MIKHA 7:3 - Lacid Common Language Bible

³ Nyangnu" dangain" gi akhyeing" ashoeb moo" zei: wa shid re" gye" jhang: mo, nghoid ago". Mung" zoug: yi yo' tarha" agyi yi gi khoug: vhoeb jhungshug mho' zo: ago". Nyangnu" ri ung: zo: da" atho' mo zoug: ludaid yigi nyangnu" ri nyangnu" vho: zi mho' yu wigi dage" za: byen phyoo" coem' zain: nyid boem ago".

MIKHA 7:3 ပူးပေါင်းရင်းမြစ်များ

DANG: ZHOEM 16:30

Nang ri zei, ceung: shoug lho: myo, myeig myeug shug bang: ri jang" pyam we'. Nyangnu" gi akhyeung" zi daja: ja: myid ci: ago".

DANG: ZHOEM 17:23

Akyang" yoin" da" tarha" agyi phoo gi khoug" byid: da" khougvhoid jhungshug yo" yu zo: da deing byeung" moo" ri azei: nghoid da:.

ESAIA 1:23

Re" vhujhung: yigi thougtheung gyi koid mo, yo’ khoug" hoeb yi da" byencang" yi za: nghoid ago". Nyangnu" gi khanham we' jhungshug joem yo’ khougvhoid joem ri kham: yu mo, nghoid ago". Nyangnu" gi coug" zoo: yiri tarha" yung" moo khanham we' abo goem loem byid:. Cougmoo" yi da" moo" ri khanham we atam" gyoo byid: bang: nghoid ago".

ESAIA 26:21

Nyangnu" yooboo yoomo myidgung byu yiri yooboo dam byid: wa shid re" Aseing gi nyang: nyid da" joyoo- mougkhung: mungdain: mo re" nyid abye:. Myid gung tho mo zau" wigi gau" koid da" byu said mo, ri toin" shid byid: loo wa. Myid gung gi said pyam shoug" bye: bang: ri ashung: too" loo wa.

ESAIA 3:5

Byu yugkhang" moo" gi gooji yugkhang" moo" tho' je doid lo goo" wa. Apyaid ngi bang: gi apyaid gyi: bang: ri aphoug" goo" wa. Byugang: yigi nyangnu" da" khyoo: shid vhu" shi: bang: ri aphoug" goo" wa.

ESAIA 32:7

Byu koo" gi akhyeing" su: nghoid lho: akhyeing" da" moo" joem ri koid da:. Nyang: gi myung: shoo" bang: ri byo, yoin" nhang: da" mhau' dang: khau" tid wigi nyangnu" yo" yu eung: da" akho: akhang" ri toem pyam byid: da:.

ESAIA 5:23

Nghoid loug we' khougvhoid vho: yoomo yooboo yu" su: ri nanu" loid byoin nhang: kaid ago". Ce: yooboo ayoo" yug ri tarha" deingmain" zi ayo" yu loosho' toem' pyam ago".

YEREMIA 3:5

Nang gi khanham we' nheig yo: nyid wa zi anghoid. Nang gi ngoo ri apyaid atoo: moo nheig yoo: wa anghoid.› ga: tid da:. Israela we" he: zigi nang tid zi nghoid da- nghoid loug we' nang gi akhyeing" ashoeb ziri yo" koid yhi' koid da:.

YEREMIA 4:22

Aseing tid zigi «Nga" byumyu" yigi nheig agyeing: nghoid ago". Nyangnu" ngoo ri asi' nghoid da:. Nyangnu" gi ko" da" zooshang: yi yhang: ti" nghoid boem. Nyangnu" moo Lasi Lajhang: se' gyo: myid aboo nghoid da:. Nyangnu" gi akhyeing" da" moo" koid wa gye" jhang: ago". Nghoid loug we' nyangnu" gi ge zi koid wa abui" adoid nghoid da» ga: tid.

YEREMIA 8:10

Houglho: ngoo gi nyangnu" da" mougmyid joem ri subi" goo" bang: jhang byid: pyam wigi nyangnu" da" yhoem: seing: myhi' yiri we' yuggi gooji bang: jhang byid: pyam wa. Byu gyi: zoo: nge zoo: yi yugkhang" moo" gi adeingmain" khyo" ngei shoo: wa yoem kaid nyid boem. Lapi: yi yo' khainjung yi lang" byumyu" yiri mhoug zo: ago".

EZEKIEL 22:12

Re" byumyu" yi mo dayham" gi aphoug" yoo" wa shid re" byu said da:. Dayham" gi nyangnu" da" Israela byumyu" nyang: cang" ngei jhid" byid: lho: atu" amyaid yu zo: ago". Houg: bang: jang" mo atu" amyaid yu nyid lho: nyangnu" yoo" zoo: yoo" shug lo ago". Nyangnu" ngoo ri to" myhid pyam bye:». Yoem moo" bo Aseing tid bye:.

EZEKIEL 22:27

Mung" vhoeb zoug: yigi nyangnu" yo" khaid yu to" da" shoo" ri ngaid phyo' zo: nyid da" zeigni joem yo' du ago".

EZEKIEL 22:6

Israela vhujhung: yi dangain" gi nyangnu" nya: yoem: ri myid loem lho: byu said moo" shoid ago".

EZEKIEL 34:21

Nanu" gi no da" yang dadu: du: ri ayam' khyoo: keing" shu" pyam lho: hau: yang phung: mo khaid tang" pyam da:.

EZEKIEL 9:9

Mangsoo doem phug tid zigi «Israela yo' Yuda byumyu" yigi gyoug pho" da" yooboo joem shoid abye: go". Nyangnu" gi damung" goin" byu said moo" shoid wigi Yerusalem moo yooboo koid moo" yo' byeung" jo, nhang: da:. Ngoo Aseing nyangnu" da" mungdain: ri she: pyam too" kho' bye: ziyo' nyangnu" ri ngoo amyang ga: nyangnu" tid ago".

HOSEA 4:18

Zabyid yhid: myoo" sho' shug thang: ri nyangnu" da" shava myhi' shava phoo moo" moo pyo: nyid ago". Nyangnu" gi ngi: shab wa tho' ngi yoem" shang pyang: wa ziri je vho: ago".

HOSEA 7:3

Aseing gi «Mung" byu yigi nyangnu" da" akhyeing" ashoeb da" khoug: lheing: lheing: wigi khokham yo' nya: gyizoug: yiri mhau' fain" pyam ago".

AMO 5:12

Nanu" da" yooboo gi khayhi' gyoug cang bo nyid ziyo' nanu" koid shoid da" youg: moo" khamyoo' myo: jo, ziri ngoo se' nyid. Nanu" gi byugi yiri shen" yhen lho: khougvhoid jhungshug ri yu zo: ziyo' tarha" yung" moo nyangnu" yo" yu eung: da" tarha" deing byeung" khyoo: ri ayo" yu wa khyo" koid nyid ago".

MIKHA 2:8

Aseing phug tid zigi «Nanu" gi nga" byumyu" yiri gyivoo joem ri yhang: ti" khaid zain nyid ago". Meing: zain: jang: mo doem tau" loo bang: gi nyangnu" yhoem: moo gau: nyu: bye: ga: myid loem nyid ri nanu" gi nyangnu" gung mo byisheing: ri khau" yu pyam byid: wa shid re" houg: moo zung" yu" nyid boem.

MIKHA 3:11

Voomoo" mo zoug: yigi khougvhoid jhungshug yoo" wa shid re" vhoebkhang" nyid ago". Khainjung yi we' aphoug" yoo" wa gu: za: tarha" ri phid: jhau" byid: nyid ago". Lapi: yigi ngei yoo" wa shid mo nyangnu" nya: da" yoeb myang ri toin" shid nyid ago". Hau: lho: nyangnu" dangain" mo, «Aseing gi ngoonu" yo' dage" nyid» ga: tid fu" nyid ago". Nyangnu" gi «Ngoonu" moo ce" yau: khe" khyoo: we' aju" wa Mangsoo gi ngoonu" yo' dage" nyid» ga: tid.

MIKHA 3:2

Nghoid loug we' nanu" gi ge da" khyoo: ri ngheung" ago"- akhyeung" da" moo" ri vho: nyid boem ago"- nanu" gi nga" byumyu" yiri kangso dei nyid shire nyang: shooyid shid pyam byid: lho: shooyoug: mo shoo" ri we' phyo' shang: yu pyam ago".

MATHE 26:15

«Yesu ri nanu" da" lo, moo ab byid: ri ngoori ci: byid: wa go"» ga: yhe: myid. Houg: bang: gi ngei soem" xi: kyab byid: boem.

1Korinthians 4:5

Houg: su" nghoid yoomo ayo, aju" shi" ri- nanu" dayug yo' dayug gi hang" ri nghoid loug we' tarha" dang: aphyed byid: nyid goo. Lo" thang bidnyid moo: tarha" dang: phyed wa da" Aseing ju" ri" sho' dalang" nyid ge'. Nyang: gi moug: coid khoug: moo: yhoem" to" da" moozoo" ri we'- byu yi da" nheigloem: khoug: moo: zau" to" da" myid soin: khyoo: ri we'- thoid' shoug thu' loo wa zi nghoid. Hau: bidnyid ri byu yug khang" moo" gi nyang: yo' moin: yi" da" Mangso wigi: coung" nghei ngi: shab, khyoo: ri shau" kham: yu boem wa zi nghoid.