MIKHA 7:18 - Lacid Common Language Bible

¹⁸ Aseing we" nang yo' du go" da" mangsoo gootu: khayoo: we' anyid loo: nghoid da:. Nang gi nyid deung jo, da" re" byumyu" yi da" yooboo ri khyoid pyam byid: nyid da:. Nang gi apyaid atoo: moo nheig jha" yo: nyid su: anghoid. Nang koem' gi ngoonu" ri re" geung: teung da" jhed khyeing: kang: khyeing: toin" shed nyid jang" moo nheugshid: nyid.

MIKHA 7:18 ပူးပေါင်းရင်းမြစ်များ

APOEM AYANG: 4:7

Nang gi ge da" moo" ri zei: nghoid rigi nang yinoug soem" si' bue" nyid wa nghoid loug we' nang gi age moo" zei: yoomo yooboo gi re" khoem" duang: moo vhoeb jo. Hau: zigi nang ri vhoebkhang" nau nyid nghoid loug we' nang gi houg: ri ung: pyam ca"».

1 KHOKHAM 8:23

ziyo' akyu" mho' zigi «Israela Aseing Mangsoo we"- mougkhung: tho' moo we' myidjang vhoo: moo we' nang yo' du da" yu phara" gootu: anyid loo: nhung. Nang gi re" byumyu" yi yo' koid to" da" dang: theing ri pyeing byid: wigi nang ri myid nheigloem: dangain" ziyo' tam" gyo: cang yhe: nyid bang: ri re" jheddab myid ri ci: shug nyid da:.

2 KHOKHAM MHOOMYID: 30:9

Nanu" gi Aseing jhang doem tau" lo boem nghoid rigi nanu" da" bidnoem yiri thung: byu khyo" myheig shu" lo" bang: gi nyangnu" ri nheig khyeug wigi nyangnu" ri yhoem: khyoo: loo nhang: kaid loo goo" wa. Nanu" da" Aseing Mangsoo gi nheig khyeug ziyo' nheig khyeug shoo" myen: yug nghoid da:. Nanu" nya: jhang tau" lo boem nghoid ri nyang: gi nanu" ri lhoem: tau' yu ri" wa» ga: bo da:.

2 KHOKHAM MHOOMYID: 6:21

Nga" akyu" mho' dang: joem yo' re" Israela byumyu" yi he: joyoo khyoo: myonhoo: shu: lho: akyu" mho' dang: ri tam" gyoo: byid: la. Mougkhung: moo jo, da" re" yhoem: mo ngoonu" ri tam" gyoo: byid: wigi ngoonu" ri yooboo khyoid byid: la.

NEHEMIA 9:17

Nyangnu" gi tam" gyoo: cang yhi: wa shid re" ngeug he: pyam ago". Nyangnu" gi nang koid lid lo zi dangain" ri to" myid pyam ago". Nyangnu" gi nang koid da" mau" pho" alhoo: again joem ri to" myid pyam ago". Nyangnu" nghoid boin: yoomo nyangnu" gi nyangnu" ri Egutu khyoo: doem shu" tau" phang: wa vhujhung: dayug ri khyen: ago". Nghoid loug we' nang gi yooboo khyoid byid: da" Mangsoo nghoid da:. Nang gi jeju" byeung" lho: jheddab myid bo ziyo' nheig yoo: wa ahain: su: nghoid da:. Re" nheig khyeug myid gi gyi: sheung: da:. Nang gi nyangnu" ri ashe: pyam too" nghoid da:.

COUNG" NGHEI 103:13

Nya: phoo gi nya: zoo: yiri nheug khyeug shoo" myen: nyid yhang: ti" Aseing we" nyang: ri phau" myhang: nyid bang: ri nheug khyeug shoo" myen: nyid.

COUNG" NGHEI 130:4

Nghoid loug we' nang gi ngoonu" ri yooboo khyoid pyam byid: nyid. Houg: yoomo ngoonu" gi nang ri gyoug phau" tam" gyo: nyid boem.

COUNG" NGHEI 35:10

«Nang yo' du goo" su: dayug we' anyid- nang gi yoem: boo mo, khoug: mo doin: zeig zo: zi shoug" nyid mo, khoug: mo sho" jhen su: ri coung: goem nyid.» ein: nga" da" ung: khoug: nheigloem: bain sho' yo' ngoo gi Aseing ri tid nyid.

COUNG" NGHEI 65:3

Ngoonu" shoid vhang: da" yooboo joem gi ngoonu" ri soem" joem: loo" nhang: pyam nghoid loug we' nang gi hau: khyoo: ri yooboo khyoid pyam byid: nyid.

COUNG" NGHEI 65:4

Nang khyen: yu lho:- re" da" gyeung" shang: joyoo mo: nyid wa shid re" nang shu" loo mo, gi ngilho' nyid. Re" da" gyeung" shang: Noku Yhoem: Moo" mainkaid jeju" joem- re" da" yhoem: mo ge lho, khyoo: joem yo' ngoonu" gi nheugshid: nheugdeug nyid boem wam: bye:.

COUNG" NGHEI 71:19

Mangsoo we"- re" da" deingmain" da" khyoo: gi mougkhung: joem moo: myhi: jo. Nang gi gye" gyi: da" moo" zoo" joem ri zei: bye:. Nang yo' du su: gooyug dayug we' anyid loo.

COUNG" NGHEI 86:15

Nghoid loug we' Aseing we" nang gi nheug khyeug shoo" myen: se' ziyo' jheddab se' da" Mangsoo nghoid. Nang gi khanham we' kham zeing: su: nheigloem: zung" su: yo' nheug khyeug su nghoid.

COUNG" NGHEI 86:5

Nang gi ngoonu" tho' moo ge nyid su: nghoid yoomo yooboo ri khyam" sa: byid: nyid. Nang ri akyu" mho' nyid mo, dangain" bang: shid re" re" da" geung: teung jhed khyeing: kang: khyeing: ri joeb, joeb, byeung" byeung" kham: zoo: nhang: nyid bye:.

COUNG" NGHEI 89:6

Aseing we" moug khung tho' moo: we' nang yo' du zi hang" anyid loo. Moug khoung: zoo: yi hang" we' nang yo' yo" du goo" wa zi anghoid.

COUNG" NGHEI 89:8

Gyi: myhang: thang da" Aseing Mangsoo we"- nang yhang: ti" yoem zeing so, moo" boo su- hang" we' anyid nyid loo. Aseing we"- nang gi khyoo: khaid gu: khang" moo" moo dang: zung" su: nghoid nyid.

THU' LO" MOUGSOUG" 15:11

Aseing we"- yu phara joem moo nang yo' du zi hang" nyid wa lha". Gyeung" shang: jang" moo mau" pho" da" nang gi hang" yo' du wa lha". Re" da" mau" pho" moo" zoo" yo' gyi: sheung: moo" zoo" ri nang yo' dakhyo" hang" yo" koid wa lha".

THU' LO" MOUGSOUG" 34:9

Nyang: gi «Aseing we" nang ngoo ri vho: ngei zi gyeing" nghoid rigi nang ngoonu" yo' dage" yhe: loo" shang ein: ngoo tid nau. He: byumyu" yi nheigloem: thain: nghoid loug we' ngoonu" da" yooboo yo' akhyeing" ziri khyoid pyam byid: wigi re" byumyu" khyo" wigi ngoonu" ri khab yu la» ga: tid.

ESAIA 1:18

Aseing gi «Akhid" hau: moo" ri sho' pyam boem ge'. Nanu" yooboo gi suid" su" ne dab jo, nghoid loug we' ngoo gi nanu" ri gyu: yhang: ti" phyu: sho' cid" pyam byid: wa. Nanu" byang: byang: ni sho' dab nghoid loug we' yang moug" yhang: ti" phyu: loo goo" wa.

ESAIA 33:24

Ngoonu" mung" moo nyid boem da" bang: hang" dayug we' no wigi khanham we' adoem myeing" myoo: loo goo" wa. Yooboo dangain" gi khyoid pyam byid: shoug" wa.

ESAIA 38:17

Nga" da" pyaid khoo" gi ngei pyo: yug yo zi bue" loo" wa. Nya" apyaid ri gyoug ca" ja: dangain" mo nang khyoid yu lho: Nga" yooboo joem dangain" ri nang khyoid byid: bye:.

ESAIA 40:18

Mangsoo ri hang" yo' yo" tu' wa la". nyang: khate" su: nghoid ziri nang khasu" yo" toin" shid wa la".

ESAIA 40:25

Gyeung" shang: da" Mangsoo ri hang" yo' yo" tu' wa la" nyang: yo' du zi gootu: hang" nyid la"

ESAIA 43:25

Nghoid loug we' ngoo gi re" yooboo joem ri khyoid byid: da" su: Mangsoo: nghoid. Ngoo ga: su: nghoid yoomo he: ziri ngoo koid da:. Ngoo gi re" yooboo joem ri thougtheung zei: ci: wa zi anghoid.

ESAIA 44:22

Ngoo gi re" yooboo ri jhoemmoug" ri yo' dakhyoo" ti" shoem" pyam wa. Nga" jhang doem tau" loo we' ngoo gi nang ri khyoid yu su: nghoid» ga: tid da:.

ESAIA 55:7

Akhyeing" da" byu yigi nyangnu" akhyeing" da" kangso' dei khyoo: ri to" pyam wigi Nyangnu" myid da" khyoo: ri thid pyam boem goo" baja". Ngoonu" Aseing Mangso jhang khyoo: nyangnu" ri lheing: loo nhang: ge'. Nyang: gi nheig khyeug ziyo' yooboo khyoid byid: wa myab nyid su: nghoid.

ESAIA 57:10

Gootu: yu phara" joem ri sho: jang" moo nanu" nya: gung myung: byug abye: go". Nghoid loug we' nanu" khanham we' asoem" abyid: nghoid ago". Nanu" da" aco' ajhoid da" phara" soolhoo: joem gi nanu" ri yoem: byid: wigi nanu" khanham we' yoem: aneing: ga: nanu" jho: boem.

ESAIA 57:16

Nga" byumyu" yiri ngoo kangso' byid: wigi nyangnu" ri xo' lho: yooboo azhug wa. Apyaid atoo: moo we' nyangnu" ri ngoo anheig yoo: wa.

ESAIA 62:5

Zoolu: phoo gi nya: myhi' seig khyo" zoomyi: gyeing" ri lo, xo' yhang: ti" Nang ri gung khyang: koid byid: su: gi nang ri lo, xo' yu wa. Phoo seig gi nya: myhi' seig ri jheddab yhang: ti" Re" Mangsoo gi nang ri ngei wa.

ESAIA 64:9

Houg: yoomo ngoonu" ri nheig atung" yoo:. Ngoonu" yooboo joem ri apyaid atoo: moo axoem" too" byid:. Ngoonu" gi re" byumyu" yi nghoid- ngoonu" ri nheig khyeug byid: la.

ESAIA 65:19

Yerusalem yo' nya: byumyu" yi yoomo ngoo nyang: we' ngei pyo: khyoo: byeung" jo, wa. Hougmoo ngau ga: zi ajo, wa. Pang" thug mho' ga: zi ajo, wa.

YEREMIA 3:12

Nyang: gi ngoo ri Israela jhang yhe: wigi hid su" ga: tid nhang: da:. «Jhug azug da" Israela we"- nga" jhang doem tau" loo we'. Ngoo gi nheig khyeug myid bo wigi nheig ayoo: wa. Ngoo gi nang ri apyaid atoo: moo nheig yo: nyid wa anghoid.

YEREMIA 3:5

Nang gi khanham we' nheig yo: nyid wa zi anghoid. Nang gi ngoo ri apyaid atoo: moo nheig yoo: wa anghoid.› ga: tid da:. Israela we" he: zigi nang tid zi nghoid da- nghoid loug we' nang gi akhyeing" ashoeb ziri yo" koid yhi' koid da:.

YEREMIA 31:20

Israela we"- nang gi nga" da" jheddab thang da" yuggi zoo: Nga" jheddab thang da" zooshang: nghoid da:. Re" myeing ri ngoo tid khang" moo" jheddab myid yo' ngoo nang ri myid da:. Nga" nheigloem: nang yo' dage" nghoid wigi nang ri ngoo nheig khyeug byid: wa.

YEREMIA 31:34

Nyangnu" mo hang" dayug we' nyangnu" da" yhoem: kyoo" cang" yiri Aseing ri si' wa shid re" jhau" shid byid: aca" loo wa. Ciwim gari: nge thang yug mo gyi: thang yug ju" sho' dangain" bang: ngoo ri se' loo goo" wa. Nyangnu" yooboo joem ri ngoo khyoid pyam byid: wigi nyangnu" shoid da" lo, moo" joem ri khanham ngoo amyid boin: loo wa. Ngoo Aseing tid too" bye:.

YEREMIA 32:41

Nyangnu" shid re" gi koid jang" moo ngoo pyoo: wa. He: mungdain: moo ngoo nyangnu" ri abei: abyo, de: nyid nhang: wa.

YEREMIA 33:8

Nyangnu" ngoo ri gyi koid wigi shoid loo bye: da" yooboo joem mo nyangnu" ri ngoo kyeing sain' pyam byid: wa. Nyangnu" yooboo joem ri yo' nyangnu" goemlu to' da" khyoo: ri ngoo yooboo khyoid byid: wa.

YEREMIA 38:8

Houg: yoomo Ebedmeleg gi houg: khyoo: yhe: wigi khokham phoo ri

YEREMIA 50:20

Hau: ayo, ju" lang" Israela moo ce: yooboo amyang wa. Yuda mung" moo akhyeing" zi ci: ajo, wa. Ciwim gari ngo wigi kangso' dei nhang: too" bang: ri ngoo yooboo khyoid byid: wa. Ngoo Aseing tid too" bye:» ga: tid da:.

YEREMIA 9:24

Byu dayug yug phoug: nau nghoid rigi Nyangnu" gi ngoo ri se' ziyo' se' gyo: khyoo: moo phoug: eung: da:. Ciwim gari nga" da" jheddab myid gi abei: abyo, geing: teing jo, da:. Houg: lho: ngoo gi tarha" deungmain" ziyo' jo ziri koid da:. Hau: joem gi ngoo ri vho: ngei nhang: da:. Ngoo Aseing tid too" bye:.

EZEKIEL 18:23

«Akhyeing" su: shid: ziri" ngoo yu" gau nyid ein: nanu" jhoo: go" rhe"» ga: Yoem: moo" bo Aseing myid:. «Anghoid- nyangnu" nheigloem: thid wigi dei nyid ziri je da myang nau.

EZEKIEL 33:11

Ngoo yoem: moo" bo Aseing gi deing deing dei nyid ziyo' dayhang: ti"- yooboo yoo" bang: shid: lo" ziri ayu" gau ein: ziri nyangnu" ri tid kyoo" we'. Nyangnu" gi yooboo shoid ziri theing: pyam lho: kangso' dei nyid ziri ngoo je myid vho: da:. Israela we"- nang koid nyid da" akhyeing" moo" ri theing: pyam we'. Nang ciwim yoomo shid: nau la"

EZEKIEL 33:16

Ngoo gi nyang: shoid lid: loo bye: da" yooboo joem ri khyoid pyam byid: lho: nyang: gi kangso' dei nyid wa. Ciwim gari nyang: gi jo ziyo' ge ziri koid yoomo nghoid.

DANIELA 9:9

Ngoonu" gi nang ri gyi koid thougtheung loo nghoid loug we' nang gi nheig khyeug ziyo' yooboo khyoid bye: da:.

HOSEA 14:2

Aseing jhang doem tau" lo lho: he: akyu" mho' dang: gi nyang: ri shugbyid: da" re" xoin" nghoid baja". Ngoonu" yooboo joem dangain" ri khyoid pyam byid: lho: ngoonu" da" akyu" mho' dang: ri khab yu byid: la. Houg: lho: ngoonu" dangsoo" to" ziyo' dakhyoo" ti" nang ri coung" byid: wa.

HOSEA 14:5

Ngoo gi Israela byumyu" yi shid re" kyug hei' da" mougmyid mo moug: gyid yo' dakhyo" nghoid loo wa. Nyangnu" gi bain: joem yo' dakhyoo" ti" bo" yung" loo goo" wa. Nyangnu" gi Lebanon mo seiggam joem yo' dakhyoo" ti" agyi: teing za: cen' loo goo" wa.

YOELA 2:32

Nghoid loug we' Aseing jang" mo pang" thoug khyoo: mho' yu mo, dangain" bang: koem' gi khyoid yu zi shau" boem wa nghoid» ga: tid to". Yerusalem voomoo" mo mo, dayham" gi loid byoin loo" goo" wa. Houg: bang: gi ngoo khyen: yu too" bang: nghoid wigi ashid: loo: nyid deung jo, boem wa» ga: Aseing tid nyid.

AMO 1:11

Aseing tid zigi «Edom mung" byu yigi pug lho: pug lho: yooboo dakoid nyid boem yoomo ngoo gi nyangnu" ri gyeing" gyeing" nyang: yooboo dam byid: wa. Nyangnu" gi nyangnu" da" mang: nhung" Israela yiri khaid zain: lho: nheig khyeug shoo" myen: khyoo: ri atoin" shid nghoid ago". Nyangnu" da" nheig joem: yo: khyoo: gi anoo: atheing: loo: khanham we' nheig atho' shid: loo: nghoid ago".

AMO 7:8

Nyang: gi ngoo ri tid zigi «Amo we" nang ce: noem myang» ga: myid: lang" «Lake' tei" ri myang» ein: tid bye:. Houg: lang" nyang: tid zigi «Nga" byumyu" yigi he: xiyam yhang: ti" kam" la' akam" la' ein: ziri toin" shed wa shid re" houg: ziri ngoo ci: yhung: nyid zi nghoid. Nyangnu" ri yooboo dam kaid wa da" nga" nheigloem: ri ngoo thid wa zi nghoid.

AMO 8:2

Aseing gi «Amo we" nang ce: noem myang lha"» ga: myid:. Ngoo gi «Shi" dagyoin ri myang» ein: phoug tid. Houg: lang" Aseing gi ngoo ri nga" byumyu" Israela yi da" lo" thang ayo, ju" loo bye:. Nyangnu" ri yooboo dam byid: wa ein: ngoo myidyung to" khyoo: ri doem lhid: loo: wa zi anghoid.

YONA 4:2

Houg: yoomo nyang: gi «Aseing we"- ngoo yhoem: mo athu loo shi" uri nang gi hougsu" koid wa ziri ngoo tid bye: anghoid la". Nang gi khanham we' jheddab myid yo' nheig khyeug nyid su:- nheigloem: gyi: sheung: nyid su:- yooboo dam kaid wa jang" mo lei lei doem yoeb pyam da" Mangsoo nghoid nyid ziri ngoo se'. Ngoo Spain mung" khyoo: phang: loo" bye: zi he: gang mo nghoid.

MIKHA 2:12

«Nghoid loug we' deung nyid shi" da" Israela byumyu" yi nanu" dangain" ri ngoo doem zheung" yu wa nghoid. Ngoo gi yang khyam: khyoo: doem tau" lo da" yang phung: ri yhang: ti" nanu" ri doem shu" yu wa nghoid. Yang joem byeung" jo, da" yang kaid jang: yo' dakhyoo" ti" nanu" da" mougmyid moo byu myoo" sho' yo' doem myo: loo wa zi nghoid»

MIKHA 4:7

Nyangnu" gi khyid: yoin" wigi yhoem: moug: mo ve: gang: nyid boem nghoid loug we' nyid deing bang: mo ngo wigi aseig doem nyheing lho: nyangnu" gi gyi: sheung: da" byumyu" doem bue" loo goo" wa. Hau: ayo, mo thang: phyang" apyaid atoo: moo ju" sho' ngoo gi nyangnu" ri Ziun boem tho' moo vhoeb nyid loo wa» ga: tid.

MIKHA 5:3

Hougsu" nghoid wigi myhi' zeing gi zoo: khu: re" jang" moo ju" sho' Aseing gi nya: byumyu" yiri nyangnu" da" gyivoo joem lo, khoug: moo she: pyam too" wa zi nghoid. Hau: thang: ri tungbau moug: moo pyoung" to" zi shau" da" Israela byumyu" yi gi nya: da" moug: moo nyid yam: cang" yi yo' dage" doem shoug" shoin" nyid wa nghoid.

MIKHA 7:14

Aseing we"- nang nyang: khyen: yu to" da" re" byumyu" yi moo yang zung" su: bue" nyid we'. Nyangnu" gi siyoo dain" pyoid khung" moo yhe: nyid yen" boem nghoid loug we' nyangnu" da" ayam aqei: moo myid xu: ge da" mougmyid lheung khoem to". Nyangnu" ri goonham' gooco' pyaid mo wigi koid lo boem ziyo' dakhyoo" ti" Bashan yo' Gilead mo ge da" mhain" nu" yoo moo nyangnu" ri yhe: lham" zoo: nhang: we'.

ZEPHANI 3:17

Re" da" Aseing Mangsoo gi nang yo' dage' nyid nyid bye:. Nya: yoem: so' gi nang ri oung: doid loo" nhang: wa nghoid. Aseing we" nang moo nheugshid: nheugdeug nhang: ziyo' nya: jheddab da" nheigloem: khyo" nang ri kangso' aseig byid: wa Byumyu" yigi pui" zeing moo ngei bu: nyid boem yhang: ti" nyang: gi re" tho' moo ngei bu: jikhoin" khoin" loo wa nghoid. Aseing tid nyid zigi byuxuid" vooyoem: khyoo: gi thang lo" lho: re" da" sho' phu" khyoo: ri shang: pyam byid: bye:.

GYUNG: SOO" 23:21

Israela da" ju" loo wa ayo, moo age da" vhu" pi: lo, kyo' yo' yau: khi" ri nyang: moo: abui" wa ziri ngoo myo, myang myang da:. Nyangnu" Aseing Mangsoo gi nyangnu" yo' dage" nghoid nyid. Nyang: gi nyangnu" khokham nghoid ziri nyangnu" tid nyid.

LUKA 15:32

Re" no, koem gi shid: byug bye- nghoid loug we' akhid" doem dei loo bye. Nyang: byug byug bye: nghoid loug- akhuid' doem shau" nyang bye: yoomo nyhang" phi" yi zo: shug pui" koid: shang- ngei pyo: nyid shang.

LUKA 24:47

Nya: myeing khyang" ri loem" jeing" lho: yooboo ri khyoid pyam byid: khyoo: yo" yu nheigloem: thid lo da" khyoo: ri Yerusalem voo mo ayang: qei" lho: byumyu" bain sho' ri kho" kyo" loo" ge'.

Roma 11:4

Hougsu" nghoid loug we' - Elia ri Mangsoo: khasu" doem ga: lha". Mangsoo: gi - Ngoo gi bala' phara" ri u" pid' apid' - no' we' ano' mo. Byu nyhed khyeing" ri - nga" shid' re" teung too" byid: bye. ga: wigi tid.

TARHA" TID POIN" 33:26

Israela byumyu" yi we" nanu" da" Mangsoo yo' du da" yu phara" anyid. Nyang: gi mougkhung: byeung" sho' da" younglho' gyi: sheung: jang" mo zhung: lid lo" da:. Nanu" ri pang" thoug yu wa shid re" jhoemmoug" thei" moo zhung: wigi re" da:.

YAKU 2:13

Khasu" wim gari Mangsoo gi nheig ase' khyeig su: ri nheig akhyeig loo: za: dang: phyed' byid: loo wa zi nghoid. Nghoid loug we' nheig khyeig shoo" myen: khyoo: gi tahra" dang: phyed' khyo: tho' moo yoem: je bo.

TARHA" AGYI 10:16

Houg: yoomo nyangnu" gi nyangnu" da" tungbau yu phara" joem ri yu pyam lho: Aseing ri noku ago". Nyang: gi Israela byumyu" yi da" yau: khe" kyi" khyeug ziri nheig yo" khyeug byid: da:.