" gyi dakoid lo.

DANG: ZHOEM 30:11

Nya: pho, bi" ri nheung" lho: nya: myhi' bi" ri phoug" ase' tab da- byu dayham" nyid nyid ago".

DANG: ZHOEM 30:17

Nya: phoo ri yinoug tu' pyam, lho: nya: myi, mang: lo" ri anoug ashoo" koid su: hang" nghoid loug we' join yu joem wigi phyo' zo: pyam wa zi moin: yi" nyid. Anghoid lang" gi nya: myojid" ri kano, joem wigi thei" phoug pyam, byid: wa zi moin: yi nyid.

ESAIA 3:5

Byu yugkhang" moo" gi gooji yugkhang" moo" tho' je doid lo goo" wa. Apyaid ngi bang: gi apyaid gyi: bang: ri aphoug" goo" wa. Byugang: yigi nyangnu" da" khyoo: shid vhu" shi: bang: ri aphoug" goo" wa.

ESAIA 9:19

Myhang: thang Aseing gi nheig yoo wigi nya: yooboo dam byi: zigi mung" goin" moo myi: yo' dayhang: ti" nge" wigi byumyu" yiri said toem" pyam da:. Byu yigi nyangnu" da" mang: nhung" hang" ri we' ateing too" nghoid ago".

YEREMIA 12:6

Nanya: bidnoem yi re" yhoem: byu yi lang" nang ri mhau' ago". Nyangnu" gi nang ri thougtheung gyi koid bang: shoid khyoo: dab ago". Nyangnu" gi dang: myen re" tid nghoid loug nyangnu" ri aloem» ga: tid.

YEREMIA 20:10

Yugkhang" moo" gi Gyug pho" zi khyi' khang" moo" moo jo, da:. Houg: yoomo amyeing" akhang" yoo" bang: ri nya: lu lo" fu" shang» ga: dang: so' so' go" nyid ziri ngoo shau" gyo:. Nga" da" jhang thang byencang" yi lang" ngoo leung gyoeb loo" wa ziri lang" nyid ago". Nyangnu" gi «Nyang: gi phajhi" mhid" khyau" wigi Ngoonu" nyang: ri shoug" myheig yu wigi latoo: shoug" phug abe» ga: tid ago".

YEREMIA 9:4

Yugkhang" moo" gi nya: byencang" yiri goolhoo: zung" yu" ca" da:. Hang" we' nya: mang: nhung" yiri age' loem nghoid da:. Ciwim gari yugkhang" moo" gi Yaku yhang: ti" mhoug fain" da:. Houg: lho: yugkhang" moo" gi nya: byencang" yiri mhid" zo: da:.

EZEKIEL 22:7

Voomoo khoug: mo hang" dayug we' nya: myhi' phoo ri ngi: ashab' byid: nghoid ago". Nang gi tungbau byu yiri mhoug zo: lho: cougmoo" yi yo' coug" zoo: yiri atu" amyaid sho: da:.

OBEDIA 1:7

Re" da" seing" tain" bidnoem yi dangain" gi nang ri mhoid" jhoem" pyam bye:. Nyangnu" gi re" da" mungdain: mo wigi nang ri khaid thu pyam loo bye:. Nang yo' myenjham" za: danyid nyid da" byumyu" yigi akhid" nang ri zain: oung: yu pyam bye:. Nang yo' dazoo: dashug danyid da" byencang" yigi nang ri myhi wa shid re" lhid thung: to" boem abye: go". Nyangnu" gi re" khyoo: ri «Nya: nheigboo oung: gyeung: zigi khayoo: lha"» ga: tid.

MATHE 10:21

«Hau: uri gi nya: mang: nya: nhung" nyang: cang" nyang:- said' pyam' wa shid re" ab pyam' go" loo wa zi nghoid. Nya: myid: nya: zoo: yi we' myhi, phoo yi ri gyikoid lho: - said' pyam' lo boem wa.

MATHE 26:23

Yesu gi «ngoo yo' dage" zooyho' bian daloem: moo shoin" lab, zoo: su: gi ngoori ab pyam wa su: nghoid» ga: tid.

LUKA 12:53

Nya: phoo gi yuggi zoo: yo"- Nya: myhi gi myiyi: zoo: yo, nya: nid, yo' nya: du moo"- nyang: cang" nyang: gang: go" loo" wa.

LUKA 21:16

Nangnu" gi nya: myhi' nya: phoo- nya: mang: nya: nhung"- bidnoem seing" cang" yi yo"- nanu" nya: da" byen cang" yi wigi gyivoo yi da" lo, moo ab pyam zi shau" boem wa. Nanu" mo dayham" rigi said pyam boem wa nghoid.

YOHAN 13:18

Nanu" dangain" mo, ri ngoo yeung lho: tid zi anghoid. Ngoo khyen: too" mo, ri ngoo se' nyid. Nghoidloug we' Jhoem: mungdang: moo nga" voem: zoo: su: gi ngoori khoo: thang: theing wa ga: lhid" to" zi nghoid.