MIKHA 7:2 - Lacid Common Language Bible

² Hau: moug: moo deing byeung" da" byu dayug we' anyid loo:. Mangsoo ri jhug zug loem khau: da" byu dayug we' aboo loo. Yugkhang" moo" gi byu said wa shid re" akhyoo" ayo, akhyeing: ri dalang" nyid boem ago". Yugkhang" moo" gi yhoem: seing: byumyu" yiri cang khaid kuang yen" ago".

MIKHA 7:2 ပူးပေါင်းရင်းမြစ်များ

COUNG" NGHEI 10:9

Nyang: gi khangkhyi yhang: ti" nyang: gau" joyoo moo: lang" nyid. Nyang: gi sho" jhen: mo, ri gau" lang" nyid wigi nya: gyoin: moo: myhi' yu lho: nyangnu" ri she: phang: lo.

COUNG" NGHEI 12:1

O" Aseing we" ngoonu" ri pang thug byid: we' byu gi dayug we' anyid loo. Deungmain" mo, khanham we' ashau" myang loo.

COUNG" NGHEI 12:2

Byu dangain" mo, gi nyang: cang" myeung" khyo" mhoug go" nyid ago". Nyangnu" gi dayug yo' dayug- coung" myeung" khyo" mhoug go" nyid.

COUNG" NGHEI 57:6

Nga" gyivoo joem gi ngoo ri myheug yu wa shid mo goin' ri cang kham: to" boem lho: ngoo gi myid myoo: ung: loug nyid. Nyangnu" gi nga" khyoo: moo- gyoin: du: to" boem nghoid loug we' nyangnu" nyang: hougmoo: gyo" ago".

DANG: ZHOEM 1:11

Nyangnu" tid zigi«Ri" we'- byu dayug ri yhe: said pyam shang. Ce: yooboo we' ayoo" bang: ri agoin: yhe: said ei" koin' shang!

DANG: ZHOEM 12:6

Akhyeing" mo, da" khyoo: gi leung byed suid" shoin: nhang: da" khyoo: nghoid nyid. Nghoid loug we' deing: byeung" mo, da" khoin" thui: joem koem gi kyug nhain' zi shoug" nyid bang: ri yo" khyoid yu nyid.

ESAIA 3:5

Byu yugkhang" moo" gi gooji yugkhang" moo" tho' je doid lo goo" wa. Apyaid ngi bang: gi apyaid gyi: bang: ri aphoug" goo" wa. Byugang: yigi nyangnu" da" khyoo: shid vhu" shi: bang: ri aphoug" goo" wa.

ESAIA 57:1

Byu gi yi shid: wigi hang" we' hau: ziri ase' gyoo:- ci: lang" we' ajhoo: nghoid ago". Nghoid loug we' nyangnu" shid: lo" boem uri kyi" kyeug yau: khi" ce: ja: wigi we' nyangnu" ri dam ayo" tab nghoid da:.

ESAIA 59:7

Nanu" gi khanham we' akhyeing" da" moo" daja: ja: ri koid wigi nanu" hau: ziri koid wa atheing: loo: lang" nyid ago". Nanu" gi khanham we' ce: yooboo abo da" bang: ri said wa hain: bang: nghoid. Nanu" yhe: da" joyoo khang" moo" moo byo, yoin" ziyo' phyo' soin' khyoo: za: teing too" kho' da:.

ESAIA 9:19

Myhang: thang Aseing gi nheig yoo wigi nya: yooboo dam byi: zigi mung" goin" moo myi: yo' dayhang: ti" nge" wigi byumyu" yiri said toem" pyam da:. Byu yigi nyangnu" da" mang: nhung" hang" ri we' ateing too" nghoid ago".

YEREMIA 16:16

Aseing tid zigi «Ngoo gi he: byumyu" yiri myheig yu nhang: wa shid re" wimdo, kuang bang: myoo" sho' ri nhang: kaid wa. Houg: lho: nyangnu" ri boem khang" moo"- bouggung khang" moo"- lug pyo' khung" mo lug ug lug khyung: joem moo cang khaid shoo: wa shid re" shoo" kuang bang: myoo" sho' ri nhang: kaid wa.

YEREMIA 5:16

Nyangnu" da" lid: ci: bang: gi nheig akhyeug loo: byu said da" yoem: moo" bo gyizoo: yi nghoid ago".

YEREMIA 5:26

Akhyeing" da" byu yigi nga" byumyu" yi phung: gung moo bo nyid boem ago". Nyangnu" gi ngho' joem ri kuang wa shid re" nyangnu" goin ri myu" too" bang: yhang: ti" gau" lhoem: nyid ago". Nghoid loug we' nyangnu" gi byu yiri kuang yu wa shid re" nyangnu" da" lhid: joem ri thoung: to" ago".

YEREMIA 8:6

Ngoo nyeing" za: tam" gyo: nghoid loug nanu" jo zi atid goo" nghoid da:. Nanu" mo hang" dayug we' nyang: nya: akhyeing" da" nheigloem: shid re" akug- nanu" mo hang" dayug we' «Ngoo cikoid shoid bye: loug» ga: atid. Yugkhang" moo" gi meing: zain: jang: khyoo: tang" thu yhe: lo" da" myang: yhang: ti" nyang: nya: khyoo: khyoo: xo' yhe: lo" ago".

NGOUG JI: 4:18

Gyivoo joem gi ngoonu" ri lang" yu" nyid da:. Ngoonu" gi fu" moo" khyoo: moo: lang" atho' yo" so" yen". Ngoonu" da" bidnyid joem gi thang byug bye:. Lo" thang da" ayo, we' ju" loo bye:.

EZEKIEL 22:12

Re" byumyu" yi mo dayham" gi aphoug" yoo" wa shid re" byu said da:. Dayham" gi nyangnu" da" Israela byumyu" nyang: cang" ngei jhid" byid: lho: atu" amyaid yu zo: ago". Houg: bang: jang" mo atu" amyaid yu nyid lho: nyangnu" yoo" zoo: yoo" shug lo ago". Nyangnu" ngoo ri to" myhid pyam bye:». Yoem moo" bo Aseing tid bye:.

EZEKIEL 24:6

He: zigi yoem: moo" bo Aseing tid nyid zi nghoid. «Byu said bang: da" voomoo" gi joem: lo" abye:. Hau: zigi khanham we' acid" lho' pyam da" shoopoo" oug" yo' du da:. Shoo" dajab thang: dajab xue: yu wigi dajab we' adeing loo.

HOSEA 5:1

Khainjung nanu" we" tam" gyoo: ge'. Israela byumyu" yi we" tam" gyoo: ge'. Khokham ikoin deungkhu: moo bo da" nanu" we"- tam" gyoo: we'. Nanu" gi tarha" deing byeung" zi ge' dang: phyed pyam ca" eung: da:. Nanu" gi Mizpa mo lhid' bue" lo abye: da:. Tabora boem moo kham: to" da" goin bue" byug bye:.

HOSEA 6:9

Khainjung yigi byu dayug ri khyangtoug: koid wa shid re" lhoem: nyid da" byu phung: yo' du da:. Shekhem: mo gyeung" shang: da" joyoo khyoo: yhe: da" khyoogung mo lang" nyangnu" gi byu said moo" koid thu ago". Houg: lho: nyangnu" gi he: akhyeing" ashoeb moo" dangain" ri pa: yhi: koid ago".

MIKHA 2:8

Aseing phug tid zigi «Nanu" gi nga" byumyu" yiri gyivoo joem ri yhang: ti" khaid zain nyid ago". Meing: zain: jang: mo doem tau" loo bang: gi nyangnu" yhoem: moo gau: nyu: bye: ga: myid loem nyid ri nanu" gi nyangnu" gung mo byisheing: ri khau" yu pyam byid: wa shid re" houg: moo zung" yu" nyid boem.

MIKHA 3:10

Nanu" gi Mangso voomoo" Yerusalem ri byu said da" moo" yo' anyeing veung" da" tarha" bo da" apoem: ayang: tho' moo za: tam: nyid nyid ago".

MIKHA 3:2

Nghoid loug we' nanu" gi ge da" khyoo: ri ngheung" ago"- akhyeung" da" moo" ri vho: nyid boem ago"- nanu" gi nga" byumyu" yiri kangso dei nyid shire nyang: shooyid shid pyam byid: lho: shooyoug: mo shoo" ri we' phyo' shang: yu pyam ago".

ZEKHARIA 11:6

(Aseing tid zigi ngoo we' mougmyid byu yi hang" ri we' nheig akhyeug loo: wa. Byu dangain" ri ngoo gi zoug: yi da" lo, moo ab byid: pyam' wa. He: mung" vhoeb zoug: yigi myid jang ri byo, yoin" loo" nhang: goo" wa. Nyangnu" da" yoem: so' mo ngoo akhyoid yu.)

ACTS 24:9

Yuda byu yi gi he: dang: gi dangain" deung zi nghoid ga: coem, tid boem ago".

1 SAMUELA 24:11

Yu" we' nga" phoo we"- akhid" ngoo ci: nyid da" re" atho' byi: pain" cu' thang: ri yu" yu" we'. Ngoo nang ri yo" said pyam zi za: nghoid da:. Nghoid loug we' hougsu" koid wa gungthid he: pain" cu' du za: dayham" yu zi nghoid. He: ziri yu" wigi ngoo nang ri gyi koid wa shid re" amyed yen" ein: ziri we' nang ri anhoo nhang: nau ein: ziri we' nang ri si' nhang: nau zi nghoid. Ngoo gi nang ri ashoid yu" nghoid loug we' nang gi ngoo ri said pyam wa shid re" sho: yen" da:.

1 SAMUELA 26:20

Aseing yo' ve: da" tungbau mougmyid moo ngoo ri said pyam nhang: wa khyo" akoid nyid goo". Israela khokham gi ciwim yoomo ngoo ri khalhid" yhang: ti" said pyam eung: nyid la". Ciwim yoomo nyang: gi ngoo ri kyoem: khoug: mo ngho' zoo: ri yhang: ti" cang khaid beug yen" la"» ga: tid.